ماليييززززييييا

[شيزكيك]

السلام عليكم

ممكن يا اخواني واخواتي تقولون لي افضل فنادق مالييزيا وافضل اماكنها السياحيه وافضل

مجمعاتها التجاريه وهل عندهم نظام الtaxfree وشكرا مقدما

[شيزكيك]

[ملكة البورصة]

في وايد فنادق بس يعتمد انتوا عائلة كبيرة وهل تحبون فنادق كلها خليجيين . الماريوت حلو ووسط شارع العرب بس مانصح فيه دوم فيه بوقات لان بالماريوت مجمع كلة ماركات واذكر يوم كنا هناك كل اسبوع عمليه سطو وبوق فالمجمع.. انصح بفندق التايم سكوير قريب من شارع العرب بس بينهم شارع رئيسي.. عباره عن فندق وشقق ومول 10 طوابق ومدينه ملاهي للكبار ومدينه ملاهي منفصلة للصغار جد روعه... واذ تبون ارخص شوي في فندق بان باسيفك قريب المناره وقريب الشنقريلا مايسكنونه عرب واجد وبينه وبين شارع العرب مشي 5 او 10 دقايق.. ماليزيا حلوه وامان ووايد فيها اماكن وشارع العرب فيه حول 4 او 5 مولات جنب بعض وبينهم كوفي شوبات...

المناره ايضا حلوه فيها فوق مطعم يدور احلى شيي تروحون المناره العصر او قبل لا تظلم الدنيا واذ ظلمت تلاوحون فوق المطعم الدوار شي روعه تشوفون المدين وانوارها ...

روحوا التون تاور برجين طوال وتحتهم مجمع كبير اسمه كي ال سي سي سوريا موول كبير بعد...


في ايضا مجمع اسمه الماينز.. فيه بحيرة تركب المركب من داخل المول ويطلع فيك المركب من خارج المول وينزل باللفت ويظهرك برع شي حلو اذ رحتوا فينا مغاره هتلر نفس النظام تقريبا.. وتطلع بالمركب وتلف بالبحيره ويوقف المركب عن الملاهي واذ حاب تنزل الملاهي حلوه واذا حاب ترجع المول بيرجعك في وايد قوارب هناك بس اهم شي التذكرة تكون معاكم...


عندهم منطقه جبلية بارده اسمها جنتنغ.. تقريبا ساعه ونص من كولالمبور فيها فندقين ومدينه ملاهي داخليه مسكره ومدينه ملاهي كبيره خارجية والجو باااارد فيها.. تبون روحوا وارجعوا فنفس اليوم او اسكنوا فالنفدق ليله حلو المكان.. وفي مدينه ملاهي مائية صن واي لاقون وفيها مجمع كبير اسمه صن واي بيرمد على شكر الاهرامات وايضا فندق اذ فلوسكم زايده اسكنوا فيه روعه يومين او روحوا حق المجمع بس ومسافته تقريا نص ساعه ...

وبعد لاتنسون تروحون افاموزا بس مانصح تسكنون فيها ظلام وبعيده واصوات تخرع بالليل بس روحوا شوفوا الاستعراضات والاحتفالات فيها..

وبعد لا تنسوون تروحون محبوبتي بيننغ.. روحوا بالطياره مو غاليه التذكرة اظن 200 ريال.. او بالباص او السياره بس تعب 4 ساعات اظن ... جزيرة حلوه نفس قولد كوست بس مصغرة ساحل ويمتد به فنادق.. بس مانصح باكثر من 5 ايام يومين فيها لاتنسون تروحون القطار الجبلي شي فظيعععع... وحديقه الحيوان والطيور حلوه .. ويومين تروحون تشوفون لانكاوي وتزورون عالم ما تحت الماء شي روعه ومرتب... جزيرة ثانيه وجزيرة بوكت..

ماليزيا حلوه وامان وعائلية وايد.. والحلو ان نظام اسواقهم نفسنا 10 تسكر المولات وفالويكند اتم لحد 12..
واذ في شي نسيته اسمحوا لنا عالقصور...

[الهااشمي]

معلومات حلوه

[شيزكيك]

اشكرك عزيزتي وايد وايد

معلوماتك رائعة واكيد اذا الله كتب ورحت باخذ بكلامك . جزاك الله كل خير

[al_lord]

اختي فيه موضوع لاخوي بو صالح عن رحلته لماليزيا صراحه مميز ويستاهل تشوفينه

[شيزكيك]

شكرا لك اخوي اللورد وبعد شكرا اخونا بوصالح والله يعطيكم العافيه كلكم يا منتسبي

منتدى الاسهم القطريه

[مستثمر من البحرين]

الف شكــــــــــــــــــــــــــــــــــــــــــــــــ ـر

[ANONYMOUS]

ماقصرت ملكة البورصه..

ابد مول.. ماخلت شي..



نسيتي الـ تشاينا تاون.. chaina town


وجزيرة بوكيت في تايلاند