المشاركة الأصلية كتبت بواسطة khaldoon
الملاحظة رقم 6
كلامك صحيح.....والله يا اخوي هو الموضوع يبيله فعلا مهندسين زراعيين يعرفون ايش يناسب بيئة قطر و ايش الشجر اللي يخدم المكان اللي هو فيه و يقلل الاتربه و ما يجيب الحشرات و القوارض و الزواحف وما يحتاج ماي كثير ولا صيانة و لا عناية و عمال و تشغيل و رواتب و سماد و مواد ...الخ ترهق ميزانية الدولة و ربما بدون فايدة... لهالسبب للأسف شوفت بعض الشوارع شالوا الشجر منها و حطوا انترلوك اخضر علشان تشوفه من فوق بالصور الجوية مناطق خضراء وسط الشوارع
النخل طبعا ممتاز بس يبيله عناية و تثبيت....يعني تلاقيهم يثبتون اربع اخشاب من كل ناحية علشان ما توقع النخلة......و بعدين بس يستوي النخل تلاقي الناس راحت تلقط و معها أكياس كبيره في مظهر غير حضاري في وسط الشارع او في الكورنيش