الارصاد الجوية القطرية. مساكم الله بالخير

السلام عليكم ورحمة الله وبركاتة
بعد ماقريت في بعض وسائل الاعلام عن امطار الخير الي عمت بعض دول الخليج والله يجعلة عليهم سقيا خير ورحمة وينفع به البلاد والعباد

رحت ابحث عن مواقع الارصاد الجوية الخليجية

اطلعت على جميع المواقع وبعدها رحت لموقع الارصاد الجوية القطري

مافي اي شي واضح احس حتى الي قايمين الموقع ساجين منه
ابي اشوف احوال الطقس ماشي.

والصدمة الكبيرة ان حتي التاريخ واليوم غلط الربع مسبقين يوم
الي موقع ارصاد قطري وحكومي ويشوفونة كل العالم وبها التخبط
أتمني من الاخوان تعديل التاريخ واليوم
وتوضيح حالة الطقس نفس الشكل القديم
لانه الحين مافيه شي مفهوم اصلن والتنسيق غلط بغلط

يعلم الله أني ماكتبت الا ناصح

موقع الارصاد القطرية

http://www.qweather.net/site/

الظاهر مأجرينه الربع هههههه

لايوجد لدينا موقع للطقس للاسف

كلها خارجيه

يعلم الله انه شي يحزن

الله يعين

انا دخلت الموقع التاريخ صحيح يوم الثلاثاء على اعتبار بعد الساعه 12 ليلا

خبراء الطقس في المنتدى فيهم البركة
مو مقصرين و مكفينا ما لنا حاجة
أرصاد جوية ( نايمة ) ...!!!

اذا كان يوم مغيم بعد الغيوم وتمطر ويجي اليوم الثاني يعدلون موقعهم لا توقعات ولا هم يحزنون

الموقع نايم من زماااااااان

اقتباس:

---

المشاركة الأصلية كتبت بواسطة الخزرجي قطر

انا دخلت الموقع التاريخ صحيح يوم الثلاثاء على اعتبار بعد الساعه 12 ليلا

---

يبه من العصر معطي تاريخ باكر واليوم غلط

جد ماساة عندهم خلل فادح

اقتباس:

---

المشاركة الأصلية كتبت بواسطة بصمة قطرية

خبراء الطقس في المنتدى فيهم البركة
مو مقصرين و مكفينا ما لنا حاجة
أرصاد جوية ( نايمة ) ...!!!

---

نعم الي موجودين فيهم البركة بس هذ موقع ارصاد قطر يعني واجهه
الناس الي برا قبل يجون يشوفون هذ الموقع عشان الاجواء وهو حتي تاريخه غلط لا ولا فية تنسيق

مواقع ممتازه لمتابعة الطقس بالاقمار الصناعية

كل موقع فيه له صورة وتحتها الرابط الخاص بها



http://www.mlfnt.com/lives6/13533679111.jpg


http://new.ncms.ae/gmodel/satdisplay...range=8&dt=Tue



____________________

http://www.mlfnt.com/lives6/13533679112.jpg


http://our-weather.blogspot.com/2010...g-post_31.html



_____


http://www.mlfnt.com/lives6/13533682731.jpg



http://www.foreca.com/Qatar/Doha




___

ان شاءالله يكون الموضوع صوت يوصل لهم ..

ارصاد قطر مشكورين في تويتر وجهودهم واضحه .. لكن لا مقارنة مع ارصاد السعودية والامارات
من ناحية الموقع والرادارات اللي كل الناس تقدر تدخل عليها مثل الدول المجاورة .. ونشوف التوقعات من خلال خرائط التنبئات .... الخ الخ

الله يصلح الحال ..

ملاحظة: كلامي ليس نقد .. ولكن نريد الافضل والنجاح والتميز لدولتنا الحبيبة في كل المجالات

سمعت إن الأرصاد ما عنددهم رادار.

اقتباس:

---

المشاركة الأصلية كتبت بواسطة رجل الجزيرة

سمعت إن الأرصاد ما عنددهم رادار.

---

اخي الكريم .. مافي ارصاد ماعندها رادار .. كيف تصير ارصاد عيل هههههه

عموما ارصاد قطر عندهم رادار لكن خاص وان شاءالله على كلامهم في تويتر قريبا سيفتح المجال للجميع للمتابعة عبر الانترنت

الحل :

بنفسي منزل كمن برنامج ع الايفون
ومستمتع للغاية

انا اقترحت عليهم انهم يلغون اداره الارصاد وبلاش مخاسير وصرف بيزات يخلون واحد بس
ياخذ نشره البحرين ويبثها واللي ييبي نشره البحرين ممتازه والصوت واضح وقوي على السبيكر
مهب احنا تسمع الصوت تقول يساسرون نفسهم

