هل العمل في سوق العملات حرام أم حلال دعوة للنقاش

[فيصل الزيادي]

فيصل يا خوي خل العالم على راحتها ترى محد يسمع الا من رحم ربي ،، انت سويت اللي عليك وبيض الله وجهك .

من قبلك في العضو الولهان تم محاربته مع انه رجال والنعم فيه انا معرفتي فيه جات عن طريق المنتدى بس شتقول ،،، احنا لازم نكون اخر من يركب في الركب ..

بس تذكروا شي بيجي اليوم اللي الناس تركض ورى هالتجارة بس عقب ما كل اخذ مكانه !!

يا جماعة التجربة غير السمع من هذا وذاك .. في منتديات شقيقه من مصر الى الاردن والكويت والسعودية ودبي وكل منتدى اعضاء بالالاف هل المعقول ان جميعهم اضاعوا الصواب !!

من خبرتي الفوركس صار له اكثر من 20 سنه هذا للافراد ومن قبلها للحكومات والبنوك المركزية ،،، واذكر سنه من السنين الناس كانت تداول في احد فروع بنك الدوحة يتداولون عملات !! اي عملات وكانت القاعة تفتح لساعات متأخرة من الليل وعدد روادها لا يزيد عن اصابع اليدين !!

بس مع الاسف الثقافة الاقتصادية والتجارية يبيلها وعيّ عندنا ، بعد فترة بتلاقي الناس تتخبط كل يبي يدخل !!

ذكرتوني بسالفه البنك البريطاني الاسلامي ّ !! تتذكرون ؟ الناس قالت شلنا نحط فلوسنا في بلد مانعرفة الخ الخ الخ ويوم شافوا فئة قررت تغامر،، الناس راحت تشتري اسهم ،، صار مالك محط ريل في بنك الدوحة !! والسالفه مب من بعيد والاغلبية يتذكر كيف كان الزحام .(( اتكلم عن الاعضاء القدام ))

هالشي نفسه قاعد يصير مع العملات الحين الناس بين مشكك وبين متخوف بس بيجي اليوم اللي كلِ بيركض بس علشان يفتح حساب بس بعد مايشوفون كم واحد غامر وجرب .

انا مستعد انسحب من المنتدى بس اعرف الرجال شلون بياخذ عمولته ؟؟

ياخي عندكم اكثر من 20 شركة وساطة معترف فيها وباللغة العربية !! يعني طب وتخير واختار ما شئت منها فالرجال من وين بياخذ العمولة !! هل دلكم على شركة محددة ؟ وقالوا افتحوا حساب فيها ؟؟ <==== ما ظن مرت علي هالجملة واذا مرت ذكرونيّ .

اعذروني على المداخلة للمرة الثانية ويعلم الله ان الرجال لا اعرفه ولا يعرفني ،،،،، بس الرجال ما شوف انه اخطأ علشان ينتقد كل هل الانتقاد

صدقت أخوي إكسبيرت والله ثم والله ثم والله راح يشوف بدر وعمر وغيرهـ من اللي هاجموا
العملات راح يشوفون اليوم اللي الكل يتنافس على العملات بصفته أكبر بورصة في العالم
وله مميزاته وسلبياته ومميزاته تتطغى على سلبياته اللي بإدارة المال الكل يتفادها

وراح يجي اليوم اللي تشوف بدر وعمر ما يخلون ولا منتدى إلا ويسألون عن العملات
بعد ما كانوا مأخذين الدعوة مسخرة وضحك ولكن كلن ينام على الجنب اللي يريحه


وأنا مستعد ياخوك دامك ناوي تتعلم ماعندي مانع عطني إيميلك أو رقمك على الخاص
وأبشر بسعدك (( بعض الرجال يكسبك بكلامه الطيب وعلومه الغانمه ))
وبعضهم ما يحصل بحياته غير الردى بسبب أسلوبه وراح يظل زي كذا والناس تبي تمشي
وتخليه مكانه در ......... ولا عزاء لقليلي الثقافة في أدب الحوار أو حتى أبسط أمور التجارة

[فيصل الزيادي]

