ياشباب انتبهوا من التعامل مع شركة المناعي قسم الصبانه

ياشباب انا وديت السيارة للتصليح شركة المناعي قسم الصيانه في الصناعيه ورحبوا فيني فالبدايه من مدير وموظفين وقالوا لي بعد الفحص عالسياره قيمه التصليح 33000 ريال قلت لهم ابتدوا فالتصليح وكلي ثقه فيهم وهذا الكلام كان شهر ابريل شهر بعدين خمسه اطلبوا عربون للتصليح 7000 ريال ودفعتها لهم وتخيلوا من شهر خمسه ومااستملت سيارتي الا بداية شهر ديسمبر .وهنيه بدا الرعب اول ماطلعت من باب الوكالة الا اشوف الناس رافعين يدهم وانا عبالي يسلمون علي الا اثاري السياره يطلع دخان من القزوز والماكينه :funny::app2: الا جاني واحد يقول لي يااخوي اشفيك رافع يدك سيارتك كلها دخان ورجعت دخلت لهم الوكاله الا كلهم مستعجبين ومستغربين الا دخلت الموتر عليهم وكلها داخل ادخنه فضيعه والفنين يقولون الموضوع بسيط يوم فتحت البانه طلع منها الدخان واحصل برغي نسيانه داخل الا اسال هاي الفني اقوله وين مكانه قال مااعرف (الفني )المهم ومن كثر الدخان صرنا مانشوف بعض واللي راح واللي جاي يشوف الدخان لا ويقولون بسيط بسيط وقالوا اللي صلحوا السيارة هاي انسان ممكن يخطي مب كمبيوتر هاي للعلم كله في يوم واحد وسلمتهم السياره وقالوا لي بنوصلك البيت وانا في طريقي مع اللي يوصلني قال لي بابا اذا تبي بنوصلك السياره ولكن عطني ميتين وبنيبها لك واليوم الثاني اتصل لي الموظف وقال لي تعال استملها السياره جاهزة المهم خذيتها والحمدلله رحت البيت وبطلت البانه قلت باشيك عالبانه نظريا الا احصل الفني كاتب بالمزيل على الراديتر رقم السياره ومع محاولته لمسح المزيل حكه الظاهر بشي وشمخ وسوا علامة على الراديتر والكور اللي يحمي السياره من تحت كاتب ومعلم عليه بالمزيل نفس الشي رقم السياره وبعد معلم بالمزيل وكاتب رقم السياره على الماكينه وشامخين البانه على حجم نص كف اليد وطعجات بسيطه متفرقه للعلم انا قبل مااودي سيارتي للوكالة مصورة صور وفيديو بعد ومشينا الموضوع والصدام الامامي مارجعوه عدل صار فيه فجه بين اليمين واليسار الصدام غير الطعجات اللي تحت وبعد مشينا الموضوع ومع استخدامي للسياره تقريبا اربعة ايام بدات الماكينه ترج وطلع في الطبلون صورة الماكينه ومنع الانزلاق والكروس وبس هاي كله صار معاي في اسبوع ياليتني سمعت كلام رفيجي قال لاتوديها لهم السيارة يصلحونها لك ماسمعت الكلام صج لي قالوا اللي مايطيع يضيع وعند وقت الشاي كنت اشرب شاي اللي اسمع صوت رينغ رينغ اللي اطل تحت الا القزوز مب راكب عدل وللعلم يوم وديتها الفحص الفني على اساس اني دافع هالمبلغ الكبير بتنجح السياره قال لي الموظف بابا نسبة الكربون عندك عاليه وماكينتك ترج احسن ركب ماكينة جديد والله مااقول شهيد

أخوي شنهي سيارتك ؟؟!!!

و عندنا موضوع للأستفسارات عن السيارة و الخ انشبلهم و تعب نفسك انت دافع فوق الثلاثين ألف ريال اصلن بدون كلام المفروض يعطونك سيارة بديلهم و اهم الشركة الأولى فالسيارات البديلة للأمانه.

نجي للموضوع انت من شنو كنت تشتكي قبل و الخ الخ الخ.

مكينة غير مكينتك بالكثير بالكثير ثلاثين ألف ريال بالتركيب هاي اتكلم عن مكينة كبيرة المكاين العادين بحدود عشرين الف راكبة.

عندك للجموس و الكدلك و الهمر قراج عون شارع ثمانية ممتاز.

اذا سيارتك غير عنهم و صالون المبلغ اللي ذكرته فوق خيالي جدا و عادي تدفعه عندهم بس كل اللي صار مو عادي ما يصير انك فقط كاتب موضوع بالمنتدى روح لهم و انشب لهم لين كلشي يرجع و انت اتكون راضي عن السيارة.

و اي شغل تسويه فالوكالة عليه ضمان ست اشهر و البعض ثلاث اشهر.