برنامجكم ( شرينا و بعنا ) .. 7

[ابوعلي اليافعي]

مساء الخير انا اول مره اشاركم وين المايك؟؟؟ مشكورين انا اليوم عكس شريت في اكثر الشركات خاصه الصناعات والعقاريه والسلام وباصرفهم يوم الخميس انشالله علشان ارتاح فالويكند..السوق مطمن انشالله لي يوم الخميس..وبعدين يصير خير..بس كلمه اخيره الاخوان الي يقولون نخاف ان السهم الفلاني ينزل ياليت يبيعون ويرتاحون ..........

[أبو عبدالعزيز]

تحياتي للأعضاء الكرام

وبالنسبة لي اليوم :
تخلصت من صناعات بأعلى سعر ( 233.7) مع قناعتي بإمكان ارتفاعها أكثر في الأيام الجاية
إلا أني قررت التخلص منها لأرتاح نفسيا ، حيث كنت الفترة الأخيرة مشغول كثيرا بها لدرجة أثرت على بعض الالتزامات أو الارتباطات الضرورية بي .. والحمد لله اكتتبت بسهمها بـ (16.5) وبعتها بالسعر المذكور ، والقناعة كنز لا يفنى .

بالنسبة للملاحة أيضا بعته بأعلى سعر (213.9) وكنت مشتريه بـ ( 144 ) .

واشتريت من كهرباء بأقل سعر ( 110.4) .

أما الاسمنت قررت في الدقايق الأخيرة قبل فتح السوق سحب أمر البيع .

والتوفيق من الله

[عـافـك الخـاطـر]

السلام عليكم

هاذي اول مشاركه لي وانشالله استفيد منكم
لاني اول مره ادخل في الاسهم

ياجماعة الخير اول امس انا اخذت اسهم بنك الاهلي
وشو تتوقعوون له ؟؟ لاني الصراحه متخوف منه

[إنتعاش]

عفوا اخواني بالنسبة للاخ حمد وتساؤله حول شركة المواشي

احب اعطيك هالرابط اللي يمكن يكون له علاقه بالسؤال المطروح من الاخ حمد

تفضلوا :

http://www.qatarshares.com/vb/showth...newpost&t=1184


المايك للي بعدي واعتذر عن المقاطعه

[سراب الامل]

بالنسبة لي انا اشتريت بالفلوس اللي رجعت لي الايجارة بسعر الليمت اب مع اني كنت حابه اشتري بالتخصصي بس ماكان في طلب ( طبعا الخيره فيما اختاره الله وانشاءالله اتوفق فيها )

وبكره ناويه اشتري في اسهم الخرفان بس بالبدايه باحاول على التخصص مره ثانيه اذا كان فيه عرض
بس اشرايكم عطوني اقتراحكم عندي 30000 اشتريها باسهم الخرفان او السلام بس لمتوسط الاجل لاني مش مستعجله عليها او اخذ لي كم سهم بالتخصصي حتى لو كان 300 سهم

[ابوعلي اليافعي]

الاخت سراب الدوحه اولا: هل عملتي بالنصيحه وشريتي الدولي..لا تقولين لا..ثانيا:اشرايج في كلامي عن سؤالج عن سهم التحويليه بتاريخ 3/5/2005يوم قلت ان السهم راح يواجه مقاومه عنيفه عند ال90 وقد حصل ماتوقعت امس واليوم عرض بالمت داون..نصيحتي على طول بكره حطي اوردر السلام لانه رايح ال50 قريب انشالله..ولا تخافين انا شاري امس واليوم 40الف سهم ومرتااااااااااااااااااااااااااح اني حصلت اخيرا...

[سراب الامل]

تسلم لي ياليافعي والله انك المنقذ بالنسبه لي

بالنسبة لي ماقدرت اشتري بالدولي الصراحه اقولها لك سعرها توب علي يعني على الفلوس اللي عندي يمكن الاقي لي 50 سهم هههههههههههه

بالنسبه لمشورتك للسلام انشاءالله احد من اليوم طلب عليها بالمجموعه بس ادعي لي الاقي لي عرض عليها والله يوفقني وويفقك الجميع

[ابوعلي اليافعي]

لا انشالله بتحصلين لان اليوم صار عرض عليه فالبدايه وبعدين صار عالمت اب..وصدقيني كلنا بدينا بمبالغ بسيطه والحمدلله توفقنا..عالعموم بكره اشتري السلام ونشالله بتتوفقين

[قطر]

بيزات
تسلم الغالي والله ايطمني من قلب

حمد
هلا بك اولا ماقلت لنا ايش شريت ايش بعت ايش سولفت اليوم؟

بالنسبة لمواشي خلك متابع السوق ولا تطمع وايد

يعني لي حسيت الطلب خف عطهم كم سهم ..لاتصرفها كلها مره وحده

[قطر]

هلا هلا ابوعلي اليافعي
واخيرا شاركتنا

بالنسبة لاسهمك الله ايبارك لك فيهم واختيار موفق.

بالنسبه للي يقولون نزل لايكون تقصدني احم احم

مااقدر ابيع مابقى شي عن الجمعية وباذن الله ربحان في كل الحالات
لان السعر العالي شراء ثاني وعندي من قبل بسعر اقل بكثير فالمتوسط كويس بالنسبة لي لحد الان


ابوعبدالعزيز

هلا ومرحبا

تعجبني قناعتك ..........

ثانيا...... لو انا منك مابعت صناعات لاني بكون في كل الحالات رابح
بالنسبة لسعر الشراء حتى لو انزلت شوي بقول الحمدلله

بالنسبة للملاحة موفق

بالنسبة للكهرباء الله يستر انا بعتها والله لان مامنها فايده

الاسمنت ...خير مافعلت ولاتبيع اول ايام بعد الجمعية اذا ماشفت في طلب كبير
خله ذخر نصيحه لاغير

===========
عافك الخاطر
هلا ومرحبا يسعدني انضمامك

بالنسبة للاهلي يعتمد على سعر الشراء

عموما اتوقع له ارتفاع قوي عند دخول الخليجيين
لسبب بسيط رغبة اخوانا البحريينيين تعزيز موقف ملكيتهم من البنك

===========


سراب حرام ليش ماشريتي امس في السلام بدل الايجاره

كانت بتفرق معاج صح

بس الله كريم والخيرة فيما اختاره الله

لاتفوتين السلام ولاتخافين لو شفتي محاولة تنزيل السعر

لان عليه طلب كبير


وشكرا للمحاوره الجميلة بين ابو علي وبين سراب


في حد ايحب يستلم المايك؟