المشاركة الأصلية كتبت بواسطة معماري قطري
اللي ما يستشير يضيع يا إخوي
لازم تدقق عدل والمعاينة أسهل شيء وعليك بالظاهر .. تعرف القواعد شلون انعزلت إذا حفرت شوي جنب الجسور الأرضية وشفت البتومين مغطيها زين وعليه نايلون حماية أو خشب .. لو شفت ما فيه آثار تسريب مياه مطر حول الدرايش وفي السقف .. تفتح الدرايش تشوف فتحهم وإغلاقهم وسهولته تصب ماي في ارضية الحمام وتشوف شلون يتصرف .. ونفس الشيء في البانيو والشور والمغسلة
تشغل الكهرباء قد ما تقدر بكامل طاقتها حتى تعرف ما تطفى من الحمل الكهربي القوي .. وموضوع الكهرباء افضل تستعين بفني كهرباء أو مهندس كهرباء فاهم يفحص معاك
أكيد أفضل تشتري بيت له سنتين مبني من تشتري له سنة والا توه مخلص .. هذا في الغالب ولكل قاعدة شواذ ممكن بيت أو شقة مشتغلها شخص خبرة وأمين ويعطيك ضمان وتكون جيدة وهي جديدة أو حتى ما جهزت