السلام عليكم ورحمه الله وبركاته
ودي احد يساعدني بوضع خطه للسفر لماليزيا ...
العدد 2 كبار ...و3 اطفال اعمارهم 10 - 7 - 2
المده اسبوعين ....
ابي اعرف افضل طيران ...( وايد ناس ذموا القطريه الي تروح لماليزيا )
وافضل وقت للرحله ...الظهر ولا في الليل
وين نسكن في البدايه في كوالامبور ..ولا كوالامبور سلانجور
اتمنى تساعدووووني ياخبراء ماليزيا
وعليكم السلام ورحمة الله وبركاته
كوالالمبور -بينانج - كوالالمبور
وانتي قسمي الايام على كيفج هي نفس خطتي لم سافرت ماليزيا
وبينانج اعجبتني وايد وما انصحج تروحين لنكاوي
لانه معاج اطفال بيكون تعب عليكم وما تصلح لهم احس
لذلك انصحج بهذا الجدول وانتي وراحتج
اتمنى اني افدتج أختي
تسلمين ياعمري ماقصرتي ...
قريت وايد عن لنكاوي واحسها مثل ما قلتي ماتناسب اليهال الصغار
بس عندي سؤال ... من كوالامبور العاصمه لــ بينانق بالسياره او الطياره ؟؟؟
هلا اختي ..
احسن جدول ..
احجزي على القطريه دايركت ! (( حتى لو سيئه كما قالوا لك .. لكن أريح لك انتي وزوجك وعيالك الي بيتبهدلون بالترانزيت وتأخير الطيرات ! )) ..
احسن جدول ..
كوالالمبور , ثم بينينغ (( واذا كنسلتيها احسن ! بس البضايع فيها رخيصه لأنها اقرب للصين )) , ثم لنكاوي (( وهذي احلى جزيره وطولوا فيها قد ماتقدرون من الرحله لأنها راحه نفسيه وجو رومنسي ! - خاصه للي يبي يجدد زواجه- )) , ثم جنتيك هايلند وهذي فوق الجبل تمي فيها كم يوم ( بصراحه منظر حلو بس بتزهقون لان مافيها شئ زود ! ) , ثم الرجوع الى كوالالمبور وهنا يصيرلك الوقت علشان تتسوقين قد ماتقدرين قبل الرجوع للوطن .
هذا احسن جدول بالنسبه لي .. والي عنده أحسن ياريت يفيدك .
تحياتي .
الله أكبر .. الله أكبر
قال تعالى : (( وما النصر الا من عند الله العزيز الحكيم )) صدق الله العلي العظيم ..
إلى اللقاء .. وإن شاء الله المنتدى والأعضاء في تقدم مستمر ..
وتعود دوره الحياه ..
مع تحياتي المخلب ..
والله يالغالية احنا رحنا بالسيارة وكانت المناظر تهبل
وقفنا بمكان عشان نروح لجزيرة القرود هذي المكان ما بين كوالا وبينانج
ما تخذون في المكان اكثر من نص ساعة وبعدين ترجعون تكملون الطريق اللي بينانج
وكنا قاصدين نروح بالسيارة عشان نشوف المناظر الطبيعية
ولم رجنا لكوالا رجعنا بالطيارة واذا تبين اي شيء ثاني ما يردج الا كيبوردج
" على قولة القايل ولد بطني يعرف رطني "المشاركة الأصلية كتبت بواسطة مــــلاك
انا جربت الأمارتية و الله تندمت و هلى على القطريه وايد رتاحوا ، و السنه معزمه على القطريه .
و اقولك روحي على رحلة الليل علشان اليهال ينامون و ما يحسون با لوقت لأن الأنتظار ممل الرحلة تقريبا 6 ساعات
رحله سعيدة مقدماً و بتوصلون على الفجريه او اول الصبح . بتلاقون مندوبين متواجدين في المطار لحجز السيارات و لا تحاتون يعرفون عربي و انجليزي
بيعطونكم فورمهتملونها كل الأمور سهاله انشالله
وزعي الرحله على التالي :
اذا بتحوسون انا بعطيك اقتراح من خبره بسيطه و حواسه .
