يا جماعه.....
صبآحكم...../ مسآكم خيـــــــــــــر
حبيت استفسر بالنسبه حق فيزا شنغن كم يوم تآخذ...؟؟
اي احسن مكان يخلص لي فيزا شنغن بسرعه....؟؟
واذا حد يعرف شخص يخلصها لي بسرعه اكون لكم شاكره
تحياتي
عرض للطباعة
يا جماعه.....
صبآحكم...../ مسآكم خيـــــــــــــر
حبيت استفسر بالنسبه حق فيزا شنغن كم يوم تآخذ...؟؟
اي احسن مكان يخلص لي فيزا شنغن بسرعه....؟؟
واذا حد يعرف شخص يخلصها لي بسرعه اكون لكم شاكره
تحياتي
اختي انا قبل شهر طلعت الفيزا من السفاره الالمانيه , طلعت لي خلال يومين ولمدة سنه كامله
انا انصحج اختي انج تخلصين الفيزا من نفسج لانه المكاتب اللي تطلع لج فيزا يضربون على الفيزا الوحده ٩٠٠ ريال والسالفه اصلن ماتحتاج عنوه
تحتاجين جوازج الاصلي وحجوزات التذاكر والسكن والتأمين الصحي وتعبين طلب الفيزا وتسلمينه للسفاره مقابل رسوم ٢٤٠ ريال على الجواز الواحد
انا قدمت لهم حجوزات السكن من موقع booking.com ومشت الحمدلله ,
ونصيحه لج قبل ماتقدمين , قدمي من سفارة البلده اللي راح تكون محطتج الاولى
مثلا لوكانت سفرتج , دوحه - فرنسا - المانيا - دوحه , قدمي من السفاره الفرنسيه
رحله سعيده وموفقه
اخوي يطلبون حظور الحريم ولا يكفي شخص واحد الي يخلص المعامله
لاني ابي افيز من الحين والسفر 1-7 عشان مايكون زحمه
ولا عندي حجز الحين خايف اتغير الوجهه حق لندن
يعني لازم اذكر السكن ورقم الحجز التذاكر؟
اخوي هم يسالونك اي بلد بتروح وكم يوم بتقعد فيها ويشوفون حجز السكن اللي ياكد لهم كلامك وهم لازم تكون محطتك الاولى..
انا كنت حاجز عن طريق البوكنج ثلاثة ايام النمسا واربعه باريس ولما رويتها الحجوزات قالت المفروض ماتقدم عندنا تقدم عند السفاره الفرنسيه بس تغاضت وقالت لي كني ما شفته ..
هم مرات يشددون غير الاسئله اللي هناك عند جوازاتهم بس الاحسن انك تاكد حجوزاتك وتاكد من الدولة اللي بتروح لها بعدين تقدم ترى ما يتاخرون يومين وتخلص ..
وبالنسبه للحريم لا ما يطلبون يكفي شخص واحد
لندن لها فيزا خاصه اعتقد غير الشنغن ... رحله موفقه