عرض للطباعة
الله أكبر و لله الحمد ..
جوجل يتكبد خسارة فادحة بعد حملة المقاطعة
تكبدت شركة جوجل لأول مرة امس الثلاثاء خسارة وصلت الي 3 مليون مشاهدة , وتراجع محرك البحث جوجل فى الترتيب العالمي على المواقع ليحتل المرتبه الثانية للمرة الاولي منذ 8 سنوات...كان خلالها يحتل المرتبة الاولي .
......
شير للتستمر المقاطعة و مزيدا من الخسائر إن شآءالله
اللى بيتأكد من هنا : http://www.alexa.com/siteinfo/google.com
الله كبر انشاءالله ادووم الخساره الى الابد
الا رسول الله عليه الصلاة والسلام
ان شاء الله الخبر صحيح
المقاطعه ابتدت في 24 او 23 والموقع يشير لنسبه من شهر 8 الى 17 سبتمبر
http://traffic.alexa.com/graph?&w=30...m&u=google.com
بلى شكلها صح , لانها فوق 17 والفارق بين 17 سبتمبر وعشره سبتمبر حوالي 10 ايام في الجدول
يعني عادي حاسبينها مع تاريخ اليوم او امس
الفرقيه واظحه ومن حب يقاطع نتمنى انه يقاطع على طول
المفروض الدول العربيه المسلمه تتبع حذو ايران في هذي الخطوه
وهو حظر قوقل والجيميل نصره لرسول الله
ان ايران احظرتها كبلد مسلم فدوله كامله كانت تستعمل قوقل صارت الحين ما تستعمله
فالعرب المسلمين هم الاولى بمثل هذه الخطوه
ان شافوها قوقل صايره من كل الدول الاسلاميه راح ينضغط عليها للاعتذار
علشان تشيل الفيدوات وتعتبرها من المحظورات
ان شاءالله مسؤولينا ما يتركونهم من غير اعتذار والزام برفع مثل هالفيديوات اللي تسيئ للاديان
من حرق مصاحف وسب وفيديوات وافلام علشان ما تتنمى الاحقاد باوساط العالم بترك الحريه لمتخلفينها
ليش مانكرر المقاطعة لمدة اسبوع
يبيلها حملة قوية
وليش ما تكون على طول ؟
بسياستهم وقوانينهم ما احترمو اعتقادك ولا اهتمو لمبادئك من انها تنتهك
فايش هالمحل اللي بيكون لك خاطر تروح له وانت عارف انه سياسته العامه ما تهتم بمشاعرك ولا تقيمك كمستعمل له وانك تروح تترك لمدة يمين وتوقف هي كأنها مظاهرات نعم لكنها بعيده شوي عن كلمة مقاطعه
المقاطعه هي انك تستغني عن هذا الشي اللي اتحس انه اساء لك .. وطريقه حضاريه للتعامل فعلاً
ان انت ما بتحترمني كمستعمل وزبون خلاص على راحتك وانا من حقي بعد ما اشتري منك ولا اهتم باستعمال خدماتك وبلجأ للبديل وبتعود عليه بكل بساطه
هذا يسمونه موقف جاد ان يا اتعامل معاك وتحترمني يا بلاها
مش تأذيني باستعمال سياسه تضرني في عقيدتي وتجرحني فأترك لهالسبب محلك يومين وارجع له كانه شيء لم يكن
الفلم بيبقى جذي وبتكون خلفيه ان ايش بيصارخون يومين وان كثرو ثلاث وبيردون .. هذا حالهم
فمحد بيعبر وجهة رايك الا ان كانت خطوتك جاده وذات موقف
شكلي برد على موقع بحثي القديم
