السجل التجاري

[على قد حالها]

السلام عليكم ياجماعة الخير

بغيت شوركم في موضوع قاعدة افكر فيه من فترة ..

ان شاء الله في القريب العاجل اذا ماجدت أمور باسوي مشيريع صغير .. طبعاً موهاي الموضوع .. السالفة ان الوالد عنده سجل تجاري باسمه وانا كنت باسوي المشروع بنفس السجل ، بس في ناس انصحوني اني اسويلي سجل بروحي لأني بعدين ممكن أعطي أشخاص ثانيين يفتحون محلات بسجلي ويعطوني نسبة من الأرباح كل فترة فهل هاي الشي عادي يعني ماراح يكون فيه مشاكل علي ؟ والا ابتعد عنه احسن ؟
تكفون فيدوني

[بويوسف]

والله اخوي هذا اولا ضد القانون ويسمى قانون التستر .. ويعاقب عليه القانون هذا اول شي ..

ثاني شي انت بتأجر السجل كم يعني ؟ الف الفين والله ماهي مستاهلة انت تاخذ مبالغ بسيطة والاجنبي اللي فاتح باسمك ويستفيد من الدولة والتسهيلات المختلفة من جمارك ومن اشيا كثيرة يستفيد عشرات الالاف !! وبعدين لاتنسى ان المحل بيكون باسمك وكل شي باسمك يعني حزة الحزة صار شي ماشي قام وشرد ومابتلقى نفسك الا مديون لاسمح الله ومتوهق مع ناس في ارتباطات مالك خص فيها

[على قد حالها]

جزاك الله كل خير اخوي بو يوسف على النصيحة لأني فعلا ماكنت آدري انه حرام وعساك على القوة

[بويوسف]

ويجزاك خير ان شالله بس انه ماقلت انه حراااااااام انه قلت ضد القانون (يوجد فرق)

بس انك تطلع سجل بمفردك ممكن يكون احسن من انه السجل يكون حق الوالد .... فمجال التحرك والتصرف يصبح اكبر ..

[على قد حالها]

اسمحلي اخوي اخطأت في التعبير وشكرا على التصحيح ..
ولك كل الشكر على الرد والنصيحة

[فقط قطر]

مش حرام...وانما مخالفة لاحكام قانون التستر...
من ناحية اخرى بالامكان اختي ان تضعي اسم الشريك الاجنبي في السجل التجاري وبنسبة 51_49 ، اي ان تكون شركة ذات مسئولية محدودة ، وتكون الادارة لك او للشريك حسب الاتفاق..وبهذا تكونين ضامنة لحقوقك....ويكون المدير المسئول هو الشخص المسأل قانونا...

[بو سالم]

الرجاء الحذر لأن مضاره أكثر من نفعه

[بو سلطان]

كلااااامك صحيح اخوي بوسالم