كل واحد يكتب لنا موقف تعرض له في القطرية وحز في خاطره ، سواء موقف بسيط او موقف كبير ..
كل واحد يكتب لنا موقف تعرض له في القطرية وحز في خاطره ، سواء موقف بسيط او موقف كبير ..
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
الشهر اللي طاف كنت في تايلند
دفعوني 2500 ريال حسبي الله عليهم
والسبب اني غيرت الحجز ( تاريخ الرحلة )
وقررت اني خلاص ما اسافر عليها كلش
عندي اميال كثيرة باخذ فيهم تذاكر مجانية .. وبتكون هذي آخر السفرات عليها
تصدق وانا راجع من بانكوك .. عندي شنطة اليد .. قالوا لي حطها في الميزان
طلع وزنها 8 كيلو .. قالوا ممنوع .. ما تشيلها وياك .. قلت لهم ليش قالوا اكثر شي مسموح فيه 7 كيلو
قلت اوكي .. شلت اللاب توب من الشنطة وحطيتي في يدي الثانية وقلت لهم اوزنوا الحين
طلع الوزن 7 كيلو .. قالوا الحين اوكي
خلصت من الكاونتر وخذت البوردنغ ورجعت اللاب توب في الشنطة ..!!!
صج اغبياااااء
الشغلة الثانية .. انا دايما لما احجز .. اختار الكرسي ومكانه بالضبط مع حجزي للتذكرة ..
وانا راجع من بانكوك حطوني على الممر قلت لهم انا حاجز الكرسي اللي احذا الدريشة
قالوا محجوز .. وحدة تايلندية خايسة .. تهاوشت وياها وتلاغيت وياها
لأن اسلوبها كان خايس
يابت لي الشرطة .. وزين الله ستر
الظاهر بسوي توقيع ( لا للخطوط الجوية القطرية )
حاجز فيرست كلاس بعد عناء مالقيت حجوزات
كل ماتتصل ايقولك فل مافي مافي
ويوم لقيت اخير رحتتتتتتتتتتتتت
واستلمت التذاكر على طووووووول
الطياره كانت 1:45 دقيقه ظهرا
وهم من 8 الصبح تلفونااااااااااااااااات
تبي كراسيك ولا نكنسل الحجز
شنو اتكنسلون لعبه
دافع وماخذ تذاكر
وتو الناس على الطياره
كل ربع ساعه يتصلون بتجي
اي بجي وبعدين
لين صارت الصكه معاهم وهونوا عن الاتصال
المفاااااااااااااااجـــــــــــ(ـع)ـــــــــــه
يوم ركبنا الطياره الا هي فااااااااااااااااضيه
مافيها الا احنا في الفيرست وفي كراسي فاضيه
والبزنس فااااااااضيه ولا حد
والسياحيه فيها شغالات البيت
وعايله صغيره فقط
ليش هالاتصالات والكذب مااادري
[/CENTER]
اللهم أغفر لعمر الجابر اللهم ثبته عند السؤال اللهم اغسله بالماء والثلج والبرد ياأرحم الراحمين..
عظم الله اجرنا في اخونا ومشرفنا أبوالبورصة
اللهم اغفر لي ذنوبي اني كنت من الظالمين..
اللهم ارزقني خيرا ... وبارك لي فيه برحمتك ياارحم الراحمين
ربي إذا قبضت روحي فاقبضها وأنت عني راضي وإذا أرسلتني فأعني علي خدمة دينك
الواحد ما يدري من وين يبتدي و متى ينتهي..
انا ماقول غير الشكوى لغير الله مذله..
حسبي الله عليهم و على تعاملهم ال...........!!
انا ما عندي مشكله أدفع لكن عالاقل احصل خدمه مثل الناس..
عموما انا لغيت تعاملي معاهم من زمان و حاليا اسافر على اي خطوط ثانيه حتى لو ترانزيت و اشتري راحتي بلا قطريه بلا حرق اعصاب.
الله ايعينكم
بس القطريه معروفه تنفع الاجانب اكثر من القطرين
حتى اسعار التذاكر من برى قطر تخذها ارخص
انا مره كنت بسافر الاردن قلولي التذكره 1800
وطلعت من الامارات 1050
رحت معا اخوي الامارات كان عنده شغل وطرت على القطريه
من الامارات قطر الادن قطر وعقب راحت الامارات وانا نزلت في قطر
والله يا جماعة فتحتوا علينا باب ,,ما يهون علينا نتكلم على ناقلنا الوطني بس من حر ما فينا انا اللي مدوخني ان اسعار القطرية صايرة كنها البورصة يوم طالعة ويوم نازلة حجزت فينا اول خمسة والسفر انشالله بثمانية قالولي سعر التذكرة3020 بعدها باسبوعين اتصلت كان يقولون مستحيل احنا ما عطيناك هالسعر المهم سعرها 3820 يمكن الموظفه وهي تقولي بلعت 800 والحين امس اتصلت صار سعرها3260 وبعديييييييين يا جماعة من رفيجنا اخاف اعزم واشتري التذاكر وتنزل ,,,,,,,,ايش شوركم
الشكوى لغير الله مذله..
شركه داقه وماشيه على البركه الكل ينهب ...
وما في ادنى احترام لكبار السن لا في الباص الحتر ولا في اولويه الدخول للطياره والخدمات تعبانه مره ....بس شنقول حسبنا الله ونعم الوكيل
استغفر الله الذي لا اله الا هو الحي القيوم وأتوب اليه
شباب
اللي يعرف أردو يكتب شكواه بالاردو
علشان يردون علينا ويهتمون بالشكاوي هم الحين يعتقدونا نمدح فيهم
تذكرة دوحه بانكوك دوحه درجه بزنس بـ 6000 ريال
تذكرة دمام دوحه بانكوك دوحه دمام بـ 4000 ريال
لاحد يقول مباشر وغير مباشر ليش الفرق في الاسعار والطيران واحد ؟
اذكر مره ردوا قالوا ان من اسباب اختلاف الاسعار داخل وخارج قطر هو التنافس الي يلاقونه خارج قطر يعني الجماعه حاطينا بالمخبى وان مالنا بد من السفر على خطوطهم
لانها الناقل الوطني لدولة قطر ، ولازم تقدم خدماتها بتميز لأبناء البلد المعطاء .. ولازم تعمل لهم زياده 40% وتميزهم عن دول الجوار ودول العالم .. مب خطوط بلادنا ؟؟؟المشاركة الأصلية كتبت بواسطة al_lord
لاحول لله ولاقوة إلا بالله
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته