S 350 أو S 500

[السهم الجارح]

مرحبا بالجميع

-


-


-



حبيت أستفسر من أصحاب الخبره أي أفضل S 350 أو S 500 من جميع النواحي !

وأيش أفضل مواصفات الواحد ممكن يطلبها ؟

[الـخـور]

خذاك s350 احسن لك من حيث صرفية البترول طبعا انا اتكلم عن موديل 2006 وفوق
ولكن اطلب فيه اي مواصفات انت تبغيها بحيث يجيك بمواصفات s500
احلى الموصفات هي بانوراما .. اي ام جي بودي كت ..الشاشة والرؤويه الليلية والنافيجيشن
والتيك الي يضوي في الليل بضوء خافت ومكيفات خلفيه منفصله وكراسي كهربائية خلفيه ..

[eXpert*]

اذا تبي الموتر حق قوة وعزم خذ الـ 500 بس اذا تبي كشخة وزقرت خذ 350 وعطه مواصات 63 والله يعطيك خيره ويكفيك شره ..


الـ 500 ترى مايل انه سبورت اكثر من الـ 350 ،، يعني الجنبينات يابسه مب نفس الـ 350 ..

اطلب تجربة للاثنين واللي يعجبك توكل على الله واما المواصفات تقدر تضيف وتحذف علي راحتك .

[السهم الجارح]

شكرا اخوي الخور على النصيحه والشكر موصول بعد لأخوي اكسبرت

واتمنى اسمع نصيحة باقي الاخوان

[السهم الجارح]

هلا ملك الشعراء دامك ماتنصح بأي وحده فيهم على الاقل حط البديل

حياك الله اخوي

[PoBox]

اذا مصمم ياهذا ياذاك

خذ لك S350 سقف بانوراما + كت AMG
وحط فلوس ال500 في جيبك


اما لو في مجال لشي ثاني
خذ اللكزس الجديده LS460
( شي رهيب الصراحة )
وتوفيرك لايقل عن 100 ألف ريال

جرب التست درايف قبل واحكم بنفسك






واذا على القوة ترا قوتها قريبة من قوة الS500
380 حصان

وال S500
387 حصان

يعني فرق 7 احصنة فقط لصالح ال500

[عبد الناصر]

انته بتشتريها مستعمله ولا جديده وبكم سعرها ؟

[السهم الجارح]

شكرا اخوي ( بو بوكسينج ) على نصيحتك ، كان عندي لكزس 350 موديل 2007 الصراحه

ابدا مش مريحه رغم انها خفيفه وطياره لكن مافيها سكبة الألماني ولا ثباته في الشارع ومن

مدة بسيطة بايع حوت 2005 لأنه خاطري بالجديد ، وبالنسبه ل 460 مدري عنها الصراحه..


اخوي ملك الشعراء ابي اشتريه جديد ( وللحين ماخذت لفه على الوكاله) بس أشوف أسعاره

بين 380 و 420 بالمعارض وعساك على القوة يا ملك

[عبد الناصر]

خلاص حط مئتين واشتر لك بنتلي
اعتقد انها احسن