altavista.com
المفروض من المقاطع ما يوقف مقاطعته الا بعد الاعتذار من قبلهم وازالة الفيديو او عالاقل حظر الفيديو واشباهه تماماَ
مب هذا هدف المقاطعه ولا بس تبون تبينون ان زعلنا عليكم عالحركه .. بس معليه مو مشكله
hالله يوفق الجميع على كل حال مهما كانت الزاويه اللي يشوف منها الموضوع
اي والله المفروضاقتباس:
المشاركة الأصلية كتبت بواسطة حميداني
انا عن نفسي ما قمت استعمله وبتم ع هالحال ان شاء الله
بس.......يد وحده ما تصفق اتمنى تتم المقاطعه لاكثر من مجرد يومين
اقتباس:
المشاركة الأصلية كتبت بواسطة عيون الدوحة
فعلا السالفه محتاجه اكثر من يومين او اسبوع :anger1:
بس...........:secret:
ليش ما في موقع نفس قوقل بس إسلامي ؟! (سؤال يجب مناقشته):eek5:
الله أكبر ولله الحمد
وهذا اقل شئ ممكن نفعله من اجل ديننا ورسولنا الكريم محمد صلى الله عليه وسلم
من وجهة نظري نحن لم نفعل شيءاقتباس:
المشاركة الأصلية كتبت بواسطة sahrleel
فهذا مجرد امتناع عن فعل شيء !
يعطيكم ويعطي كل من قاطع العافية..
لكن عندهم قانون لحرية الرأي افعل ماتشاء، والباقي ع الدول هي مهمتها الحجب، هذي سياستها من عرفنا الموقع..
احنا المسلمين والفئة اللي طلعت حديثا مانحترم أحد ولا رأي أحد في دينهم ونطالب بحجب أي راي يعارضنا ، فشلون هم يحترمون آرائنا..؟؟
مقاطعتكم ماراح اتسوي شي، والعالم راح ترجع بعد اسبوع ع اللي كانوا عليه، قطر الله يحفها، يصدد عمل فيديو يعرف عن النبي عليه الصلاة والسلام، فهذا هو رد الفعل الصحيح، كلن يعرض اللي عنده والباقي ع الغير انهم يفكرون ويقتنعون، ديننا يسر ويتكلم بالمنطق والعقل، ان كنتوا اتظنون ان هالفلم راح يهز أو يشوه صورة الرسول، فما راح يهتز الا المنافق
إعملوا باجتهاد وبلاش، رفع السلاح من رى الستار، للأسف، وين الرجال اللي تتكلم عنها امتنا؟؟ وين اللي يدندن بالدين والعيب واللي مايصير؟؟ والا بس هم شاطرين نتكلم عن الفلوس والرواتب والمصالح و متى اتزوج و وين راح ادرس!!
تصدقوا بأموالكم، لو كل واحد ساهم بريال بس يدعم هالفلم ، و لو كل واحد عنده موهبة اقناع و عمل أفلام وشروحات وندوات،وفيه أفكار كثيييرة للعمل.. فليش هالسلبية حتى بطرح مواضيع المقاطعة،،، !!!
والاخ اللي اقترح موقع قوقل اسلامي،، يعطيك العافية فكرتك بمليون دولار مثل مايقولون، فليش مانسويي شي يقنع ، يبشر بدل ماينفر، وتكون عندنا البدائل !!!
للعلم الشعب الامريكي بحد ذاته، شعب جاهل مايعرفون اي شي عن الخارج عندهم تعتيم اعلامي بشكل كبييير ، ماعدى المثقفين منهم، كل اللي يعرفونه وين راحت كيم كرادشتيان وتوم كروز تزوج او طلق، فليش ما نستغل الوضع !!
