مراكز تحفيظ القرآن - للبنين - ؟؟؟؟؟؟؟
إخواني وخواتي أعضاء شبكة الاسهم ... هل هناك مراكز
لتحفيظ القرآن الكريم للبنين مثل مراكز البنات ؟؟؟؟
لانه لحد علمي انه التحفيظ للبنين مقتصر على المساجد ، وللأسف المساجد ليست هناك ضوابط تضبط حلقات التحفيظ ولا هناك مراقبه لاداء الشيخ وتعامله مع الاولاد ، على العكس بالنسبه لمراكز تحفيظ البنات من ناحيه وجود إدارة إشرافيه لعمل المدرسات وأنشطه مختلفه بجانب حفظ القرآن الكريم ، لاني صراح حابه احفظ ولدي القرآن على يد شيخ متمكن وما يكون همه الحفظ فقط وينسى التلاوه والتجويد ، ويكون في نفس الوقت ما يكون تعامل الشيخ بالعصا والشده ، صحيح هناك اولاد مشاغبين بالحلقه وما يجون الا بالشده ولكن في نظري لو كانت هناك إداره تراقب أداء الاولاد والشيخ ، واللي ما يكون منضبط من ناحيه الاولاد اخلاقيا بالحلقه يجبر على الانضباط بطرق ثانيه بحيث لا يظلم معه اولاد آخرين ، لانه صراحه ولدي عمره توه 8 سنوات وما ارتاح اخليه بالمسجد لانه من النوع اللي اذا حد تعامل معاه بالشده يكرهه ويكره العمل اللي يأديه ، والمكان ما في عليه رقابه والاطفال بعد الحلقه كل واحد حر نفسه يعني اذا اهله تأخروا عليه شوي تلاقيه ناطر برع خارج المسجد ، وبصراحه هالزمن ما في آمن كليش ، يمكن الخوف عندي زايد ، بسم أتمنى من اللي عنده علم بمراكز لتحفيظ الابناء القرآن الكريم ما يبخل علينا بالمشوره ، ولا تقلون لي اجيب محفظ للبيت لاني جربت هالطريقه وانت وحظك ، ومعظمهم يهتمون بالحفظ السريع فقط واسعارهم غاليه ، انتظر منكم المشوره .
