(( خلاص انسى علاقتنا..تناسا العهد والميثاق ))
وش اللي رجعك يمي..وجيت وخاطرك مشتاق
تحسب إني مثل أول..تحرا شوفتك عيني
بعد ماطول غيابك..وماتت لهفة الاشواق
بعد هذى تبي نرجع..وامد لكفك يديني
قتلت الشوق في قلبي..وجرحك داخل الاعماق
وتاهت رحلت اشواقي..وضاعت بي عناويني
خلاص انسى علاقتنا..تناسا العهد والميثاق
وش اللي من محبتنا..بقى مابينك وبيني
حبيبي خلنا نبعد..ونحرق باقي الاوراق
ابي الفرقا لو الفرقا..تعذبني وتشقيني
تذكر من بدا اول..وبدل وصلنا بفراق
تذكر من قتل حلمي..وضيق دنيتي فيني
مابين الهم والفرحه..وبين الليل والإشراق
ادور عن بقايا روح..وويني ياترى ويني؟
كفايا نرجع ونحكي..نردد سيرة العشاق
وانا من جرحي وهمي..خذيت اللي يكفيني
انا آسف على كل شيئ..وحلم يوصل الافاق
وانا آسف اذا في يوم..عطيتك اجمل سنيني
تصدق..لو تبي ترجع..وعذرك إنك المشتاق
أنا ماني مثل اول..تحرا شوفتك عيني
منقوله واتمنى ان تنال اعجابكم
|
رد مع اقتباس
المشاركة الأصلية كتبت بواسطة ع الشرحي
