لكل إنسان ماضي وهناك من يتمنى عودة الماضي إذا طلب منك الإختيار فأي فترة تختار ؟؟؟
او اي مناسبة تريد ان تعود اليها ؟؟؟؟
او اي لحظات او مرحلة تبقى عالقة في ذهنك تتمنى لو انك تعود اليها ؟؟؟؟
عرض للطباعة
لكل إنسان ماضي وهناك من يتمنى عودة الماضي إذا طلب منك الإختيار فأي فترة تختار ؟؟؟
او اي مناسبة تريد ان تعود اليها ؟؟؟؟
او اي لحظات او مرحلة تبقى عالقة في ذهنك تتمنى لو انك تعود اليها ؟؟؟؟
يسعد مساك اخوي فهد .. نورت يامرحبا
كل مرحلة في حياتنا لها طعم مختلف ..
عن نفسي مرحلة الثانويه كانت مميزة لي .. بعمر 15-16-17
:
شكلك حنيت للماضي :) الله يكتب لك الافضل فيما كان .
نعم اتمنى العوده للزمن الجميل جيل الطيبين وخاص في بداية التسعينات الى نهايتها لكن الان الجيل الجديد بيقول من صجكم زمنكم مافيه شي على شنو عاجبكم
أجمل مرحله لي :
من التسعينات الى بدايه الألفيه ..
مرحله الاعداديه والشقاوه ..
مرحله الثانويه والتفكير في المستقبل ..
مرحله تصلي العصر وبعد متابعه الرسوم المتحركه تطلع للفريج تلعب كورة إلى أذان المغرب ..
وبعدها كلنا نتسابق على المسجد ..
مرحله الجيره الطيبه ..
مرحله الشوارع الفاضيه .. المشوار ياخذ لك ربع ساعه
الطفولة .. مرحلة الإعدادية ..
الزمن اللي تحتفل فيه قطر ب 22 فراير ..
الزمن اللي ما فيه مجمعات ..
قطر قبل الزحمة ...
كل فترة على حياة الوالدة الله يرحمها ويغفر لها يوم كنت اقوم من بعد صلاة الفجر والقاها في الصالة قاعدة ومجهزة الشاي والقهوة ،، ريحة القهوة للحين ما تفارق خيالي
الله يرحم موتانا وموتاكم وجميع موتى المسلمين
كل فترة فيها الذكريات المفرحة والمحزنة بنفس الوقت..
بالنسبة لي كانت طفولتي معاناة لاني كنت الولد الكبير وكان الاعتماد علي بكل شي..
يعني اقوم الصبح اروح العزبة اشوف شحال الغنم عقب اروح للمدرسة..
بعد مادخلت الاعدادية تطورنا جبنا راعي ههههه وصرت انا مدير العزبة ههه..
المهم فترة الاعدادية والثانوية بديت اشب واطول واشوف حالي زين مازين..
فترة بعد الثانوية تزوجت على طول والحمدلله صار عندي عيال..
تكت حياتي كلها سعادة اللهم لك الحمد الى ان الله قدر يتوفى الوالد اظلمت الدنيا في عيني عمري ماشفت هالظلام ولا كنت اتخيل انه كذا..
الحمدلله انسى واتناسى والله عوضني بوالدتي اللي هي تاج راسي وراس مالي حاليا اسال الله ان يجعلني بار بها..
لو تسالني تحب ترجع للماضي اقول لك لا..
المراحل ذيك كانت سعيدة وعشناها وطوينا صفحتها كل همي حاليا هو المستقبل..
والله الذكريات حلوه وكلنا لنا تجاربنا و حنين للماضي
من التعليقات تذكرت كرتون العصر و تحفيظ القرآن ايام لا ايباد ولا انترنت
وايد مراحل نتمنى ترجع و نعيشها مره ثانيه
الي احب اقوله بعد هالكلام
احنا ممكن نحدد طريقه حياتنا للمستقبل بحيث تكون مراحل تستحق الذكرى
نحدد لعيالنا اوضاع تستحق يتذكرونها لما يكبرون
مثل الاباء كيف زرعوا فينا مبادئ و ذكريات حلوه مع ان الحياه كانت بسيطه لكن تستحق الذكرى السعيده
نعطي انفسنا و ابنائنا وقت سعيد مش بس نعلم و نلبس و نشتري لهم و احنا بعيد او مشغولين عنهم
احيانا اجيب بالونات و اعبيها ماي و اخلي اليهال يفلتونها من الدريشه عشان تنفجر بالحوش
او اطلعهم بالحوش وكلن يفجرها بالثاني
ككبار ما نحس بأهميه الوقت السعيد في امور بسيطه لكن بنظرهم الدنيا وما فيها
مجرد وقت مستقطع يعطي سعاده و ذكرى لطفولتهم و تصوير الجوال ما يقصر
ايام زمان كان الوالد الله يرحمه يودينا بحر راس بوعبود ما كان فيه اي مباني بس اللعب هناك و السباحه للحين اتذكر وناستها
احن الى زمن كنا تحت عين ابونا وخوفه علينا وكيف كان لا ينام قبل ما يطمن علينا هل اكلنا وشربنا وصحتنا جيده ام لاا..
رحم الله ابي وادخله جنة سقفها عرش الرحمن
كان اجمل زمان ..زمانه لن يعود ولا يعاد ..
2001
بالنسبه لي شخصيا
التفاصيل خاصه