عفوا اخوي احنا ما نطالب بحجب راي يعارضنااقتباس:
المشاركة الأصلية كتبت بواسطة catqat
الرأي اللي يعارض هو اللي موب مقتنع بديننا والعياذ بالله
لكن الاستهزاء بالرسول لا يعتبر رأي (أين الرأي بالسخرية من رسول الله )
انت شايفنا رحنا نقاتلهم ؟! لو بنبدأ بتقوم الحرب العالمية الثالثه
للأسف ما عندنا الجرئه
بتتكلم عن العيب ! اللي سوه وش تعتبره ؟
الله يعافيك , صحيح لازم يكون عندنا بدائل سواء من مواقع او حتى منتجات إسلاميه
وخسر مايقارب 210 مليون دولار باسبوع .. والان يعتقد انها وصلت الى ال 280 مليون دولار
طاحت اسهم قوقل فالبورصه
المستثمرين ابتعدوا عن راء الاسهم او تداولها الى حين حل المشكله
الشركات قللت من نشاطها على قوقل او وضع اعلانات "هيبر لينك" اللي يكون له نسبه منه لقوقل بعد
توجه الشركات لمحركات اخرى وطرق اعلانيه اخرى
مساهمين واعضاء في قوقل يضغطون على الشركات لاغراءهم و يضغطون على الاداره لحل المشكله
دوام قوقل الذي يعتبر من اكثر الاعمال (رفاهيه) فالعمل اصبح مضطرب الأجواء وبيئه شبه مخلخله
اصبح البعض من موظفين قوقل قلقين واختربت ساعات دوامهم لعمل مجهود اضافي (ماصار في فليكسبيلتي مثل اول) لربما لفتره محدوده
تدخل جهات وأيادي قويه من تحت لتحت للضغط على قوقل لانها ستؤثر ايضا بخسارتها على اشياء اخرى لها علاقه باستثمارات غير محدده ومستثمرين بمجالات اخرى (مثل شركات التلفزيون والهاتف الخلوي والقطاع التقني الذكي)
امهلت المحكمه العامه للامم .. امهلت قوقل 10 ايام لمسح المقطع الدعائي المسئ للمسلمين
كل هذا صار ب 7 ايام لان بس 3 مليون مسلم قاطعوا قوقل .. وللعلم احنا 2 مليار
فتخييييييييييييل كيف فرضنا راينا عليهم من غير لاننشر ردود عشوائيه ولا نسبهم ولا نرد الاساءه بالاساءه
فقط هكذا
:]
عفوا اخوي للتصحيح نكي قطوة قطر،، يعني ماله خص بالمذكر اطلاقا..اقتباس:
المشاركة الأصلية كتبت بواسطة mr.hamouda
و بخصوص مواضيع الحجب انا اتكلم عموما عن مطالبات الناس لامور ثانية صارت بخصوص الاساءة للدين الاسلامي.. وغالبا ردة الفعل: عدم تقبل الرأي الاخر
واذكرك فيه اكثر من موقف الرسول تعرض للسب والضرب، وقابلهم برد فعل مغايرة غيرت طريقة تفكيرهم.. :) بالعمل واثبات العكس
واعارضك عن موضوع انه راح اتصير حرب عالم ثالثة، لان نرجع ونقول هذا هو موضوعنا ومربط الفرس ، (في ألف اسلوب غير العنف والارهاب) ،ومثل ماقلت ماف جرأة يعني هذا يلغي احتمال ان راح اتصير حرب عالمية ثالثة ...
