بسم الله الرحمن الرحيم
نظرا للبس الحاصل في اسم ال PoBoxing
والرسائل الخاصة بخصوص معني الاسم ، وانا اطنش
او المناداه باسم ماله علاقة باللقب ( البوكسنغ ، بوالبكاسنغ ، الملاكم ، .... )
قررت ان انزل بيان بخصوص معنى الاسم PoBoxing
وكما يقول الجني ( لكل من اسمه نصيب )
لكن شكل اسمي في صوب ونصيبه اللي فهموه الناس في صوب
يوم من الايام
وبعد ان صار ايميلي القديم ( سبيل )
واتركه يومين والاقي فيه
500 ايميل
زهقت من الوضع
وقررت افتح ايميل جديد
والايميل هو عبارة عن ( صندوق بريد ) الكتروني مثل ما انتوا عارفين
فقلت ياولد بدل ماتحوس عن اسماء
حطيت اسم الايميل
Po.Box
Post Office Box
للاسف كان الاسم ماخوذ
فقلت بحط رقم عقبه
PoBox000@.....................com
فطلع الرقم اللي طلبته ايضا ماخوذ
فقلت مافي الا احط ing في نهاية الاسم ( مع انه ماله معني )
ويصير الاسم PoBoxing
وحصلت الاسم موجود
وسجلت فيه
عقبها طحت على منتدى الاسهم صدفة وسجلت فيه وماكنت اشارك بس اطل من بعيد
جيت اسجل قلت باستخدم الايميل الجديد.(واخلي النك نفس الشي ايضا)
وشوي شوي شفت طبيعة المشاركات الجدية (( وهذا اللي كنت افتقده في المنتديات السابقة ))
اللي ما اكمل فيها 60 مشاركة كحد اقصى
ومن النوادر ان
واحد من الشباب يسمونه (((الزاجل ))) ( الطير اللي يوصل البريد ايام الجاهلية )
ركب على راسي قبل كم يوم ( في المكان المخصص لوضع مكان اقامته تحت النك نيم )
وكانه وصل رسالته في الصندوق اللي هو (أنا)
وصار ساعي البريد (الزاجل) واقف على ( صندوق البريد ) أنا
كتمت الموضوع وتميت استهبل وانا الحقيقة متعجب
قلت لين افضى راح انزل الموضوع
كنت اقول مقولة يخلق من الشبه 40 قد تكون موجودة
بس ماتوقعت ان حتى الاسم (المنتدوي) يكون فيه تشابه
لان الصراحة هذا العضو ( الزاجل)
لو شارك في مكان معين (نقاش مثلا) احس مشاركتي مالها لزمة الا كنوع من الدعم
او توضيح فكرة
(( لانه غالبا يكون قال اللي ابي اقوله - اوقات يقوله بالحرف
تعليق طريف على موضوع معين ابي اكتبه
القنبلة المدوية
(( اشوف الحبيب كاتب نفس التعليق
والتعليق لسا في مخي مانزل على الكيبورد
مب دايما طبعا لكن كثير تحصل
حتى النقاشات اللي قد تحصل بيني وبينه
الخلاف يكون على الطريقة وليس الموضوع نفسه
(( الا نادرا ))
وفعلا اوقات احس اني و ( الزاجل)
مثل الشامبو (( 2 في 1 ))
وتفضل يالمزجلان وعطنا تعقيبك على الPoBoxing
وماهي نظرتك له
وخل الفضيحة بقلاقل او بجلاجل حسب النطق
دام اني فضحتك على الملأ
ختاما
مالي علاقة بصندوق البريد
ولالي علاقة بالملاكمة ورفع الاثقال ،، وان كنت اروح الجم
بس مب مشكلة راضي باسم الدلع البوكسنغ او بوالبكاسنغ
والموضوع لتوضيح اللبس فقط
والسلام عليكم
**************************************
اللي يبي يحط قصته مع النيك نيم حقه
او مع احد الاعضاء (( يتفضل ))
ولحد يقول اشكرني بروحي باعطيه بالمطرقة على راسه
او بضرب راسه بالطوفة
لازم اطلع قيمة الرد الانفرادي اللي رديت عليكم فيه يالسديم و PRO
|
رد مع اقتباس
المشاركة الأصلية كتبت بواسطة مريديان
