ماكينة المكنسة السنترال

مرحبا ياليت الي عنده اي خلفية عن الماكينة هذي وين تنباع وهل هي عملية
وهل لها صيانةً دورية وكم اسعارها يفيدنا.
كلمت احد شركات هنا واحس سعره اوفر بزيادةً مش معقول فياليت الي يعرف يفيدنا.

https://youtu.be/RN1dz_n1BMs

أذكر ولد عمي كان يوردها من أمريكا من حول 10 سنين

مكتبه اسمه عمار ورا وكالة النيسان في السد مدخل البناية من ورا .. تبي الصراحة هي كمالية وتحتاج تمديدات ما تضمن انسدادها .. خلك على النظام العادي وزين الواحد يحط في كل دور كبت أو ستور صغير خاص بمواد التنظيف وبالمكانس الكهربية .. بقيمتها ممكن تشتري مكانس كهربية لكل زاوية في البيت بس ميزتها مخفية

كنت ساكن فيلا لمدة اسبوعين تقريبا في بريطانيا وكان صاحبها مركب للفيلا وجازت لي المكينة لان في كل ممر تحصل فتحة للمكنسة وتقدر تسحب الماء الخفيف بعد وبدون صوت.
سالت صاحب الفيلا عنها قالي مركبها بسعر 1500£ 2000£ باوند يعني تقريبا ب 8000 الى 12000 الف تقريبا.

أكيد منها أنواع وهناك شغلهم احترافي أكثر وفيه عندهم فراغات سهلة في الجدران الداخلية غالبها بارتشن سهل يفتح ويمدد .. لو لك خاطر تسويها حاول تطلبها أفضل وشوف أي كهربائي ممكن يؤسس لها مع البنيان .. ولو بيتك جاهز بتقدر تركبها ظاهرة أو مخفية بايباتها خلف الأثاث في زوايا ميتة أو تقدر تخفيها بأي طريقة ثانية بدون تكسير أو تركبها خارجية وتمدد بايباتها خارج البيت بس تسوي فتحات في الحوائط بدريل للبايب الداخل ومنه تركب الهوز وتشبكه لتنظيف الغرفة .. فيه منهم أنواع كثيرة أكيد وباحاول اشوف منها في اليوتيوب

ما تخسر شيء لو مريت المكتب أو اتصلت بهم اتوقع مستمرين يجيبونها وولد عمي ركب حق بيته ومرتاح لها .. وإحتمال عند رافكو والا الدرويش .. أكيد برستيج أكثر وصوتلس هذي قمة الفخامة

والله عجيبه المكنسة اول مرة اشوفها ..
ان شاءالله تحصل منها بنفس المبلغ :nice:

الموضوع بسيط اذا كان بمرحلة التاسيس ... وجدا مناسب للفلل والقصور