قاطعوا لين مايخيب لقكم وبعد اسبوع راح تعود المياه لمجاريها، هنيئا لنا يا شعب امه الاسلام
اقتباس:
المشاركة الأصلية كتبت بواسطة catqat
اتمنى يكون الخبر صحيحاقتباس:
المشاركة الأصلية كتبت بواسطة اوف ليميت
:secret:السموحه ( إختي )اقتباس:
المشاركة الأصلية كتبت بواسطة catqat
بس اظن عدم تقبل رأي الإساءه إلى الإسلام شي طبيعي
انا ما قلت خلنا نروح - انا قلت إذا رحنا
ودام ما صار شي قوي من البدايه ما راح يصير شي
هذا تفكير سلبي انه راح تعود المياه إلى مجاريها
فعلى ما قاله اخوي اوف ليميت النتائج مبشره عيل ليش ما نستمر وليش ما يصير الكل مقاطع أظن انه 2 مليار شخص شيء موب هين وراح يسوي كارثه للقوقل او حتى اليوتيوب
ان شالله باستمرار يارب خسارتهاااا
نعم الخبر صحيح
وهم قاعدين يخسرون
وعلى فطره..قوقل دافعه 12.4 بليون دولار لشركات الاندرويد للاستثمار في محرك قوقل
يعني لو تقاطعون قوقل..الاندرويد بيطيحون بعد
يعني طيحه وراها طيحه مربوطين في بعض
بالنسبه لطلب البيت الابيض اطلبوا من قوقل انها تشيل المقطع
ارفضوا قوقل
الاسباب بحسب آراء الناس والمسؤولين..لان في ناس تدعم قوقل ضد البيت الابيض
الاسباب: كره الديمقراطيين حاليا اللي ماكين البيت الابيض، قولهم اذا الحكومه الامريكيه قامت بغصب قوقل على هذا العمل..اذا الى اين سينتهي ذلك ومن سيردع الحكومه الامريكيه من انها لن تتعرض لافلام ومقاطع اخرى ولربما اغاني وصور .. الخ (يعني قصدهم بيفتح الطريق لتحكم البيت الابيض بقوقل) ولو انها ماتنبلع لا مكتب الامن القومي وال سي آي ايه يقدرون يسوون اللي يبونه من غير مايدخلون اسم البيت الابيض في وسط المعمعه والتشهير
وسبب ايضا ان هناك الكثير من ال (آنتي-كريستيان) منذ عشرات السنين يضعون افلام عن المسيح وضد المسيح والى ماذلك..ف اذا تدخل البيت الابيض بازالة المقطع المسئ للمسلمين..اذا فلماذا لايتدخل بازالة المقطع المسئ للمسيحيين ومايضر بدينهم...هالشي من مصلحنهم لكن مش من مصلحة الليبراليين والعلمانيين والملحدين وغيرهم .. ممن هم في صراع ضد النصارى منذ زمن..والان مع المسلمين
في روسيا بمنتصف الشهر هذا .. تمت مناقشة قرار (حماية الطفل) من ال"بورنوقرافي" على النت..احد الاعضاء تقدم بطلب وللع المجلس..بربط التعدي على الدين ب هذا القرار السابق للطفل بما انه لايقل شأنا ايضا من ذلك
ويقولون بيطبقونه وبيتم حجب مواقع الفيلم في روسيا
وهم اصلا خايفين..لان ثاني أعلى ديانه في روسيا هم المسلمين..من بعد الأرثودوكس المسيحيين
يشكلون المسلمين 14.5 مليون مسلم..يعني بين ال 11 الى 15% من سكان روسيا
الممثله في الفيلم نفسه..Cindy Lee Garcia .. معروفه .. قالت انه تم خداعها وان الفيلم كان شي آخر .. وليس للإساءه .. (الله العالم بنيتها) .. ارفعت قضيه لطلب حجب الفيلم ولكن اخسرتها في محكمه في لوس انجلوس...وانتو عارفين لوس انجلوس اغلبيتهم يهود موالين لاسرائيل او يهود ايرانيين
يعني اغسل يدك ترفع قضيه هناك وتفوز فيها اذا فيها شي يخص الاسلام
:]
ولكن الحين بقولكم ايش القصه الحقيقيه وراء عدم موافقه قوقل ورفضها لازالة المقطع
ترى قوقل لو بتزيله بتزيله كانت بسرعه بس اخطأت بتأخيرها..من عقب ماتدخلت الحومه الامريكيه..الموضوع صار الحين اكبر من كذا
في عام 1998 صارت مشكله بين البيت الابيض وقوقل بخصوص حقوق الفيديو "safe harbor"
هذا الفيديو هو عباره عن قصة صراع البيض مع الزنوج في امريكا
ومحد كان يعرف اي شي عن اللي سواه البيض فالسود الا من بعد ماشافوا هالفيلم
قوقل في وقتها نشرت الفيلم من غير حقوق
وهو ملك لشركة انتاج تدعى ديجيتال ميلينيوم
واربحت قوقل القضيه
وصارت اتفاقيه تقر بعدم اثارة مثل هالشي مره ثانيه ومايترتب عليها من قوانين وحقوق وغيرها
والملف اتسكر وخلاص
الحين ..
