السلام عليكم
باقول لكم تجربتي معاهم " مع الشركه نفسها و المضيفات بعد
السنه الى طافت رحت على الأمارتيه و خليت بنت بلادي لقطريه يزعم ابي الكشخه و الرزه . المهم رحلتنا كانت دبي - ماليزيا _ تايلند _ دبي ومنها رجعين للغاليه قطر.
الىصار كنا على السياحيه لان مالقينا على البزنس حجز الىصار خدمه المضيفات اكثر من زفته " اعزكم الله ولدي من التعب قام يرجع " يستفرغ " تدرون شصار جابت لى مجوعة فوط وقالت نظفي مكانكم وعطتنا لحاف الى في الطياره و قالت قعدو عليه لين توصلون ماليزيا و تخيلو الحاله
وحنا في ماليزيا صممت اغير الدرجه و مني مناك لين لقينا حجز عوده على البزنس و دفعونا مبلغ وقدره على كل تذكره " يالله نبي الراحه و بدفع
لكن اى راحه في نهاية الرحله طلعنا من الفدق كاشخين مرتزين في سياره خاصه بسواقها مأجرينها من الفندق وصلنا المطار تفاجئنا عقب ما دخلنا اشناطنا ان الرحله بتأجل من اليوم الساعة 8 ليلا الى بكره الساعة 10 الصبح !!!! وش الحل لا تخافون الشركه بتوديكم فندق على حسابها ركبونا مثل الله يعزكم الدبش في النقل الجماعي طلعنا من المطار الساعة 11 مع سواق مايعرف كوعه من بوعه لففنا في خرابات تايلند لين الساعة 2و نص صباحاً يدور الفندق ؟؟؟؟ والله ماقص عليكم .. المهم جينا عند الفندق حدث ولا عرج .. اقصد حرج و الله خرابه يمكن الفندق الى في السوق جمب سوق الديره مليون نجمه عنده ... تخيلو الرسبشن " الأستقبال في الهو و الله لبريعصيه تمشى من تحت ريولنا ومن فوقنا ضببه مش بريعصيه
و الغرف اثاث الحراج احسن منه والى زاد الطين بله انه يقولون لنا كل ست اشخاص في غرفه " يعني خلط بلط " المهم زوجي وكل الخليجين الى معانا اكثرهم ايمارتين مارضو " وقالولنا احنا مالنا خص الشركه هي الى جابتكم هني ... تلتهنا .. غير البهدله اليوم الثاني جلسنا من النوم و تفاجئنا ان العالم ركبو الباصات من غير ما يتصلون يخبرونا .. وفي المطار حاطين عباس على دباس مافي اعتبار للدرجات كله محصل بعضه .. يعني بهدله معتبره
ادري طولت بس من الحره .. وبعدها حلف ريلى لا سفرالا على القطريه .. و ها السنه الحدلله الله وفقنا ولقينا عليها حجز على البزنس تعرفون مافي فرست كلاس على الرحلات الماليزيه والله يستر لا تفشلنا .. لرجعت من السفر بقول لكم وش يصير
بايييييييييييييييييييي و سامحونا على التطويل فشيت خلى على قولة لليان
|
رد مع اقتباس
المشاركة الأصلية كتبت بواسطة الراقية
لمن تردون بالسلامه ان شاء الله
