عرض للطباعة
السلام عليكم
ياربع عندي سؤال ماعليكم امر اذا فيه واحد يبي يبيع بيت شعبي بس للحين مطلوب لدوله
ويوقع على مبايعه والبيت مايقدر ينقل ملكيته لانه مطلوب المبايعه طبعا من المحكمه
هل يحمي القانون الشراي من البايع بوجود شهاده مبايعه ولايحق له المطالبه او فيه شي من المجازفه الماليه والقانونيه
ارجو الرد شاكر لكم والله لايهينكم
تنتقل ملكية العقار من البائع للمشتري بعقد البيع
ويجب ان يوثق في التوثيق العقاري
غير ذلك يبقى العقار ملكا لصاحبه
يعني اذا ما تغير سند الملكية يبقى العقار ملكا لصاحب العقار المسجل في في الملكية
مثلا لو ان صاحب العقار انتقل الى جوار ربه فورثته هم اللذين يورثون العقار
وأي عقد صوري غير ذلك لا ينفع
ويا هلااا بك
واحد في حاله الله لايهينك
وجزاك الله خير
تحياتي
السلام عليكم
مليونير قادم
اذا ناوي تشتري البيت عليك تسوي الاتي
اول شي يسويلك توكيل بالبيع والشرى للمنزل
ثاني شي والاهم يعطيك شيك بالمبلغ اللي تشتري فيه وازود
تحسبا لأرتفاع الاسعار اذا ما طمع بعدين ، ويوضع الشيك بالبنك
كرهن ، كمبياله عليه لحين وقت التسجيل الرسمي
والله يوفقك ان شاء الله
بوشهاب الله يعطيك
ماقصرت
وجزاك الله خير
تحياتي
شباب احنا شرينا بيت شعبى فى الهلال من واحد وقال لين خلص البيت 15 سنه بيتسجل باسمكم
قلنا على بركه الله خلص البيت 15 سنه رحنا عشان اسجله فى التوثيق العقاري قالوا مانسجل وما نعطيكم ملكيه حره لان بيوت الهلال عليها هدام وعندنا بس عقد ابتدائى من صاحب البيت
وعليه توقيع اثنين شهود شنو الحل الحين احنا نخاف يموت الريال ويطالبون الورثه وفى نفس الوقت اهو قال اذا تبون بارجع عليكم فلوسكم نفس المبلغ المدفوع لااقل ولااكثر بس البيت يسوى اكثر بوايد من المبلغ المدفوع .
شباب ساعدونىماهو الحل الان؟؟
اذا متأكد من الكلام هذا ان الهلال على امر ازاله حاول تعرف كم التعويض اذا اكتر
سوي مثل ما سبق وذكرت ، يعني خذ ضمانات اذا كان اقل رجع فلوسك افضل
والله يوفقك اخوي
اخوي بو شهاب تسلم ما قصرت بس شلون يسوي لنا الريال توكيل بالبيع والشراء واهو ماعنده ملكيه حره وانما الملكيه مشروطه اى للدوله مع انه عنده بيت ملك خاص . ولا التوكيل ماله علاقه بالملكيه سواء كانت حره ام مشروطه؟
وحتى لو رجع المبلغ بيكون بسيط جداا وما يجيب حتى ثمن ملحق فى وقتنا الحين ؟؟
وشى ثانى شلون اعرف اذا بيوت الهلال عليهم صج هدام ولا وشلون اعرف متى راح يعطون الناس الملكيات الحره؟؟
اسف اخوي بو شهاااب اذا طولت عليك بالاسئله .
أخوي تقدر تروح البلديه بنفسك وتعطيهم رقم صك ملكيه الأرض وهم بيقولون لك أذا عليها هدم ولا لا
ومن سأل ماضاع يالغالي :)
مثل ما قال عزيز استفسر من التخطيط العمراني
وبخصوص التوكيل ما يلزم اذا كان العقار حر او مشروط
هو توكيل لتسيجيل العقار لحين زوال الشرط اللي عليه
والافضل خذ شيك وخليه في البنك كضمان لك
والله يوفقك يارب