باقي ساعات عن بدء قرعة الاراضي للقطريين فقط ولكن (دعوه للنقاش)

السلام عليكم

يا جماعة الخير باقي ساعات قليلة ونقدر ندخل القرعة على الاراضي التابعة لمنطقة الوسيل والي تشرف عليها الوطنية للتطوير العقاري التابعة لشركة الاجارة ولكن للاسف الشديد لم يكن هناك مؤتمر اعلامي فقط مجرد علان صغير في سوق الدوحة والجرايد القطرية وبعض الشروط ولكن

بحسبه بسيطه عدد الاراضي حوالي 895 ارض طيب لو افترضنا عدد القطريين فوق 18 سنة

120الف من اصل 220 مواطن
ولو افترضنا الي بيدخلون القرعة 60 الف اي نص العدد بمعنى لك فرصه واحده من اصل 67 لازم تفوتهم الفرصه عشان حضرتك تفوز (طبعاً هذا اسلوب تشويقي وتحس انك فرحان وتحب المغامره ) لكن لحظه لو فزت يبون منك في الحال مع بداية كتابة العقد 20% من قيمة الارض والي قدروها بحوالي 1250000 الف ريال مليون ومئتان وخمسون الف ريال

يعني لازم تدفع حوالي 250 الف ريال والسنه الي بعدها سماح ولكن الي بعدها تدفع 250 الف ريال بشرط انك تكون بديت ببناء المنزل يعني تدفع من الصوبين ولا يحق لك التملك الوحده الا بعد استلام سند الملكية اي بعد الانتهاء من البناء واقساط الارض ويقولك يجب ان يكون البناء على الطراز الاسلامي يعني الحبايب بيفرضون عليك النموذج طيب وين النموذج نبي نشوفه قبل ندخل القرعه يمكن ما يعجبنا ومن الشركه الي بتبني المنزل هل من نفس الشركة ولا لا
طيب سمعنا حتمال يكون هناك تمويل اسلامي اي نعم الاسلامي بيحط عليك مبلغ ثابت مثلآ بنيانك يكلف مليون ونص بيقولك البنك الاسلامي من عيوني لكن توقع على 4 مليون قرض اسلامي ويطير اكثر من نص راتبك طلع عليك الاجمالي مع قيمة الارض حوالي 5 مليون ونص هل هي فرصه حقيقية؟ !!!! الله وعلم

لنفترض بنيت المنزل وخذو من راتبك حولي 16 الف ريال وسلموك وخلص البيت بعد سنتين

وانت دافع 500 الف وباقي عليك 750 وماخذ تسهيل اسلامي للبيت بواقع خصم 16000 ريال ضرب 24 شهر يعني دافع غير المبالغ السابقه حوالي 380 الف ريال ولو اجرت البيت 15 الف بتزيد من عندك الف ريال مع الايجار عشان تسد البنك لمدة 30 سنة طبعاً يمكن ينقص سعر الايجار بعد خمس سنوات يمكن اتوهق وتدفع من جيبك وتقدر تبيعه بعد ما تحرره من البنك صحيح البنك دفع لك مليون ونص وحسبها عليك 4 مليون مع الفائده لكن وقت السداد لازم تدفع المبلغ كامل يعني فوق مبلغ الارض الي هي مليون وربع تدفع 4 مليون مالت التمويل مادري يمكن انا متشائم شوي وانا كلي ثقه ان الكثير راح يدخلون القرعه والقليل راح يلتزمون طيب الي ما يقدر او رفض انه ياخذ الارض بسبب ان ماعنده 250 الف شنو الاجراء معاه يعطونها الي تحت رقمه في القرعه ولا شسالفه مافي شي واضح


وللاسف للمره المليون يخططون بدون توضيح وبكره الي مراح يسجل يعتبر نفسه دخل القرعه لكن متأخر اعتقد انها لمدة سبوع والكل محتار هل هي نعمه ام انها نقمه


وسلامتكم

اتفق معاك بس هي خطوة جميلة مبدئيا صج ان فيها وايد مشاكل

بس لو يسوونها في مكان ثاني

والاراضي رخيصة تكون احلى واحلى بعد شنو احلى من انك تكون في فريج كله من عيال البلد؟؟

الله يعطيك الف عافيه اخوي على هالموضوع الطيب

بس بقول لك شي وهو سر

كل هذي مب احسن من ال 600 الف اللى بتاخذها من الاسكان او يمكن يتكرمون ويعطونك ال مليون و 200 الف ويقولون لك روح دور لك بيت .

