ويوجد قرارات جديدة أيضًا تضعف الاميال ساكتبها في رد منفصل
عرض للطباعة
من ضمن القرارات الجديدة لتذاكر الاميال في حال حجزك تكرة بالاميال وصارت لك ظروف يتوجب عليك إلغاء الحجز كليًا على أن ترجع الاميال بعد ثلاث ايام عمل ليس من ضمنها الجمعة والسبت وبعدها تقوم بحجز جديد أنت وحظك تحصل ولا ما تحصل
مثل:
حجزت إلى لندن بتاريخ 20/06/2018م والعودة 26/06/2018م بالأميال حدثت لك ظروف في الذهاب وتحتاج تبديل التاريخ في هذه الحالة عليك التالي:
1- إلغاء التذكرة كليًا وطلب عودة الأميال الكترونيًا.
2- عودة الأميال بعد 3 أيام عمل ليس من ضمنها الجمعة والسبت.
3- إن كان عند أميال قبل رجوع المستخدمه بإمكانك عمل حجز جديد ويعتمد على توفر كراسي الأميال من جديد.
بالمختصر أصبح الحجز عن طريق الاميال واستخدامها كتذاكر وترقيات من المهمات الصبعة
كرهنا السفر والسبب القطريه يالله عساها مستمره في الخساير ولاترقع ماشوف حد من دول الحصار يشتكى من غلا اسعار التذاكر الا عندنا ودايمن عروض وهميه ومسكين راعي الاميال مغبون ع كثر ولاءه وسفراته مع القطريه يحرمونه من الاستفاده منها عمري ماسمعت قطري مدح القطريه كل الي يمدحونها غير قطرين ،،،، السوق لازم تدخل فيه شركات جديده الاحتكار هو الي وصلنا لهالمتسوى
القطريه من افضل خطوط الطيران على مستوى العالم وانا كل مااجرب غير القطريه اتحسف
ونحن كقطريين المفروض اول ناس ندعم القطريه وخاصة بعد ازمة الحصار
انا سافرت قبل رمضان بزنس الى فرنسا عن طريق الاميال وأخذوا مني 86 الف كيومايلز. الحين جيت بحجز للصيف تطلع البزنس ب 232 الف كيومايلز. فعلا صدمة
موضوع مهم يحتاج حد من المسؤولين يتابع الموضوع معاهم مستحيل محد يقرا أو يشوف الموضوع ..
انا في رمضان او قبل رمضان ابغي احجز لألمانيا نفس كلام اخواني من قبلي .. كانت بالأميال اذكر تذكرتين بيطلعون عليي مايقارب 200 ألف مايلز
الحين رجعت اشيك مره ثانيه عشان احجز انصدمت بصراحه
التذكره الوحده ب 232 الف مايلز ليش ان شاء الله هالزياده والمبالغه
المفروض احنا يكون لنا اسعار أقضل من الغير اولاً كمواطنين .. ولكن نشوف احنا الزائر اذا جانا نسمع انه ماخذ تذكرته ارخص من عندنا بـ 50% - 60%
تحتاج بصراحه لحل وايد مواضيع القطريه على كثر الشكاوي بخصوص (( الأسعار و الأميال ))
استفسار انا بطاقتي ذهبيه أيش اللي استفيد منها غير الوزن ودخول القاعه؟؟ وايش الكيو بوينت ؟؟
الكيوبوينت النقاط الي تاخذها من سفراتك وتترقى للعضوية الاعلى...مثلا الذهبية 300 البلاتينية 600 وطبعا خلال السنه تتغير حسب سفراتك..
بخصوص الذهبيه عندك 40 كيوكريدت فالسنه اذا ما استخدمتها تروح عليك...تقدر تستخدمها اتسوي اب قريد لتذكرتك من السياحيه الى رجال الاعمال
ومن رجال الاعمال الى الاولى .
بالتوفيق اخوي
عندي استفسار... المسافر عن طريق الاميال .. هل يتمكن من دخول المطار من جهة رجال الأعمال و القاعه??
اذا كانت تذكرتك عن طريق الأميال رجال اعمال ايي نعم تقدر تدخل بس اذا تذكرتك سياحية وعملت ترقية الى بزنيس عن طريق الاميال تستفيد فقط من الكرسي والوزن يتم نفسه مال السياحية وتدخل المطار مثلك مثل اي واحد حاجز على السياحية