انا كان عندي مكتب في سوق واقف
في سوق المانع بالأصح أدري محد سمع عنه
كلها مكاتب صغيره
و خذته بخلو حوالي 10.000 ريال
لأن إيجاره 800 ريال
جهزت المحل بحوالي 15.000 من
مكاتب و مكيفات و كمبيوترات و تراخيص
و بعد حوالي 8 أشهور جاني أخطار أفضي المكتب
و توني أقول بسم الله و أرتب شغلي
يجيني إخطار و بإسلوب إستفزازي
أشبه بالتهديد
رحت أدور مكتب ثاني
و قفلت المكتب الحالي بصنقل
شغل نحاس
و حولت شغلي كله للبيت
و الموظفين متسكعين بين البيت و الشغل
تميت ادور مكتب ايجاره يكون معقول
مااااااااااااحصلت
توكلت على الله
و خذت مكتب ايجاره 4000 ريال
و خلو 35.000
-
-
جهزت المكتب الجديد
و كلفني أكثر من 20.000
-
-
و المكتب القديم اتصلوا
فيني المسؤولين في المكتب الهندسي
و هددوا مرة أخرى
و قلت له بالكلمة لو كسرتوا الباب
راح اشتكي عليكم
تموا وراي شهرين و انا كل ما أسمع
المكتب الهندسي اصكر التلفون في وجهه
-
-
و سمعت من ناس في السوق
انهم صج خذوا محلات بالقوة
فقلت في بالي روح خذ التعويض احسن لك
-
-
رحت لهم و للأسف سلمتمهم المفتاح
و عطوني ورقة أتابع فيها نزع الملكية
و قالولي الكهرباء راح نقطعها و أستلم التأمين في أي وقت
قلت له ابي محل قال لي قدم طلب
و بكل استخفاف يقول انتوا التجار ما منكم خوف
(تركته عرفت انه مريض)
-
-
عطوني تعويض بس بعد
ما سفرت الموظفين
و التعويض ما يغطي المصاريف
-
-
و من اسبوعين مريت السوق
و حصلته مثل ماهو فاضي
و مكتبي تحول لمحل عبايات
-
-
رحت أجيك على الكهربا
و لا أكتشف انهم ما أقطعوا الكهربا
و الأخ البنجالي بالعبايات مستانس ان الكهربا بلاش
-
-
رحت قطعت الكهربا
-
-
و انتهت قصتي معاهم
-
-
و القصد هنا أن الأسلوب
أسلوب استفزازي و ان المكتب الهنسي
تابع للديوان و مالك حق انك تتكلم
-
-
و روح اللحين سوق واقف
صار سوق سياحي و أسعاره
نفس أسعار سوق العلي و محلات المستلزمات
الرجالية و النسائية في أي سوق
-
-
كلها صارت قراقير مترين في متر
-
-
سوق وناسه و تمشي
مش سوق تشري
-
-
و السبب تخبط المسؤولين في المكتب الهندسي
هم مش عارفين إيش يبون
-
-
و الدليل على ذلك في سوق الأحمد
مره قالوا بيهدمونه و مره قالوا بيغيرونه
و مره قالوا بيخلونه مواقف
و اللحين بإسلوب القوة
صكروا عليهم الكهربا
-
-
و المفروض
ان يعوض التجار قبل التهديد
و التجار لا يريدون التعويض المالي
بل يريدون ان يبقوا في سوق
قاموا بإنشائه منذ بداية الأسواق
نتكلم هنا عن محلات لها اكثر من 20 و 30 سنه
-
-
و هذه ليست شكوى
لأن الشكوى لغير الله مذله
بل هو لمعرفة الحقيقه
-
-
و الحقيقه ان الطريقه المفروضه
شبيه بطريقة الإحتلال
و لما تكلمهم بهذا الموضوع
يقولون نعم بنفس قوانين دول اخرى مجاورة
-
-
تدري ما أقول إلا
حسبي الله هو نعم الوكيل
-
-