المشاركة الأصلية كتبت بواسطة ROSE
تعالي بحاجيج هذا قبل مب الحين خلاص السنة باوديج معاي وين جوازج خل يدخلونه السفارةه
حسبي الله على هالاعصاب اللي عندج من وين جايبتها فلفل فلفل من الصبح
غصيت من الخرعة
المشاركة الأصلية كتبت بواسطة ROSE
تعالي بحاجيج هذا قبل مب الحين خلاص السنة باوديج معاي وين جوازج خل يدخلونه السفارةه
حسبي الله على هالاعصاب اللي عندج من وين جايبتها فلفل فلفل من الصبح
غصيت من الخرعة
السلام عليكم
مشكوره أختي على المعلومات القيمه اللي تقدمينها للأعضاء والله يعطيك العافيه
أختي أنا عرسي انشاء الله في نص شهر عشره .. وقررت أروح ميونخ و فيينا
ياريت تنصحيني ببعض الأماكان اللي أروح فيها وخاصه أن السفره لشهر العسل
مع العلم بأني سافرت ميونخ العام وكانت ذيك الفتره بطولة كأس العالم
وزرت بعض الأماكن مثل المارين بلاتز و شارع الماكس ميليان و الحديقة الأولمبية و المتحف الالماني و الانجليش جاردن وكنت ساكن في فندق 4 نجوم مقابل ( محطة الهابن هوف ) لأن السكن ما كان متوفر خلال فترة كاس العالم وهو فندق ( Eden Wolf Hotel )
مع العلم بأن فتره السفر 20 يوم ما بين ميونخ وفيينا ( أو المناطق اللي حولها )
شاكر لك مقدماً وآآآآآسف على ازعاجك ...
المشاركة الأصلية كتبت بواسطة SiemenS
يا هلا بك وبمرورك
واولا : الف مبروك مقدما ...ولاتنسون تعزموني على العرس
ثانيا : قد يكون شهر 10 برد شوي يعني حطو في بالكم تاخذون شي شتوي شوي
ثالثا : وهو الاهم الرحلة
اقترح تاخذونها بهذا الشكل
دوحة - فينا- ميونخ-دوحة
ليش
اولا عشان يكون خط السير خط واحد وعشان تكون محطتكم في التسوق الاخيرة بميونخ لان سوقها التجاري رائع وماركاتها اكثر من فينا وبعدين الضريبة اسهل وافضل ( tax free) قيمة الضرائب اللي ترجع لكم
لان في فينا تبداء من 75 يورو يعني من شروطهم لازم يكون الشراء من المحل نفسة ب 75 يورو وفي نفس اليوم والضريبة تروح تختمها بمركز مدري وين في مجمع بعد ما اذكر اسمة يعني تلوع جبدك وتكره الضريبة اللي بتاخذها عكس ميونخ تبداء في الحصول على ضريبتك من 25 يورو وممكن تجمعها من خلال كذا يوم مشترى
عموما نرجع لبرنامجنا السياحي وشهر العسل يحتاج تمشي وقعدات رومانسية اكثر من التسوق ولكن عشان تجيبون لي هدية فهمتوا
المهم نبداء خط السير ( 20 يوم )
(5ايام بفينا حلو وايد ....ومنها زيارة مايلي )
1- قصر الشونبرون وهو قصر تاريخي كبير يعتبر رمز فيينا وقد كان ارث لعائلة هابسبورغ الحاكمة عبارة عن حديقة تستحق الزيارة .
2- برج الدانوب والحديقه التابعه له ويوجد في البرج مطعم .
3- زيارة منطقة Kahlenberg وهي منطقة جبلية مرتفعه تطل على فيينا وفيها مقاهي وكشكات مختلفة ومحلا ت ايس كريم ومحلات مأكولات خفيفة – سناكس - ويمكنك رؤية برج الدانوب عن بعد .
4- نهر الدانوب ويوجد على ضفتيه مطاعم وكافيهات وموصول بجسر متحرج في نصفة محل للايسكريم يفضل جلسة العصر وهناك يمكنك التجول على ضفاف الدانوب حيث المقاهي بعض المطاعم الصغيرة واستئجار قارب وكذلك الذهاب في رحلة نهرية جماعية .
5-شارع ماريا هلفر وهو من اشهر شوارع فيينا ويعج بالسياح من كل مكان وتتواجد عليه بعض المحلات والمطاعم .
