قفازات المطاعم + النص ريال !
السلام عليكم
ما ابي اطول عليكم ، جمعت موضوعين قاهريني والكل تكلم عنهم في موضوع واحد
البلدية الله يجزاهم خير مشترطين على المطاعم يلبسون قفازات النظافه لتحضير الاكل
طيب هو يحضر فيها الاكل ، ويحاسب فيها الزبون ، ويحك شعره وراسه وو وو ، ويبطل بيبان المحل فيها
غلط صح ؟ شالحل ، اتمنى حد يقولنا بس . مب مطعم واحد كل مكان والله
والقسم الثاني بخصوص النص ريال والربع ريال ، كنه مافي عملات ! يعني جمعيه دكان مطعم ، صارو يردون لك الباقي على ان ماكلينها عليك
ولما تجي تكلمه يخيس النفس ويجيب لك الباقي او يقولك ماعندي على اساس ترجع اللي خذته ، شنسوي مع هالاشكال ؟ عيزنا واحنا نزف ، البيبسي خلاص بالنسبة لاي مكان صار ريالين مع ان معروف سعره ريال ونص بس يقولك انا خلاص كاتب هاي فالمنيو
شي قاهرني وكتبته
والسموحه
