عرض للطباعة
يتداول حاليا أحاديث بشأن نيسان باترول 2020 الجديدة كليا والمتوقع إدخال واستحداث العديد من التقنيات فيها ... وواضح ان هناك تكتم شديد بشأنها وعدم توفر اي تسريبات ...
عموما متوقع طرحها في الأسواق في منتصف العام القادم 2019 ....
ننتظر مفاجأة نيسان بفارق الصبر
باترول صار لها 10 سنوات بنفس الشكل
ضروري يتغير شكلها، صارت مملة
ننطر و نشوف!
يمكن يركبون لة جنحان ويطير
موتر فاشل بدي تعبان ليتات تعبانه جربته سنة وبعته الا اذا طوره وصار فخم
التسريبات بتطلع لو ايش سووا.
النيسان الحالي ما يصلح نهائيا ،
لا شكل ولا أداء ولا جودة..
فاااشل بالعربي
الي يقولون فاشل ومافيه جوده على اساس الكروزر مكسر الدنيا من زود الكشخه ومصنوع باليد كله بلاستيك وشغل خايس حتى البريكات اخس مامنها ماشفت والله
أنا جربت نيسان 2014 400le وجربت الكروزر 2017vxs
السلبيات والإيجابيات في السيارتين كالتالي :
نيسان :
السواقة روعة خفيفة وسكّان خفيف حدة البدي خفيف في الخط يلعب شوي
سعر السيارة معقول بس سعر قطع غيار ناااار ملاحظة مهمة اذا تشتري نيسان مع بچك سيرفس ما تحاطي
vxs :
البدي ثقيل والسواقة اثقل وسكّان اثقل من سكان الgxr في الخط ثابت
سعر السيارة مرتفع بس سعر القطع غيار معقول
كل موتر وفيه الزين والشين
الكروزر خذ ولا تحاتي لكن لا سفايف تعيش والموتر من كثره بالدوحه لو ترفع بلاطه بتلقى كروزر تحتها
لا هيه ولا تحس انك دافع مئات الالاف
وكلن يطوفك حتى لو مكينه فكسار
النيسان حجم روعه و مكينه قويه لكن صرف بترول و غيار غالي و كوالتي ما يعجبني من كثر ما يحتاج تغيير و صيانه و مقصات التواير مهما غيرت بتسمع صوت بالمطبات
كلن وحاجته
عندي نيسان للبيت و يجيب اليهال من المدرسه ولولا كراسيه وسيعه ما اخذته
الكروزر يعيش معاك بس استحمل سفايفه ولا تدور رزه
عموما. الي يبي يشتري احسن له ياخذ ضمان ممدد عشان ما تضايقه الصيانه في النيسان
اذا غيروه وسعره نفس الحالي باخذه مره ثانيه للبيت