-
بغيت رايكم في مشروع
السلام عليكم ورحمة الله وبركاته..
بغيت استشيركم في مشروع
انا عندي مبلغ بسيط مو كثير
وفكرت في مشروع وهو
اني افتح محل للمواهب او الاشغال اليدوية القطرية
طبعا المحل راح يكون نسائي بحت ;)
وفكرته ان اي وحده من بنات قطر عنده موهبة تدخل عليها فلوس مثل الخياطة
وصناعة المخلطات والعطورات والرسم او اي هواية
تقدر تجيب منتجاتها وتبيعها في هالمحل وتبيعهم وراح يدخل عليها فلوس
وانا تكون لي نسبة ثابته من كل وحده تعرض منتجاتها بالمحل
وفي هالمشروع الكل مستفيد البايعة وصاحبة المحل وحتى المشتريين لان كل المنتجات راح تكون
من عمل بنات قطر واكيد متميزة عن غيرها من المنتجات الجاهزة بالمحلات الثانية
هااااا شرايكم قكرة حلوة ولا لا :nice:
-
والله فكره حلوه ومب موجوده فالدوحه الله يوفقك اخوي
-
مشكور اخوي انت الوحيد اللي رديت
مادري الباقي ماعجبتهم الفكرة ولا شسالفة خخخخخخ
-
الفكرة حلوة ومميزة واذا وجدت احدا يعمل عليها بطريقة صحيحة اعتقد انها مربحة ان شاءالله .. لكن للتعامل مع النساء الافضل ان تكون سيدة وتكون نشيطة اجتماعيا ..
وهناك الكثير من البنات والحريم اللي يسون شغلات في البيوت مثل الخياطة والمخلالات وغيرها وغيرها .. وفعلا في وايد اشيا اذا قعدت تفكر فيها ..
-
فكره حلوه بس انا اقترح انت تعرض بنسبة على المبيوع يعني ما تشتري وانت تعرض وحظك على حظك لا انت تاخذ مجموعه وتعرضها اللي ايباع لك نسبه عليه واللي مايباع لفتره ترده
-
خوش مشروع والله يوفقك بس نصيحتي لك الاعلانات عن المشروع وشوف الدخل
-
مشكورين على رايكم..
بس بغيت اعرف وين انسب مكان عشان اجر فيه المحل واشتغل عليه وشلون يكون شكل المحل من حيث الديكور.. واذا بتعاون مع الاخوات شلون اسوي الاعلان باي طريقة؟؟ ياريت لو احد عنده خبره بهالمجال يرد علينا بعد
-
انا من رأيي يكون في الأسواق المزدحمه واللي نطلق عليها مجازا الشعبيه :)
مثل عندك سوق الخميس والجمعه اذا تقدر تلاقي لك محل هناك بتربح ان شاء الله او سوق الجبر او شي من الأسواق اللي فيها زحمة ناس يشترون هالأشياء يعني ابعد عن الستي سنتر والمول :)
بالنسبة للإعلانات تقدر تمر او حد من النساء ايمر على المعارض اللي فيها مشاركة نسائية مثل المهرجانات او المعارض اللي تقيمها دار تنمية الأسرة وتسأل النساء اللي ايبيعون فيها اذا يحبون ايدشون معاك في المشروع ومب مشكله تشتري منهم كميه وكميه تبيعها لهم بنسبه :)
-
مشكور طاير على اقتراحك ومساعدتك وانا بعد اشوف نفس الشي
-
العفو ياغالي ما سوينا شي ...