المشاركة الأصلية كتبت بواسطة مضارب دوسري
اذا ترميم الجدار بقصد معجون وصبغ
تكلفتها مع المواد تكون بحدود 800_1000
هذا اذا بنحسب على اساس جوتن الصبغ المائي اللي قيمة الدرام العود 300_320 ريال والدرام العود الواحد يكفي لصبغ غرفتين (وانصح بالصبغ المائي للي يحبون الالوان الساده و انا اشوفها ممتازه من وجهة نظري)
اما اذا كان بقصد الجدران فيهاا تشرخات ويبيلها ترميم شبك وفوقه بلاستر (ركز اي شغل فيه بلاستر يفك الشرخ ويعبيه شبك مع البلاستر عشان يمسك عدل ) ومن ثم المعجون والصبغ ممكن تكون تكلفة الغرفه الواحده 1200_1300
السقف اذا طبقه وحده سيده بدون ديزاينات فقط على اطراف السقف يكون المتر 70_80 ريال مع الصبغ للسقف يعني الغرفه الوحده اذا 4×5
بياخذ السقف منك 1600 ريال ركز لازم تقول للي بيشتغل السقف مع الصبغ (اما شغل يركب الحبس وتروح عقب تجيب ناس ثانيين لصبغ السقف ف بتدش فمواضيع ثانيه ) اشرط عليه يا يشتغل كامل يا يقبض الباب
اذا السقف تبيه طبفتين مع اضاءه مخفيه ومن هالكلام يكون المتر المربع يكلفك 110_120 مع الصبغ
يعني الغرفه اذا 4×5 بتاخذ منك 2400 ريال
اذا كان هناك سقف سابق يبيله شيل وعقب يركبون الجديد المفروض قيمة الشيل ما تتجاوز 10 ريال للمتر يعني 200 ريال للغرفه
واللي بيسوي لك الشغل الزمه هو اللي يشيل القديم وزيد 10 ريال على الحسبه اللي حسبتها
الاسعار فوق هي اسعار السوق بالسقف الاعلى يعني ممكن تكاسر عالخفيف خصوصا درام الصبغ العود يكفي لغرفتين
او تقدر تتفق مع الصباغ على شغل اليد فقط وانت لللي تتكفل بالمواد
وهالاسلوب عن نفسي اسويه (لان اللي بيشتغل ماراح يبخل بالمواد وفي نفس الوقت فيها توفير خفيف للجيب)