6-ساحة ستيفنز وهي من اشهر الساحات في اوروبا بعد ساحة المارين بلاتز في ميونيخ واكتسبت تسميته نسبة الى كاثدرائية سانت ستيفنز التي يقصدها الكثير من سياح اوروبا واصبحت لديهم معلما من معالم فيينا ، وساحة ستيفنز ساحة كبيرة تتفرع منها شوارع مليئة بالسياح ومحلات الملابس والمقاهي وتوجد في قلب فيينا وتتواجد فيها الاستعراضات والمهرجين والعازفين ويمكنك تأجير الحناطير الراقية جدا يعني بتعيش الدور .
7-ملاهي براتر وتكون اجمل حين زيارتها ليلاً .
8-القيام بجولات سياحية عبر الشركات السياحية وذلك عن طريق اخذ نشراتهم لدى موظف الاستقبال واختيار الرحلة وحجزها من موظف الاستقبال ومن الرحلات غابات فيينا Vienna Woods- مغارة هتلر (سي قروتي) .
ومن ثم 3 ايام في السالزبورج
تبعد سالزبورغ عن فيينا 3ساعات و 7 دقائق تقريباً بالقطار - وتبعد عن زيلامسي 100 كلم ( ساعة بالسيارة أو ساعة و 45 دقيقة بالقطار )
الاماكن السياحية في سالزبورغ هي
1. المدينة القديمة - محلات تحف وهدايا ومقاهي واسواق ومطاعم
2. قلعة سالزبورغ التي تقع على صخره "في الاعلي مقاهي"
3. نهر السالزاك
4. حديقة الميرابل
5. قصر وحديقة موزارت .
6. زياره حديقه وقصر هلبرون "العاب فنتازيا مائيه "
7. زياره حديقه الحيوان بالقرب من قصر هلبرون
خارج سالزبورغ ( رحلات تستطيع القيام بها اما عن طريق اخذ الذهاب بالباص او بالاشتراك في رحلات سياحية لاحد الشركات المنتشرة مثل بانوراما وغيرها ... ومن بين تلك الاماكن والمزارات السياحية في سالزبورج مايلي :
المغارة الثلجية، زياره كهف الجليد بالقرب من قرية WERFEN ، زياره منجم الملح ، زياره قلعه هتلر .
زياره قريه ولف قانق
زياره بحيرة موندسي MONDSEE وتعني التسمية ( بحيرة القمر ) حيث كلمة MOND الألمانية تعني قمر ، وكلمة SEE تعني بحيرة لان رؤية البحيرة من الاعلى على شكل هلال
زياره قرية سانت جيلجين ST GILGEN
زياره قرية " فوشل آم سي " FUSCHL AM SEE
4 ايام زلمسي
وتبعد ساعة و45 دقيقة بالقطار عن سالزبورج
وهنا عاد خذ راحتك منطقة هادئة ورومانسية وبتعيش الدور من قلب
1-الذهاب الى بحيرة زيلامسي والتجول فيها بالقارب الكهربائي وتوجد العديد من الألعاب المائية مثل القوارب الكهربائية .
2-سالفيلدين : قرية مجاورة للنمسا تبعد 10 دقائق بالباص وفيها (الزحليقة الصيفية )
3-الذهاب للسنتر وهي منطقة قريبة من معظم الفنادق وبها كل شىء مطاعم وكافيهات وسوبرماركت وماكدونالدز
4-التوجه الى شلالات كريمل
5-منطقة كابرون حيث القمة الثلجية وتجد محلات لتأجير أدوات التزلج ومطعم ذو طلة رائعة على الجبال الثلجية قرية الالعاب الثلجية .
