كان حلم.. لأن الهوامير ناشبوا المواطن في كل شي .. حتى المعاصر.. وخذوا منه التاكسي..
فمثل هالاكشاك ما بتكون للمواطن العادي في مثل هالمناسبات..
واذا بيعطونه.. خلنا نتجهز له من الحين.. ان شاء الله..
السلام عليكم ورحمة الله وبركاته ،،
تفاصيل واجراءات التقديم على مبادرة الوزارة ..
وزارة الاقتصاد والتجارة تطرح 12 فرصة استثمارية لترخيص المركبات المتنقلة - :
رابط موقع الوزارة للتفاصيل فضلاً اضغط هنا
او رابط الجريده .. فضلاً اضغط هنا
أسأل الله التوفيق للجميع
ليش محددين فترة للتقديم؟
ليش مايخلونها مفتوحة .. اللي تنطبق عليه الشروط يقدر يفتح حسب حاجة السوق.
أنا ودي في هالمشروع المشكلة شروطه مش واضحه واماكن الوقوف غير واضحة
المشروع بما فيه حق الفين واثنين وعشرين ههههه
حالياً اللؤلؤة وكتارا متروسة أكشاك و باعة متجولين
العربانات جاهزة
شكلهم يدرون بالقرار قبل مايصدر
بس محكومة بنشاط واحد فقط
واشوفها عليها زحمه
طبعا أكثرها نتولا وبنكيك و شوكلاته وكريب
وبصراحة شغل مرتب ونظيف
الله يذكر راعي الايسكريم بالخير بوسيكل قبل بعيون حمر يدور من فريج الى فريج
وراعي الزعتر والصفيحة وقرشة الفلفل الأحمر في كرتون مربوطة في المردفه في السيكل
الا البرتقالة اللي كانت في الكورنيش وأماكن ثانية وين راحت
البيانات والاعلانات عندنا تحتاج الى بيانات وتحليل !
ما المقصود بالبائع المتجول ؟ وايش نوع المركبة ؟ وايش يقصد بالعربة ؟ يعني اذا حلاق أبطح الزبون واقعد احلقه في البدي ؟
محتاجين توضيح بصور بالنوعية