الحين مليون و 200 الف ايش تسوي هالايام ؟؟؟؟؟

الحمدلله ان عدد القطريين مايتعدى ال 250 الف لو كان عندنا مليون وين كنا بنسكن :eek5: او شنو كنا بناكل :( .

ان شاء الله بكره بسجل فالقرعه ( ان شاء الله بس ماتطلع قرعه - صلعه - ونتوهق زياده ) وبنتصل فالاسكان عشان نسمع بنطرش لك مسج على نهاية الاسبوع ( الاسطوانه المعهوده ) .

بس في كل الاحوال الحمدلله على كل حال :victory:

اخي مليت
شفت البروشور الانيق المطبوع عن هذه (السالفة )
لا اعتقد ان ذاك العدد من القطريين سوف يسجل في القرعة
لان السالفة ليست شرط العمر (بلوغ 18 سنة )
ولكن المسألة هي القدرة المالية على دفع مقدم والسداد على مدى سنوات من يضمن راتبه وظروفه فضلا عن شرط البناء بعد سنتين الزاما (!!!) وفوق ذلك ما تقدر تتصرف في الارض بالبيع الا بعد اتمام البناء !!
يعني بالعربي الفصيح دهنا في مكبتنا
والقرعة محددة على عدد محدود قادر وضامن وربما بضعة اشخاص مغامرين سيضعون مدخرات وآمالا و.. (الله يعينهم )


يعني هالمشروع بيحل مشكلة الاسكان للقطريين ؟؟ والا ....:(

يا جماعه فوت الارض رخيص بالنسبه حق باقي الاماكن 145 في لوسيل احدث مدينه في قطر توقع سعرعا بكم بعد تكون المدينه جاهزه راح ايكون السعر خيالي

قطع الأراضي في المشاف الجديد الي باعتها شركة عقار ب 60 ريال الفوت

والآن ب 230 ريال خلال سنة واحدة يعني الوسيل نفس الشي

((( من الاخر محد راح يدخلها الا الهوامير والدليل موضف مثلي راتبه خل نقول

15 الف شلون بيقدر يدبر 250 الف وشلون يقدر يقاسط 16 الف شهريا خلونا واقعيين

مواطن عنده بيت واقساط سياره وخدامه ودريول ماراح يقدر يدش واذا دش وفاز بيتوهق ))

اقتباس:

---

المشاركة الأصلية كتبت بواسطة مليت

السلام عليكم

يا جماعة الخير باقي ساعات قليلة ونقدر ندخل القرعة على الاراضي التابعة لمنطقة الوسيل والي تشرف عليها الوطنية للتطوير العقاري التابعة لشركة الاجارة ولكن للاسف الشديد لم يكن هناك مؤتمر اعلامي فقط مجرد علان صغير في سوق الدوحة والجرايد القطرية وبعض الشروط ولكن

بحسبه بسيطه عدد الاراضي حوالي 895 ارض طيب لو افترضنا عدد القطريين فوق 18 سنة

120الف من اصل 220 مواطن
ولو افترضنا الي بيدخلون القرعة 60 الف اي نص العدد بمعنى لك فرصه واحده من اصل 67 لازم تفوتهم الفرصه عشان حضرتك تفوز (طبعاً هذا اسلوب تشويقي وتحس انك فرحان وتحب المغامره ) لكن لحظه لو فزت يبون منك في الحال مع بداية كتابة العقد 20% من قيمة الارض والي قدروها بحوالي 1250000 الف ريال مليون ومئتان وخمسون الف ريال

يعني لازم تدفع حوالي 250 الف ريال والسنه الي بعدها سماح ولكن الي بعدها تدفع 250 الف ريال بشرط انك تكون بديت ببناء المنزل يعني تدفع من الصوبين ولا يحق لك التملك الوحده الا بعد استلام سند الملكية اي بعد الانتهاء من البناء واقساط الارض ويقولك يجب ان يكون البناء على الطراز الاسلامي يعني الحبايب بيفرضون عليك النموذج طيب وين النموذج نبي نشوفه قبل ندخل القرعه يمكن ما يعجبنا ومن الشركه الي بتبني المنزل هل من نفس الشركة ولا لا
طيب سمعنا حتمال يكون هناك تمويل اسلامي اي نعم الاسلامي بيحط عليك مبلغ ثابت مثلآ بنيانك يكلف مليون ونص بيقولك البنك الاسلامي من عيوني لكن توقع على 4 مليون قرض اسلامي ويطير اكثر من نص راتبك طلع عليك الاجمالي مع قيمة الارض حوالي 5 مليون ونص هل هي فرصه حقيقية؟ !!!! الله وعلم