اول الوصول خلى الأستراحه في فندق " الخيول الذهبيه لمدة 4 ايام و3 ليالى " فيه متعه و استجمام و التسوق و كل شي ... مابي احرق عليك المفاجئه
و بعدها احجزو سياره كبيره للراحه أو تذاكر داخليه بما ان معاكم يهال على جزيرة بيناتنج
وايد سوالف فيها لمدة 5 ايام وايد كفايه
و باقي الرحله اخذو لكم حجز في كولا لمبور في برجايه تايم سكوير لنهاية الرحله
اذا ما حجزتي لين الحين روحي لحملة الفرقان للحج و العمرة احجزي عندهم بيرتبون لك رحله تحفه "تذاكر دوليه " القطريه "، و داخليه " الماليزية " و الفنادق و السيارات الى بستقلونها طول فترة اقامتكم
اقترح عليك زيارة " منتجع افا موسا ، مرتفعات جنتنج ، صن واي لاجون
و اي استفسار حاضرين لطيبين
انشا الله نشوفك في ماليزيا في شهر اغسطس سفرنا
اللهم ارحم والدتي وعافها واعف عنها ونقها من الذنوب والخطايا كما ينقى الثوب الأبيض من الدنس
وارزقها الفردوس الأعلى وأعذها من عذاب القبر وعذاب النار
مشكووورين جدا ماقصرتوا .... وان شاء الله اقتراحاتكم اخذها بعين الاعتبار
اليوم حجزت على القطريه بتاريخ 28/7 لقيت حجز بعد ماطلعت عيني
الطياره اظن الساعه 2 ونص الظهر وقالي بتوصلون 3 الفجر هناك
التذكره طلعت ب 3660 ... استغربت السعر من اني من فتره سألتهم وقالوا لي
ب 3330 واليهال طلعت تذاكرهم ب 2800 تقريبا لكل واحد والبيبي اقل من سنتين
680 ريال ...
شرايكم احجز فنادق من هنيه ولا عن طريق الشركه العربيه الي هناك في ماليزيا
ولا احجز من النت ...؟؟؟؟؟
انصحك تروحين لحملة الفرقان رقمهم 4355055 اطلبي محمد عبد اللطيف دايما نتعامل معاه و اسعاره وايد مناسبه و مضمون كلمته مسمار في لوح
انا حاجزلى الرحله كامله و كل سنه نتعامل معاه
وانتى لك الخيار
اللهم ارحم والدتي وعافها واعف عنها ونقها من الذنوب والخطايا كما ينقى الثوب الأبيض من الدنس
وارزقها الفردوس الأعلى وأعذها من عذاب القبر وعذاب النار
جزاج الله خير اختي عنابيه قمر ...وان شاء الله بنحاول نتصل على الرقم الي كتبتيه
يعطيج العافيه
احجزي من موقع الشركة العربية
مشكووورين جدا ماقصرتوا .... وان شاء الله اقتراحاتكم اخذها بعين الاعتبار
اليوم حجزت على القطريه بتاريخ 28/7 لقيت حجز بعد ماطلعت عيني
الطياره اظن الساعه 2 ونص الظهر وقالي بتوصلون 3 الفجر هناك
التذكره طلعت ب 3660 ... استغربت السعر من اني من فتره سألتهم وقالوا لي
ب 3330 واليهال طلعت تذاكرهم ب 2800 تقريبا لكل واحد والبيبي اقل من سنتين
680 ريال ...
شرايكم احجز فنادق من هنيه ولا عن طريق الشركه العربيه الي هناك في ماليزيا
ولا احجز من النت ...؟؟؟؟؟
انا قارنت بين الاسعار وهم الافضل
ولهم موقع على النت
كتبي في جوجل دليل ماليزيا
ضوابط المشاركة
رد مع اقتباس