عندي مساحه 250 م2 في المنزل ومب عارف شلون استغلها

اقتباس:

---

المشاركة الأصلية كتبت بواسطة معماري قطري

حاضر إخوي وليف الشوق

المساحة من ضمن البيت وداخلية وغالبيتنا بيوتنا فيها مساحة غير مستغلة لكن مع الوقت نحتاج لها .. سواء لمكتب أو مخزن أو غرفة لأحد الأبناء أو جناح لإبن متزوج أو بنت متزوجة .. حتى صالة رياضية بسيطة ممكن نسوي

ممكن نسوي سينما منزلية أو نادي صحي بتغيير بسيط على بعض الحمامات بعمل بخار أو سونا .. ولازم نخلي غرفة احتياط لا بد حد بيحتاجها في المستقبل القريب حتى لو اخترب مكيف

---

ابصم لك ع العشره كفيت ووفيت اخوي معماري وهذا العشم من طرح الاستشاره اللازمه والمناسبه لكل من لديه سؤال او حتى معلومه قد تفيد في بناء منزل العمر

اقتباس:

---

المشاركة الأصلية كتبت بواسطة captin

من ناحية قانونية ما تقدر تسوي أي مبنى منفصل حق اي نشاط تجاري او غيره

اذا كانت الأرض على شارعين تقدر تسوي الآتي لكن بدون وضع قانوني او ترخيص

1- تكبر المحلق بحيث انه يسمح توزع فيه غرفتين صغار ومطبخ وحمام ولا حمامين
وتطلب تفتح باب جانبي بحيث اللي يدخل من الشارع على الملحق مباشرة وبعد اتمام البناء تسوي الفواصل بين الغرف
بحوائط الجبس وفي هالحالة تقد تأجر الملحق ممكن بمبلغ 4000 ريال شهر على اساس انه شقة صغيرة بغرفتين .

2- تسوي مطبخ كبير وسكن لعدد 2 طباخين وتشتغل على نشاط مطابخ شعبية بس ايضا بدون ترخيص يعني لاسمح الله
لوصار اي شي مثل خلاف مع زبون او غيره أ واحد اشتكى بتكون عليك مسؤولية انك تبيع اغذية بدون رخصة وبدون اشتراطات صحية .

3- تسوى مخزن وله باب منفصل وتأجره لان هناك طلب على المخازن من بعض الشركات خصوصا اذا موقع البيت قريب من منطقة تجارية
مثل شارع سلوى او المطار القديم او الوكرة الخ .

وتقدر تستفيد من المساحة ببناء مجلس خارجي مثل ما ذكر بعض الاخوان او تسوي لك حديقة مرتبة لك وحق اسرتك
باربكيو وحركات ولا حمام سباحة مرتب .

---

كفيييت وفيييت اخوي معماري وأشكرك على اقتراحاتك
لو فكرت أني أجر عل عائله هل عقد الايجار يكون صحيح وقانوني

ممكن تسوي فيه بيت جاهز ( بورت كابن) وتختار تصميم يتناسب مع تصميم بيتك وتأجره على عائلة

ممكن تسوي مشتل صغير منه فايدة لك ومنه منظر جمالي للبيت

بالتوفيق