السلام عليكم ورحمة الله وبركاته
انا عضو جديد في منتداكم العظيم وارجو قبولي بسعة صدر
وعن خبرتي بلسوق ممكن تقولون ميح ومع الخيل يا شقرا
مع اني شاري بكذا شركه بس بدون تحقيق ربح واذا بعت ماجابتلي همها
المهم مشكلتي يا خواني الحين المتحده بعتها بتاريخ 28/7 /2005 بسعر 61 ريال عدد 1740 سهم
المهم بنفس الجلسه ارتفع السعر اضنتي لين 62 ريال
المهم من يومها والسهم ما شاء الله في ارتفاع يومي وانا في انقهار يومي برايكم ويش اعمل حد ينصحني بارك الله فيكم
لني جد تعبت نفسيتي لني شاريه صارلي فتره من شهر 2 تقريبا ولما وصل 116 قلت لا بيطلع اكثر طبعن الطمع لعب دور كبير خبركم من طمع طبع
ونزل السوق وارتفع واخوكم خبر خير قاعد ينتظر ولما جه الاكتتاب قلت زين بكتتب بلزياده واكتتبت والحمدلله طبعن بلدين وانتظرت لما شفت السهم وصل ال 60 قلت ياولد بيع احسن يمكن ينزل على الاقل بترجع افلوس الاكتتاب وبتسدها المهم الحين وشو تنصحوني لحد الان فلوس البيع موجوده معي
اشتري على السعر الي وصله اليوم والا انفذ بنفسي كفايه ضربات فيني لني جد مب مستحمل
والحين للعلم عندي اسهم الاكتتاب الزياده ماتصرفت فيها الي هي 957 بالظافه لي 174 الي طلعت كأسهم مجانيه
وعندي من الظربات اني شاري الغاز على سعر 67 ريال ولين اليوم طايح بجبدي وسلفيته منتفتني من
كل صوب والله العالم بحالي .
شورو علي الله يبارك لكم جميعا ويرزقكم خير بأذن الله