و انا أيضا لا أرى انه أخطأ في شيء
دائما الشيء الجديد يخوف
و كما أعلم ان المخاطرة
في هذا السوق كبير جدا جدا
لذلك لا نريد ان نكون سبب في خسارة
اي شخص
و قلت للأخ فيصل
إذا عندك دروس معينه
و تحاليل فممكن ان تكتبها في هذا القسم

أخوي برو جزاك الله خير على دماثة أخلاقك معاي من البداية وبيض الله وجهك يالذيب
ولكن كيف تبيني أحط دروس والكل أصلاً مو هاظم مواضيعي وكأنها سم على قلبهـ
ليه أحرق نفسي على ناس ما تبي تتعلم وما هي فالحه غير في الردود اللي مالها أي معنى ؟؟

[فيصل الزيادي]

اخي فيصل حفظك الله لا اريد ان اطول عليك وعلى الاخوه بس اريدك تذكر لي شركه محدده افتى فيها العلماء وهل صحيح انك صدقت ان فيه حساب اسلامي وحساب تجاري
هم ياخذوا منك عموله من هنا او من تحت الطاوله وانت سيد العارفين تحياتي

أخوي بدر إن كنت تريد النقاش يكون علمي فقولي نعم وأنا أعطيك بحث كامل من جميع الجوانب
وأبيك تأخذ البحث هذا زي ما هو مكتوب وبالصور وبدون تحريف أو زيادة أو نقص
وسلمه لشيخ ثقة ...... حط تحت كلمة ثقة مليون خط

برضه سلمه لشيخ متمكن ومتمرس في المعاملات المالية وبقووووووووووووووووووة
وسلمه البحث وقوله يا شيخ هذا توضيح العملات وطريقة التعامل فيها الحقيقية
مو زي أسئلة الناس السطحية اللي بسببها المشائخ حرموا العملات بسبب الأسئلة الغلط


وأبيك تنقل لي فتواااااااااااه بالكامل ......... وإذا كان ردك علي مجرد جدال عقيم
فنحن لا زلنا نسير وسط نفق مظلم لا نهاية له ........ أنتظر ردك طال عمرك

[Pro]

أخوي برو جزاك الله خير على دماثة أخلاقك معاي من البداية وبيض الله وجهك يالذيب
ولكن كيف تبيني أحط دروس والكل أصلاً مو هاظم مواضيعي وكأنها سم على قلبهـ
ليه أحرق نفسي على ناس ما تبي تتعلم وما هي فالحه غير في الردود اللي مالها أي معنى ؟؟

بالنسبة لي
انا متابع لمواضيعك و يمكن
هناك أعضاء غيري
و لكن يجب ان نتعرف أن الخلاف يحدث
في أي أمر جديد حتى يتعود عليه الناس
و لكن بحدود الشرع
و اذا كانت نيتك توصيل العلم
فإن شاء الله تحصل ثوابه و اجره

[بدر711]

صدقت أخوي إكسبيرت والله ثم والله ثم والله راح يشوف بدر وعمر وغيرهـ من اللي هاجموا
العملات راح يشوفون اليوم اللي الكل يتنافس على العملات بصفته أكبر بورصة في العالم
وله مميزاته وسلبياته ومميزاته تتطغى على سلبياته اللي بإدارة المال الكل يتفادها

وراح يجي اليوم اللي تشوف بدر وعمر ما يخلون ولا منتدى إلا ويسألون عن العملات
بعد ما كانوا مأخذين الدعوة مسخرة وضحك ولكن كلن ينام على الجنب اللي يريحه


وأنا مستعد ياخوك دامك ناوي تتعلم ماعندي مانع عطني إيميلك أو رقمك على الخاص
وأبشر بسعدك (( بعض الرجال يكسبك بكلامه الطيب وعلومه الغانمه ))
وبعضهم ما يحصل بحياته غير الردى بسبب أسلوبه وراح يظل زي كذا والناس تبي تمشي
وتخليه مكانه در ......... ولا عزاء لقليلي الثقافة في أدب الحوار أو حتى أبسط أمور التجارة

كل واحد له راييه وهذا راينا نحن نقول الصراحه للناس انا قلت هناك ارباح ولكن في المقابل هناك خسائر تقصم الظهر ولعلمك انا تعاملت مع الفوركس 5 سنوات مش يوم او يومين تحياتي لك