لو قوقل شالت الفيديو المسئ للمسلمين..بيكون تحت بند نفس القانون
لانهم لو بيشيلونه..بيشيلونه تحت بند حقوقي..حق اشخاص او ناس مرتبط بديانتهم وجذي
واذا صار هالشي
بيطيح البند..وقوقل بتضطر تشيل كل فيديو في يوتيوب وعلى الانترنت ماله اي حقوق او حتى لو تريلر افلام وضعت للعرض من قبل شركات وساطيه او تجاريه وغيرها
يعني باختصار شديد
قوقل بتدفع على كل مقطع فيديو مبلغ وقدره $150,000 .. 150 الف دولار على كل مقطع فيديو مخالف..كغرامه مالية
وفي ناس وشركات اول بأول كانت تحصي وعندها دلائل واعداد ونسخ من هالافلام ك برهان واعدادها
قول على اقدر تقدير 500 الف مقطع..(ماحبيت ابالغ..وترى شوي بس 500 الف)
على كل مقطع 150 الف دولار
المجموع 75000000000 على أقل تقدير راح تدفع قوقل بالدوووووووووولار
هذا غير دفعها مبلغ لقضية 1998 لشركة ديجيتال ميلينيوم اللي بتكون يمكن اعلى من جذي..لان مقطعهم سبب ضجه بيوتيوب وقتها الى اليوم ولازال يتداول ويشاهد وتم نسخه وغيره وغيره..مما يحصد البلايين لقوقل
يعني قوقل بتفللللللللللللللس من الاخر
الا في حاله وحده .. ضمان البيت الابيض والحكومه الامريكيه لقوقل بعدم عمل هذا الشئ او ربما غرامات ماليه بسيطه
هع
:]
أيران قاطعتها بسبب جوجل شركة امريكية لوكانت شركة روسية اوصينية ماكان قاطعتها .
ما شاء الله اخوي معلوماتك قيمه وتبشر بالخيراقتباس:
المشاركة الأصلية كتبت بواسطة اوف ليميت
بس خطر في بالي سؤال
إذا الكل مهتم لموضوع قوقل ليش ما نقاطعهم ع طول حتى لو لو حذفوا الافلام المسيءه ؟
شكله خسايرهم بتكون خرافيه:victory:
اخوي من وين تجيب معلوماتك خلنا نستفيد :eek5:اقتباس:
المشاركة الأصلية كتبت بواسطة اوف ليميت
اظن انه ايران قدوتنا بهذه الخطوهاقتباس:
المشاركة الأصلية كتبت بواسطة باراكودا
كنت معاج بالراي لكن مش بشكل كامل والشعب الامريكي مثل اي شعب في العالماقتباس:
المشاركة الأصلية كتبت بواسطة catqat
فيه الجاهل وفيه العالم وفيه الفاهم والمسوي فيها فاهم
مثل ما اهناك يركظون ورى توم كروز عندنا اهني يركظون ورى بعض المغنين الشعبيين .. فكل مكان فيه جذي
النقطه الثانيه اللي تطرقتي لها كنتي ماشيه فيها عالمسار اللي انا ماشي فيه وكنت شايفه
لين ما مره وحده انتبهت ان الموضوع مو موضوع انك تخسرهم
خسارتهم وربحهم ما تهمك , الموضوع موضوع مبدأ انهم ما احترموك كمستخدم
ولا احترمو ثقافتك ولا اعتقادك ولا مشاعرك , ما عبروك خاصه والمسلمين المستخدمين ومالتعاملين معهم مش بالعدد البسيط
الحريه الشخصيه اهني غلط هم بحريتهم هذي يتعدون على حريتي الدينيه
