المشاركة الأصلية كتبت بواسطة سعادة الوزير
انا باتكلم عن نقطتين اساسيتين في الموضوع ..
اولاً .... بس قبل ما باتدي خلونا نستبعد غلاء مواد البناء من اسباب ارتفاع العقار ، والسبب ان العقار زاد من 1000 الى 3000 بالميه ومواد البناء زادت من 100 الى 150 بالمئة فقط ، الي باقوله هو ان سعر العقار مايحدده العرض والطلب للبيع او الشراء ، لكن الي يحدده هو اسعار الايجارات وبس ، لان القاعدة المعروفه في تسعير أي عقار هي ارجاع رأس المال خلال مدة تقل عن 10 سنوات. اذن ، لن تنخفض اسعار العقارات حتى تنخفض الايجارات ، والايجارات يحكمها العرض والطلب ، وقريبا ستطرح اعداد كبيرة جدا من الوحدات السكنية ، اذن من الواضح جدا ان العقارات ستنخفض في المستقبل القريب ، واتوقع خلال سنتين الى اربع سنوات. ومثال على ذلك منطقة ما انخفض فيها ايجار الفله الصغيره من 15000 الى 10000 ريال بسبب كثرة المعروض ، هل من المعقول ان ادفع فيها مليوني ريال واجازف باسترجاع راس مالي خلال 17 سنه؟ طبعا لا.
ثانياً .... الايادي الخفية !!! وياااااااااااااا كثر الايادي الخفيه عندنا في قطر!!! والي واحد من الربع يسميهم الوطواط !! هذول انا اقصد بهم المسؤولين الكبار وفي نفس الوقت اصحاب المجمعات السكنية الضخمة ، الي يقعدون يرافسون بيدهم وبريلهم عشان ماينزل العقار ، والي عنده استعداد انه اتم عماراته فاضيه بشرط انه ماينزل الايجار عن السعر الي يبيه (بدت هالظاهرة تبين ، عمارات فاضيه شهور طويله بدون مستأجرين) .. هالناس هم سبب البلاوي الي احنا فيها والمصيبه انه هالناس بيدهم سلاح قوي جدا وهو سلاح السلطة وكذلك سلاح سن القوانين وكذلك "تطويع" بعض القوانين لخدمتهم.
وسلامتكم.