السلام عليكم ..
ناوي اروح النرويج وماعندي جدول لها .. اللي راح لها من قبل ياليت يخبرنا اشلون البلد من حيث التعامل والامان والبلد بشكل عام ..
الله لا يهينكم
عرض للطباعة
السلام عليكم ..
ناوي اروح النرويج وماعندي جدول لها .. اللي راح لها من قبل ياليت يخبرنا اشلون البلد من حيث التعامل والامان والبلد بشكل عام ..
الله لا يهينكم
البلاد أمان بشكل كبير لكن باردة .. المناظر الطبيعية بروحها بتشغلك طول الرحلة فجهز الكاميرا اذا كنت من هواة التصوير!
عندك متحف الفايكنج و بعض الكنايس .. عن نفسي ما طولت عندهمو بشكل عام ما فيها معالم وايد غير المناظر الطبيعية!
اوسلو تعتبر من ارقى واجمل عواصم دول اسكندنيفيا تتميز بالجمال والهدؤ برغم صغر حجمها فيها اسواق ومطعم وكافيهات .... العاصمة صغيرة وكل شي قريب من بعض وفي الغالب لن تحتاج لسيارة داخل العاصمة ..... مشهورة بدار الاوبرا كذلك الممشى على المارينا مع وجود عدد كبير من المطاعم على البحر ...... اوسلو تعتبر بداية نقطة انطلاق لسفن السياحة العملاقة خاصة للرحلات البحرية بين المدن الاوروبية الساحلية....
نصيحة بما أن وجهتك النرويج حاول تزور الدنمارك والسويد لانهم جدا قريبين من بعض ...... يعني تبدا رحلتك من الدوحة - اسلو - كوبين هايغن - ستوكهولم -دوحة ..... وحاول تجعل اغلب مشترياتك من ستوكهولم لرخص اسعارها مقارنة بالعواصم الثانية كذلك تتميز استوكهولم بكثرة اسواقها وكبر حجم مولاتها ....
في اوسلو ارشح لك فندق غراند لتميزه وموقعه .... ولكن لا تاخذ الغرف العادية خذ الاكبر منها
وفي استوكهولم فندق الشيراتون
واجازة سعيدة
مشكورين .. جزاكم الله خير
اخوي ولا عليك امر نبي منك تقرير مصور بعد ماترجع...الصراحه ذي البلاد والدول الإسكندنافية بشكل عام ودي بزيارتها لاكن اتردد وافضل اوروبا...اقتباس:
المشاركة الأصلية كتبت بواسطة التاجرالصغير
واخوي مستثمر هل اوسلو بعيده عن بعض المناطق السياحية في النرويج والا سهالات فالسياره ؟؟
بالتوفيق
مرحبا برشلوني ...اقتباس:
المشاركة الأصلية كتبت بواسطة برشلوني قطر
انا لما رحت النرويج كنت مخطط اتنقل بين المدن واتجول فيها ولكن مشكلة البلاد انها كبيرة وايد حتى سايق السيارة نصحني قالي صعب تغطي النرويج بالسيارة لان التنقل من مدينة لاخرى قد يستقرق منك 4 الى 6 ساعات بالسيارة وهي متعبة خاصة اذا معاك عائلة واطفال لذلك انسب خيار هو الطائرة عن طريق المطارات المحلية في النرويج ..... لكن عموما المناطق والمدن خارج اوسلو يغلب عليها الطبيعة البحتة ..... لايوجد اماكن ترفيه واسوق كثيرة وفنادق على مستوى خارج العاصمة اوسلو ........ اذا كنتوا شباب وتبحثون عن الطبيعة ماعندكم مشكلة ..... ولكن عائلة واطفال فالطبيعة والمرافق في سويسرا افضل بكثير .....
واجازة سعيدة
اقتباس:
المشاركة الأصلية كتبت بواسطة مستثمر رشيد
ماقصرت اخوي مستثمر
مثلا اوسلو كم يوم يكفيها ؟ المشكله ياخوي مب جوي كلللش المتاحف واوبرا وذي الامور
هل حول اوسلو جبال وبحيرات واللعاب ؟
ياخي شفت صور ومقاطع فيديو جميله لاكن مادري هل ف اوسلو والا خارجها
وبالنسبه للدنمارك والسويد هل نفس وضع النرويج بالنسبه للمسافات...للعلم مسافة 4 ساعات افضلها بالسياره ع الطياره اذا كان المكان ينفع للسكن
السموحه من اخوي صاحب الموضوع خربت عليك موضوعك
ابشر من عيوني...اقتباس:
المشاركة الأصلية كتبت بواسطة برشلوني قطر
اقتباس:
المشاركة الأصلية كتبت بواسطة برشلوني قطر
مرحبا الغالي
المناطر الي تشوفها اغلبها في قريه فوس و فلام و سترين وماحول سترين
ولو تبعد اشوي شمال تروح صوب جيرانجير من احلى الوديان النهريه فيها
لو بتروح فتره طويله تناسب تفتر عليهم
ملاحظه هي اشوي غاليه حتى بترولهم غالي
بخصوص السويد و الدنمارك
السويد مشكلتها مدنها متباعده مع ان العاصمه ستوكهلوم حلوه للأطفال
لكن في مقترحات بدون ستوكهلوم
الوصول الدنمارك كوبنهاغن - وبعدها تعبر الجسر وتدخل السويد من مدينه مالمو وتوصل بغرب السويد الى مدينه غوتنبيرغ ترتاح فيها كم يوم لانها بين كوبنهاغن و اوسلو
وبعدها تكمل الى فلام ومنها الى سترين
حل اخر القطريه فيها رحلات دايركت الى غوتينبرغ اذاتبغي توصل لها
لكن انا اشوف لو تبغي تجمع الدنمارك والسويد والنرويج
من رايي توصل كوبنهاغن وتتمشى فيها وعادي كل يوم تدخل السويد بالمناطق القريبه من مالمو وترجع مره ثانيه
وبعدها طيران مباشر من كوبنهاغن الى بيرغن بالنرويج اقرب لك حق فلام و فوس و سترين
اقتباس:
المشاركة الأصلية كتبت بواسطة غير البشر
بيض الله ويهك اخوي غير البشر كفيت ووفيت