مرااااحب
والله تذكرت برنامج مراااحب من إذاعة الكويت احب اسمعه
المهم السالفه طال عمركم احنا بنسافر ماليزيا ونوره تبي تروح جزيره
رحلة استجمام وتهدي اعصابها بعد الامتحانات والهم
بس احنا بنروح كولامبور وبنقعد اسبوع وجنتق ثلاث ايام
فممكن حد يدلنا على جزر نقدر نروح لها بالسيارة بالبحر بس مش طياره
كفاية علينه رحلة 7 ساعات لين نوصل ماليزيا والرعب الي باعيشه طول هاي المده
فارجوا منكم تعطوني رأيكم ؟
مرااااحب ام نورة زرت العام جزيرة بيننغ وايد اعجبتني وانا مثلك احب التنقل بالبر عالعموم رحنا بالباص واتمتعنا بالمناظر الجميلة ولا يفوتك في الاستراحة لين وقف الباص تشترين لكم تشكيلة من فواكهم الاستوائية ...(نصيييييحة اخذو فندق ع البحر)وروحي تمشي مع النوري في مجمع قارني مطاعمة الخارجية ونيسة خصوصا اذا جات زخات مطر.....سفرة سعيدة
مراحب أم نورة
تقدرين تروحين من كوالا بالسيارة لبينـانج احنا اخذنا السيارة من الفندق
وكانت مناظر فضيعه ما حسينا بالطريق وما بين المدينتين نزلنا في حديقة
من هذي الحديقة رحنا لجزيرة صغيرة فيها قرود
بس لم رجعنا لكوالا رجعنا بالطيارة وصراحة أنا ارتحت في بينانج اكثر من كوالا
اتمنى اني افدتج
تسلموووووووووووون على مساعدتكم ريحتوني
أسفه على التأخير
بس هل المكان آمن والفنادق ممتازه ؟
وإذا عندكم صور ممكن تنزلونها لي ولا تنسووووووووون الاسعار ؟
جزيرة بيننع من اجمل الاماكن اللي زرتها
هدوووء وطبيعة وجو وكل شي
ساعتين من كوالالمبور بالطيارة
في فندق هناك اسمه مونتيارا حلووو وااايد اهم شي
تاخذون في الادوار العليا
نتمنى لكم سفرة موفقة
هلا اخوي بس أنا ما ابي اروح عن طريق جو ابي بر ؟
رحله سعيدة مقدما يا ام نورهالمشاركة الأصلية كتبت بواسطة أم نوره
مثل ما اسبقوني الى قبلى " روحي با لسيارة الصراحة انا ماجربت السيارة رحت با الطياره بس السنه ناويه با السياره حسب ما قريت من الأخوان المجربين الرحله ممتعه
اما الفنادق تقدرين تدخلين موقع " دليل ماليزيا " وايد بتستفيدين انا حاجزه عن طريقهم
عموما الجزيره وايد حلوه وهاديه و سكانها يختلفون وايد عن سكان العاصمه تحسينهم بدائين بعض الشى !
ما انصحك بفندق هوليدي ان " موقعه اخر الدنيا ممل الطريق له ..
الله يوفقك يا الغاليه
اللهم ارحم والدتي وعافها واعف عنها ونقها من الذنوب والخطايا كما ينقى الثوب الأبيض من الدنس
وارزقها الفردوس الأعلى وأعذها من عذاب القبر وعذاب النار
ضوابط المشاركة
رد مع اقتباس