ودي أكون تاجر......وين الفزعة يا جماعة ؟؟؟؟؟

**ولــد البحــريـــن** · 27-08-2005 12:21 PM

ياجماعة ودي و الله أني اكون تاجر أكون حر نفسي أملك شركتي الخاصة أو حتى محلي كل المشاريع سوها في البحرين ما تم شي ما سوه طبعاً الي سوها ( الهوامير ) الي يملكون الأفلوس العدلة ,كل شي زاد سعرة و للحين مب عارف أش أسوي لي

, مع العلم اني من كنت أصغير عندي أكثر من مشروع و نجح و ياب لي افلوس بس أحين ما أدري هل أنا صادتني عين

أو ما أدري .....و دي يا جماعة بمشروع زين في البحرين في قطر المهم يكون مشروع زين يستاهل الواحد يتعب علية الحقيقية اني حاولة أدخل في الأسهم بس خفت و قالو لي أني أكثر الأسهم نشاط هيئ الأسهم القطرية ......... أرجوكم أبغي مساعدة ابغي الفزعة يا جماعة.

.. أخوكم في الأسلام ولد البحرين.........

xxxxx
يمنع وضع الايميل

**سهم طايح** · 27-08-2005 12:49 PM

يا هلا والله بولد البحرين

عن نفسي اشوف العقارات هي اللي ماشيه هاليومين ولين تقارن أسعار العقارات بين قطر والبحرين تشوف أن الأسعار في البحرين لا زالت جيدة يعني لو تفكر في عمارة أو ثلاث اربع فلل وتأجرهم لين ما ترتفع الأسعار لأني سمعت بأن موجة أسعار العقارات المجنونة راح توصل للبحرين قريبا ، وحاول تكثر من الأراضي لأن مستقبلها جيد ،،،،،،،،،،،،،،،،،،،،،

تحياتي

**ولــد البحــريـــن** · 27-08-2005 01:17 PM

مرحبا بأخوي سهم و مشكور على ردك لي ........أحب أبشرك أن الأسعار صارة نار عندنا من زمان و الدليل أني شرية ارض من سنتين ارتفع سعرها ثلاث مراة لدرجة صرة أخاف ابيعها لأن يمكن تزيد أكثر , و عن أني أشتري جم عمارة همممم .. بنسبة لي في البحرين هذي من الأحلام لاني وصلة العماير الى مليون و فوق يعني عشرة ملاين درهم تصور السعر ..؟؟؟

**سهم طايح** · 27-08-2005 02:45 PM

شي غريب والله !

يمكن العمارة اللي تتكلم عنها تتكون من 50 شقة

لأني اشوف النشرة البحرينية ( الحصيلة ) واسعار العمارات معقولة يعني تلقى عمارات ب 70 و 80 ألف دينار !

على العموم انت ولد البلاد وادرى مني بهذا الشيء والله يوفقك في مشروعك الجديد

**Le7dan-Qatar** · 27-08-2005 04:02 PM

والله ودي اجرب اشتري عماره في البحرين اذا ب 700 الف ولا 800 الف

بس شلون الاجارات هناك؟؟

ولكم تحياتي

**أعمار** · 27-08-2005 07:51 PM

السالم ,,اخوي لحدان في حسبه لسعر العقار على الدخل .. يعني هي في الاخير على 12-13 سنة .. يعني تحط ال 700 في عمارة والا في فله والا محلات تجارية هي هي .. بس الاحسن طبعا انه تاخذ الشي اللي موقعه زين و و .. والا في الاخير الاجار هو اللي يحدد سعر العقار .. يعني اذا بتاخذ عقار وماييب قيمته في 13 سنة ماينفع تاخذه الا اذا سامع اخبار خاصة انه هل مكان بييه تثمين والا بيحولونه تجاري ...

واخوي ولد البحرين انا عندي مشروع اشوفه بسيط وزين بس تفتحه في الدوحة .. وهو انك تفتح محل تبيع كمبيوترات وصيانة وتوظف عندك فنيين وفنيات كمبيوتر وتسوي خدمة تصليح في المنازل او الشركات 24 ساعه ويكونن الفنيين جاهزين ومجهزين انه اي حد يتصل لهم يروحون ويصلحون له في المكان .وخدمه ثانية تسوي مساعدة على الخط يعني اي واحد تصيده مشكله مع الكمبيوتر يتصل وطبعا يدفع عل مكالمة والفني يساعده انه يصلح العطل او يحل المشكلة اللي عنده وهو على الخط .. وانا مستعد اشاركك بس الادارة عليك ..لانه عاجبني هل مشروع لكن ماعندي وقت اني اديره ..

**سهم طايح** · 27-08-2005 10:14 PM

الأجار في البحرين منخفظ يعني مثال بسيط الشقة الاستيديو غرفة وصالة ومطبخ وحمام ( الله يعزكم ) بـ 80 دينار في مدينة عيسى

**حمد** · 28-08-2005 08:57 PM

المشاركة الأصلية كتبت بواسطة سهم طايح

الأجار في البحرين منخفظ يعني مثال بسيط الشقة الاستيديو غرفة وصالة ومطبخ وحمام ( الله يعزكم ) بـ 80 دينار في مدينة عيسى

والله اوكي .... طبعا حق المستاجر

لكن المالك .... الله ايعينه

**ولــد البحــريـــن** · 29-08-2005 01:26 PM

شباب هذي العمارة الي ب 80 الف دينار موجوده لاكن اكيد وليون بالمئة بتكون من عصر السادات يعني بأختصار قديمة و يمكن مدرجه للسقوط بعد أحين عندنا في البحرين بيت بو طابق واحد يوصل 80 الف ما بالكم بشقة.........
والله انا ودي أطيح على مشروع أقدر أكون فية تاجر صح ......................

**شمسة** · 13-09-2005 11:49 AM

بالتوفيق للجميع

الموضوع: ودي أكون تاجر......وين الفزعة يا جماعة ؟؟؟؟؟

أدوات الموضوع

عرض

ودي أكون تاجر......وين الفزعة يا جماعة ؟؟؟؟؟

ضوابط المشاركة