الهمر الجديدh3

[زقرتي]

والله ياخوي انا توني شاري واحد واشوف انه زين وعزمه حلو صدق انه خمسه سلندر وقومته ثقيله بس عقب يستن (يفتح) والفل ابشن حلو الصراحه ومن داخل فخم وريف وثابت واذا انت من هواة السيارات السبورت ما اتصحك فيه بس اذا كنت من عشاق الفورويل فعليك به واذا تبيه يطير فيه اغراض بينزلونها له في امريكا من هيدرز وكمبيوتر وسوبر جارج وفلتر مع ضمان ثلاث سنوات او 36 ميل وقالوا لي انها بتوصل بعد شهر او اربعين يوم وتكلف حوالي 25000 ريال
واذا بغيت تعرف اي شي ثاني حاضرين لك اخوووي

وانصحك باالاسود والا الرصاصي وفيه لون جديد بينزل اللي هو الازرق

هلابك اخوي عالي مستواه عيل تنصح فيه انا حاجزلي واحد اسود بيوصل شهر10 ....بس حبيت اسألك عن الاغراض بتنزل الوكاله ولا انا اطابها من برع أنا سمعت انه يضبطونه في الامارات؟؟؟؟ وشاكرلك

[عالي مستواة]

والله مادري شقول لك

اخذ الاغراض من امريكا وركبها في الامارات احسن لك لانك ماعندك في الدوحه حد يضبط المواتر هذي والشركه طبعا اذا ركبت هالاغراض ورحت لهم بيطيح الضمان

بالعربي لاتركب هالاغراض الا عقب مايمشي الموتر 10000 كيلو

[زقرتي]

شورتك وهداية الله

[فقط قطر]

اخوي....انا عندي همر (h2) صراحة ما يعلى عليه....وبشكل عام الهمر سيارة جدا حلوة وقوية...وما اعتقد ان الشركة بتصنع لك سيارة فيها عيب مثل العزم..بس لازم هناك فرق بين 8 سلندر و الـ 5 سلندر...
والله يوفقك...

[ولـــد قطـــر]

والله يالربع انا اليوم رحت الوكالة وحجزتلي واحد عقب واسطة وسندارة وتلفونات طلعولي واحد بيوصل شهر 10 والدفعه الثانية بتوصل أخر 11 وفي فرق بين الي بيجون شهر 10 والي نزلوهم الحين وهي الكشفات الي فوق مع بعض الاكسسوارات زيادة وخذتلي اللون الجري أو الزيتي الغامق الصراحة عجبني وطلعولي بعد واحد ابيض بس ما عجبني بس الي عرفته انه ظغط كبير جداً على هذي السيارات وللعلم السيارات الي بتوصل أخر 11 ثلاث أربعها محجوزة مع انهم يجيبون كميات كبيرة .... وهذا يدل على ان السيارة عليها طلب جامد

[ولـــد قطـــر]

بس بغيت رائيكم

هالموتر تفضلونه على الكروزر الـ G X

بالنسبة للسعر أقصد والمواصفات وللأستعمال بعد

[Enter]

السلام عليكم ورحمة الله وبركاته
الزقرتي انا بازيدك معلومات عن هالموتر يقولون في الشركه انه مكينته مكينةGMC350 فورتك لاوقطع غياره نفس السعر يعني لحد الان مضبوط كنت معزم باشتريه تفاجئت يوم جربته(قيرعادي) المفروض انه يكون مشاي لكن من تعطيه 3 يخف عزمه بشكل كبير اذاكنت تبيه حق تمشي تمام لكن اذا كنت تبيه حق مقناص او العديد في مواتر ثانيه احسن.
هذا رائي واذا كنت معزم صل استخاره افظلك وشوف راي الشباب.

[ولد العرب]

مشكور اخوي الكريم

[زقرتي]

مشكووور اخوي ...

[السهم الذهبي]

مساكم الله بالخير
سؤال للي عنده الهمر ..
اشلون اسعار قطع الغيار غاليه ولا ارخيصه مثل السفايف وغيرها ..
وممكن اتوضحون لي صرفيه البترول ..