اقتباس المشاركة الأصلية كتبت بواسطة لمت داون111
اخووي اندكس سامحنا يالغالي وياهلا ومرحبا فيك في قطر يالغالي .. وصدقني بنساعدك بألي نقدر عليه ان شاء الله

والسبب انه محد رد عليك هالقسم مايدخلونه الشباب وايد .. الا ألي له حاجه فيه ويطلع .. وقسم توه جديد وفي بدايته .. عشان جذي مب ماخذ حقه بالردود الكافيه .. وانطر عليه شوي وبتزهق من وجوه ربعنا اهنيه

الحين يالغالي قوولي .. تبي شقق فندقيه ولا فندق ؟ انتو كم شخص ؟ وعائله او شباب ؟ وكم يوم ناويين تقعدون ؟ وكم الميزانيه الي ممكن تدفعها للسكن ؟ وتبي مكان فخم شوي .. او مكان بسيط ونظيف للنوم فقط .. لانه هذي طريقه اغلب ربعنا لما يسافرون يدورون اي مكان للنوم ورخيص .. عشان خسايرهم ماتكون علي الفندق .. والخساير تكون علي الطلعات والوناسه

حدد لنا يالغالي .. والحين اسمحلي اخووك لمت داون وراه دوام للأسف .. وبطلع ارقد .. وبكره بعطيك المكان الي يطيب خاطرك مع الارقام والوصف بالضبط ان شاء الله

وعلي فكره لو تبي مساعده اشمل خبرنا .. من ناحيه الليموزين او اجار السيارات او الاماكن الترفيهيه والمجمعات .. وان شاء الله مابنقصر عليك ولا باقي الاخوان بيقصرون ..

وطولنا عليك وايد .. تصبح علي خير .. لك اجمل تحيه يالغالي ..