مره كنا مسافرين تايلاند من سنتين يمكن او 3 المهم طرنا لمنطقة تشانغ ماي والحمدالله ان وصلنا نص الليل مطارهم صغنوووون ومب زحمه ...وخبركم عاد دوم الناس ينزلون وحنا نتم لين اخر شي اون عن الزحمه
المهم لما نزلنا رحنا صوب السير مال الشنط وجد العالم كلهم ماشالله عليهم حفصوا بشنطهم وطلعوا وكنا حنا اخر ناس بالاضافه الى موظفين المطار.... عاد اون الحين الشهامه والفزعه كنا كلنا 7 بنات واخوي فقلت بساعده في شيل الشنط الصغيره عالاقل(خبركم بنات لازم قطع كثيره) المهم اول هاند باغ شلته حطيته عالارض وقاعده اتجهز للثاني وحسبت ان بنت اخوي وخرت الهاند باغ الاولي اثاريها الشيخه تركته وراي وانا مادري
المهم وانا اشيل الهاند باغ الثاني الحين وخبركم شوي ثقيل علي وارجع رويسي واتحنقل واهمد ذيج الهمده القعاديه السنعه على الهاند باغ اللي وراي ولا جان صادني شلل خماسي
وبسسسسسسسسس عاد انا غطيت ويهي من الفضيحه والكل بلللللم وسكت عبالهم تعورت وانا اصلا كنت ميته من الضحك على نفسي عقبها الانذال ضحكوا علي ...
والله وليومكم نتذكر الموقف ونموت من الضحك
بس ترا صج فشيله من قلب بس الموظفين مساكين كلش ماضحكوا عندهم ذووووووووق