الارصاد عندنا بحاجة لتطوير وتحديث في طريقة تقديم الخدمات والمعلومات وطريقة التواصل وتوصيل تلك المعلومات لعامة الجمهور وللمختصين والمتابعين لها . الارصاد في دول الجوار خدماتها ذات محتوى اكثر وجودة اكبر وبيانات أشمل . اغلب او كل ارصاد الدول المحيطة بنا لديها رادارات وصور خاصة بها للأقمار الصناعية ونستعين بها لمتابعة أمور الطقس لدينا وسمعنا منذ مبطي بأنهم سيضيفون تلك الخدمات لكن الصبر الزين وما زالوا في آخر الركب

يبيلهم اداره فاهمه وواثقه من نفسها

ومن ثم توفير امكانيات وصلاحيات لكي

نصبح رواد فالمنطقه والكل عندئذ يبحث

عن مواقع الارصاد القطريه,,,,,,مو غلط

ابدا ,,,,,خصوصا ونحن على ابواب افتتاح

واحدا من اكبر واحدث المطارات فالعالم,,,:omen2:,,,,:secret:,,,,,

اقتباس:

---

المشاركة الأصلية كتبت بواسطة حسن

انا اقترحت عليهم انهم يلغون اداره الارصاد وبلاش مخاسير وصرف بيزات يخلون واحد بس
ياخذ نشره البحرين ويبثها واللي ييبي نشره البحرين ممتازه والصوت واضح وقوي على السبيكر
مهب احنا تسمع الصوت تقول يساسرون نفسهم

---

قريت إقتراحك هذا اخوي حسن قبل اسبوع في تويتر


الى يبي يتابع الأرصاد الجوية عندنا في قطر ماله الا
1- موقع الارصاد وحسابهم على تويتر
2- موضوع الأخت فرحه الكواري المثبت في قسم الحوار العام في شبكة الأسهم القطرية
فقط


ومبروك عليكم المطر
والشتاء :)

الله يهديك بس

فيه حد يعتمد على الأرصاد الجوية القطرية

ارقااااااد ليوم الرقاااااد !

اقتباس:

---

المشاركة الأصلية كتبت بواسطة r 7 a l

قريت إقتراحك هذا اخوي حسن قبل اسبوع في تويتر


الى يبي يتابع الأرصاد الجوية عندنا في قطر ماله الا
1- موقع الارصاد وحسابهم على تويتر
2- موضوع الأخت فرحه الكواري المثبت في قسم الحوار العام في شبكة الأسهم القطرية
فقط


ومبروك عليكم المطر
والشتاء :)

---

تلومني فيهم يارحال قطعتهم هناك
يطرشون مسج تحذير يوم الخميس وخلوني مانزل الطراد وانتظرت يوم الجمعه كذالك تحذير كان اشوف ارصاد البحرين يقول مافي تحذير ولا شي كان انزل الطراد والجو من اروع مايكون ليش مايلغون التحذير
الاسبوع اللي راح رحت الاربعاء على شان فجر الخميس يقوم هوا شديد هذا ارصاد البحرين والله العظيم نفس الكلام مضبوط ميه بالميه وبعدين اسمع تسجيلهم واسمع تسجيلنا قسم بالله فرق السما والارض وتتصل على طول رنه وتدخل على النشره مهب احنا الى الاستماع الى اللغه البنغاليه اضرب واحد اذا سماع النشره اضرب واحد اذا تبي سندويش بيض اضرب واحد دوله عربيه وتححد لي اللغه
وخصوصا نشره المدوالجزر وارقتين a4
ب 10 ريال وين ذي زهره الخليج 80 صفحه وورق فاخر وصور جميله ب 10 ريال لا مادري حتى الغبي يقول يقصون علينا

اوف طلعت الحره انا من شفت وضع مبلغ على الدفتر
عرفت ان المدير يبي يوصل ها شوفوني دخلت لكم فلوس كن الف ماتتجاوز شي يذكر هذا زين والله خلوه

فعلن امرهم غريب لا وللحين ماعدلوة عاد التاريخ والايوم نفس الشي غلط

ابي افهم شلون مؤتمر الطقس مادري المناخ العالمي ينعقد في بلد ماعندها مووووقع عالاقل مثل الناس لاخبار الطقس!!

الامارات والسعوديه اولى الصراحه!!

طبيعي الوضع

وإيلا. الحين. التاريخ. واليوم. غلط

احس شي مؤسف

هل هذا. الموقع. يمثل. الدولة. خارجيا

وبهاذي. الصورة

وملايين. يتابعونة. من الدول العربية والغربية

الظاهر. الربع. رقود. للحين


مساء الخير. يادارة ارصاد قطر