المشاركة الأصلية كتبت بواسطة عايش فرحان
بالنسبة للي يقول ليش ما تشتغل حق تقاعدك و ترتب امورك بدون ما تزعج هيئة المعاشات!!
اقول له .. انا كطبيب او كمهندس او عسكري اداوم من الصباح الى المغرب و اكثر احياننا ( خصوصا المهندسين و الاطباء) و اطور نفسي و اجتهد في عملي و انا متطمن ان حقوقي التقاعدية في ايدي امينة و انني بعد التعب و عطاء السنين راح يكون حقي محفوظ و ضهري محمي
ولا احتاج انني اسحب اهتمامي ووقتي من عملي لاجابل اعمالي الخاصة و مصالحي التجارية على حسب عملي ووضيفتي !!
بالطريقة التي تمشي فيها الامور في قطر .. ماراح تحصل واحد قاعد في مكتبه و يهتم بعمله بحجة انه قاعد يوسس اعمال خاصة تشيله وقت التقاعد .. ترى مب كل الناس عندهم تجارة عائلية قائمة و اذا انا بقحم نفسي اقحام في التجارة او الاسهم عشان ما ازعج هيئة المعاشات راح يكون هالشيء على حساب ساعات عملي و انتاجيتي فيه
و ما شاء الله هيئة التقاعد عندهم موظفين و مكاتب و مناصب و خبراء في الاستثمار و مليارات ممنوحة لهم من الدولة واسهم مخصصة لهم من الدولة .. وبدل ما يستثمرونها و ينمونها .. حاطين عينهم على الموظف المسكين و يبون يقزرونها عليه بزيادة نسب الخصومات و القطوعات و تقليل الحقوق وتعقيد المتطلبات .. و المضحك انهم يبون يخصمون من راتبك بالنسبة و لكن يعطونك مبلغ ثابت .. بحيث يكون مجموع اللي يقطعونه اكبر من مجموع اللي يعطونه الناس .. العدالة تقتضي .. انه اذا كان الاستقطاع بالنسبة يكون العطاء بالنسبة ايضا .. واذا كان العطاء مبلغ ثابت و ليس نسبة يكون الخصم مبلغ ثابت و ليس نسبة ايضا .
حد يقولهم انهم مب كيوتل او القطرية و لكنهم موسسة اسمها هيئة المعاشات هدفها خدمة المشتركين و ليس حلبهم