فوش يمنع بكرا واحد يجيك يلعن سلسفيلك يسبك بأي شارع ان قلت له باي حق تسب ؟
يجيك يقول والله حريه شخصيه
حريتك الشخصيه لما ضررها ما يتعداك
المشكله كثار منا فاهمين الحريه الشخصيه غلط , فاهمينها اني بسوي ما ابي وماهمني غيري
وهو غلط , الحريه الشخصيه انك تسوي اللي تبيه في حدود انك ما تضر غيرك في زاويه من الزوايا فلهالسبب انوجدت السياسه والدبلوماسيه والاحترام المتبادل بين الاديان
انا الحين اقاطعهم لانهم ضروني بهالفعل ويضيق صدري لما اعرف ان احقرو اعتقادي وما اّمن به ومسألة المقاطعه هذي للضغط من اجل تعديل قانون معيوب عندهم وعلى الاقل يتنبهون ويرضون مختلف الاديان .. منهاج السخريه منهاج سطحي وهالنوعيه من السخريه مش انتقاد هادف الا هجوم حي
... والنقطه الاخيره اللي حاب اقولج اياها
السلاح والجهاد بيبقى للحظه الاخيره شانا او ابينا والمشاعر والحساسيه ما راح يغيرون الواقع يا قطوه
الارهاب واضح وضوح العنان والكل ضده ان كان فعلاً مسلم
اما الجهاد مثل انك تنهي هالمصخره اللي صايره في فلسطين فهذا واجب علينا من قديم الازل المسلمين تكاسلو به وكل جيل يأجل دينه اللي في ارقبته للجيل اللي بعده .. حتى الحين من ما اشوفه البلدتين اللي وجب فيهم الجهاد هم بس سوريا وفلسطين
وعن جد الحمدالله والشكر اللي يقول خلونا نجاهد الغرب ونفجر فيهم والحرب قدامهم اهني
طبعاً فيه حجج ومنها التسليح والاقتصاد والخ لكن خلاص انتو تواجهوون عدويين فان ضربتو ذاك هذا دافع وان ضربتو هذا ذاك يدافع ,فخلكم بالابخص اللي قدم عيونكم ولا تشوهون الاسلام قدام من الابرياء والمسبهيين من عامة الشعب اللي ما يدرون وين الله قاطهم وايش هو الاسلام , لإاتفق معاج من هالناحيه وكفايه جبن ترى العالم استحقرنا من كثر ما ننداس ونسكت وما اظن ربنا راضي عنا واحنا قاعدين نشوف كل مسلم في العالم ينهان وحجتنا ادعيلهم ما بيدي شي , كأنه لا لك رجل ولا ايد ولا قوه ولا نظر ولا سلاح ... اعذار غبيه
في النهايه مثل ما قلتي لازم ندافع عن الاسلام بكل سلاح نملكه ودامهم حاربونا بالاعلام انرد عليهم بعد بالاعلام ونبين من هو نبينا ومن هم المنافقين اللي انشرو الفيديو وايش مغزاهم .. وهذا الشي مش عشان فتنة قلوب المؤمنين أكثر ما هو حمايه للناس اللي رجولهم متوتره - أحطها اهناك ولا لا .. هذي الجنه ولا النار ؟ -
هذولا اللي يهموني
وأسجل اعجابي في توقيعج :)
الله يرحم والديك يا اوف ليميت عالمعلومات ... متميز كعادتكاقتباس:
المشاركة الأصلية كتبت بواسطة اوف ليميت