6- زيارة جبل Grossglockner اعلى قمة بالنمسا 3798 متر
باقي الايام قسمها ما بين ميونخ وكولون وديسلدورف
وميونخ تقدر ترجع للمعلومات اللي ذكرتها سابقاً
ومبروك مقدما واتمنى لكم شهر عسل ممتع لا يتنسى ابد الدهر
التعديل الأخير تم بواسطة الراقية ; 02-06-2007 الساعة 12:44 PM
الله يجزيك الخير على مجهودك المثمر والكبير صج ريحتينا
يا هلا بك يا سمسم واللي يبارك لي في اعضاء مثلكم يدفعوني للامامالمشاركة الأصلية كتبت بواسطة simsim1963
وانا في الشوفة تدلل
حتى لو ما عندي علم عن شي تسئلون عنه راح ادوره واطلعه لكم من تحت الارض
المشاركة الأصلية كتبت بواسطة الراقية
الصراحة .. يعجز اللسان وتتوقف العبارات
عن شكرج وعن الجهد الجبار اللي بذلتيه في الرد علي وعلى الأعضاء الكرام
وبخصوص فندق (كمبينسكي) اللي سكنته في شارع الماركات(ماكسيمليان) مب اللي عند المطار
الشي الحلو انه عندي صور ( كثيييييرة + فيديو )
عن ميونخ + فيينا + زيلامسي والمناطق اللي حواليها + جنيف + شامونييه + آنسي + ميلانو + (معشوقتي) باريس
لكن المؤسف اني ماعرف انزل الصور
ودي اسوي موضوع خاص بهالرحلة .. لكن للأسف شوفة عينج
وفعلآ الزحليقة اللي في زيلامسي رووووعة
في النهاية .. أكرر شكري لج وعساج عالقوة يارب
التعديل الأخير تم بواسطة بدوي ; 02-06-2007 الساعة 03:33 PM
تدري وش اللي .. يجرح القلب / لـ سنين ؟
اللحظة اللي .. )( انتهى ! )( الحب / فيها
وتدري وش اللي .. مانسيته الى الحين ؟
)( طعنة يدينكـ )( .. حسبي الله / عليها
يا هلا بك يا بدوي واخ وعزيز وغالي وتمونالمشاركة الأصلية كتبت بواسطة بدوي
بالنسبة لتنزيل الصور
اول لابد من دخول اودوبي فوتو شوب لتصغير حجم الصور ثم تنزيل الصور من احد مواقع التنزيل
واعتقد اخواني واخواتي في قسم الكمبيوتر راح يفيدونك افادة عظيمة
شد حيلك
لاني ابغي اشوف كل المناطق اللي قلتها
وخاصة اللي زرتها مثل انسي وشامونية وغيرها
المشاركة الأصلية كتبت بواسطة الراقية
تسلم يدك أختي على هالمعلومات القيمة
وانشاء الله تكونين من أول الحضور بالعرس
واقترح عليك .. ليش ما نسوي موسوعة تختص بالسفر الى ميونخ
أنا ممكن أساعدك وأنزل بعض الصور اللي عندي وأبحث عن بعض الصور على الانترنت
وممكن أنزل مخطط الاندرقراوند وبعض المطاعم العربيه في ميونخ وبعض المساجد ...
بس أختي فيه سؤال أخير :
أنا دايماً أسافر لندن و مانشستر وتكون الطياره جديده والخدمه فيها ممتازه ..
لكن المره الوحيده اللي سافرت فيها ميونخ كانت الطياره جداً تعيسه ؟؟ مع العلم بأني كنت رايح درجه أولى والطياره كراسيها قديمه ومتهالكة و ما فيها تلفزيون في كل مقعد حتى في كبينة الدرجه الأولى ...
يعني وسائل الترفيه في الطياره ( صفر ) Zero
فهل تنصحيني أروح على خطوط سفر ثانيه ؟؟ أو لك رأي ثاني
وشاكر لك مره ثانيه على التعاون
يعطيك العافيه الراقيه على المعلومات القيمه والشامله
السلام عليكم...
الله يعطيج العافيه على مجهودج المميز واللي يستحق الإشااااااده
عندي أسئلة لوتكرمتي بالرد عليها .... وسامحينا إذا بنتعبج
** هل فندق Mercure Hotel Muenchen City هو نفسه الهلتون سيتي اللي ذكرتيه وإلا غير؟؟
** في ميونخ لو أخترنا بين فندق الهلتون ولامريديان أيش الأفضل من ناحية الفخامه و القرب من السوق؟؟
** مسافرين 25 يوم بين فيينا وميونخ ... كم يوم تستاهل ميونخ؟؟
** بغيت تعطيني فكرة عن قارمش لو تفضلتي؟؟
** أيش الفندق اللي تنصحيني بالسكن فيه في زلمسيه وسالزبورج؟؟
** أيش أسهل لي أسكن في ميونخ وأطلع على بون وكولون ودوزلدورف في رحلات قصيره من الصبح لين فليل
((علما بأن لدينا أطفال دون السنتين))<< خبرج الازعااااج مشاالله.. ويكون السكن في ميونخ
أو أسكن في بون مثلا وأطلع على كولون ودوزلدورف...؟؟
** كم تستغرق الرحله بين ميونخ وبون / وميونخ ودوسلدورف بالسياره؟؟
**بغيت اسم فندق في فيينا يكون قريب من شارع المشاه ... وأنا أفكر في الهلتون أو الماريوت..
أنا سكنت في هلتون الدانوب بس كان بعيد وكنا مأجرين سيارة؟؟
**إذا عندج فكرة عن مكاتب تأجير سيارت في فيينا أو ميونخ تكون مضمونه؟؟
أدري ثقلت عليج ..... الله يعطيج العافيه وماقصرتي