لنفترض بنيت المنزل وخذو من راتبك حولي 16 الف ريال وسلموك وخلص البيت بعد سنتين

وانت دافع 500 الف وباقي عليك 750 وماخذ تسهيل اسلامي للبيت بواقع خصم 16000 ريال ضرب 24 شهر يعني دافع غير المبالغ السابقه حوالي 380 الف ريال ولو اجرت البيت 15 الف بتزيد من عندك الف ريال مع الايجار عشان تسد البنك لمدة 30 سنة طبعاً يمكن ينقص سعر الايجار بعد خمس سنوات يمكن اتوهق وتدفع من جيبك وتقدر تبيعه بعد ما تحرره من البنك صحيح البنك دفع لك مليون ونص وحسبها عليك 4 مليون مع الفائده لكن وقت السداد لازم تدفع المبلغ كامل يعني فوق مبلغ الارض الي هي مليون وربع تدفع 4 مليون مالت التمويل مادري يمكن انا متشائم شوي وانا كلي ثقه ان الكثير راح يدخلون القرعه والقليل راح يلتزمون طيب الي ما يقدر او رفض انه ياخذ الارض بسبب ان ماعنده 250 الف شنو الاجراء معاه يعطونها الي تحت رقمه في القرعه ولا شسالفه مافي شي واضح

وللاسف للمره المليون يخططون بدون توضيح وبكره الي مراح يسجل يعتبر نفسه دخل القرعه لكن متأخر اعتقد انها لمدة سبوع والكل محتار هل هي نعمه ام انها نقمه


وسلامتكم

---

بصراحه سؤال جوهري .....واعتقد ان هالمشكله بتواجههم في ما يقل عن 50 ارض على الاقل
والاسباب هي الي ذكرتها في الموضوع مثل القسط السنوي 240000 الف وشرط البناء خلال سنتين!!!!

اقتباس:

---

المشاركة الأصلية كتبت بواسطة um abdulla

اخي مليت
شفت البروشور الانيق المطبوع عن هذه (السالفة )
لا اعتقد ان ذاك العدد من القطريين سوف يسجل في القرعة
لان السالفة ليست شرط العمر (بلوغ 18 سنة )
ولكن المسألة هي القدرة المالية على دفع مقدم والسداد على مدى سنوات من يضمن راتبه وظروفه فضلا عن شرط البناء بعد سنتين الزاما (!!!) وفوق ذلك ما تقدر تتصرف في الارض بالبيع الا بعد اتمام البناء !!
يعني بالعربي الفصيح دهنا في مكبتنا
والقرعة محددة على عدد محدود قادر وضامن وربما بضعة اشخاص مغامرين سيضعون مدخرات وآمالا و.. (الله يعينهم )


يعني هالمشروع بيحل مشكلة الاسكان للقطريين ؟؟ والا ....:(

---

كلامج أم عبدالله عين العقل ،، هم يبحثون عن طبقة معينة لديها طاقة عالية في القدرة الشرائية.

يعني الناس اللي يبونهم يسكنون هناك مب أي أحد .

من ناحية بيحل مشكلة الاسكان ،، أنسى الموضوع :) المشروع استثماري اكثر من كونه حل للمشكلة ..

اخوي (الثاقب) كلامك صح سعر المتر المربع رخيص لكنه سعر مشروط فهمت قصدي

يعني لو شريت لي ارض فوتها 200 وعلى راحتي ابنيها متى ما تعدلت اموري غير واني اشتري ارض فوتها 50 ريال مشروطه بسرعه اللبناء ولا تسحب الارض مني غير

اخوي( بو الجازي)
600 الف ريال هذي فلوسك مب صدقه ولا زكاه من حد وهذا حق من حقوقك ولازم تاخذه والله يعينك على الروتين والله يوفقك في القرعه

اختي (ام عبدالله )
كلامج صحيح انه موجه لفئه مقتدره مالياً
اخوي (القناص)
في فرق بين سند مليكه للارض وسند ملكيه بعد ما تسدد مبلغ الارض والعقار وبعدها تاخذ سند مليكه للتصرف في البيع وغير ولا ننسى من شروط الايجار او البيع ان يكون المشتري او المؤجر قطري