التشطييييب

[بوحارب]

اشكرك اخوي بوحارب...

اوصلت الفكره

وعساك على القوه

حياك الله

الله يقويك

[بوحارب]

يالربع انا توني من 3 اسابيع ماخذ حمامات للملاحق من انصار سيتي

وبصراحة انا اعلاف واحد دووووووووووم يرووووووح الصين يجيب كونتينرات والله يالربع انه مأثث بيته كله بأقل من 65 الف ريال وللعلم بيته ما شاء الله فيه اكثر من 6 غرف نووووووووووم بحماماتهم عزكم الله .. وجاب السيراميك والبورسلان ..

والحين صار يجيب كونينرات ويبيع .. بس مب كل الكونينرات فيهم اثاث... مرة يجيب سجاد .. ومرة خزائن (التجوري) ومرة يجيب لك سيراميك وبورسلان .. ويبيع بالحبة والجملة ...

مرحبى أخوي

اشرايك في بضاعة انصار ستي

كيف اتشوف جودتها

وبالنسبه حق الصين ماعليها كلام رخص الماي

[المخلب]

المخلب جزاك الله خير

ممكن اتفيدنا اكثر عن التنين

مثلا الجودة البضاعة الي عندة الاسعار

هلا بوحارب ..

شوف يالغلا ..

سوق التنين سوق صيني بحت ! ..

من اول ماتدخله لين ماتطلع منه ! ..

كلش شئ فيه من الصين ! ..

حتى الشكل الخارجي على شكل تنين ..

وهو مقسم اقسام ! ..

ادوات بناء , اكسسوارات , ثياب وشنط , وغيرها ..

بس بكل امانه ماله داعي ! ..

يعني اقرب مثال له في قطر الرامز ! ..

تقدر تقول 100% هو ! ..

بس الفرق الاسم ! والفرق بعد ان الرامز مايبيع ادوات البناء والفنشينق ..

المهم .. السوق موجود صوب منطقه زعبيل تقريبا ! .

الاغراض الي بتحصلها عنده عاديه جدا ودرجات !! واتوقع أن اغلب المتوفر من النوع العادي ! ..

انا رحته مره وحده بس ! .. اولا لبعد المسافه ! ثانيا بسبب الزحمه الي ما خلتنا نوصله الا بعد 4 ساعات ! ..

ان كنت معزم تاخذ منه فخل بيدك ورقه وقلم وسجل الاشياء الي ناوي تاخذها .

ورح لهم هناك لفه على كل الاقسام - منها تشوف الخصومات والاسعار - ! .. واللفه الثانيه اشتر وخلص على طول ! ..

والنقل تحصل في عمال هناك كلمهم انك تبي شخص يشحن لك لقطر ! .. وهم يبون الفلس الاحمر ! صدقني بيطلعونلك على طول بيكب كبير وله شاحنه ! ..

آخر شئ نصيحه .. حرام تخسر فلوسك لو انك قادر تروح الصين وتلم اغراض وتجي !..

لان بالاول وبالاخير .. ان كان البيت بتسكنه انت ! فحرام تحطه اي كلام !

وان كان تجاري ! بتخسر عليه صيني وبسعر غالي على الفاضي ! ..

تحياتي لك ..

[بوحارب]

جزاك الله خير يالمخلب

وبيض الله وجهك

اشرايك تعطينا معلومات عن الأبواب

[بوحارب]

[المخلب]

جزاك الله خير يالمخلب

وبيض الله وجهك

اشرايك تعطينا معلومات عن الأبواب

هلا بوحارب .. الابواب طالع عمرك تقدر تشوف مثلها بالضبط عند انصار ستي ! ..

وان تبي الحق ! شوف الي في انصار ستي ! ..

واختار الشكل الي تبيه ..

ورح سوق التنين ومعاك قياساتك وخلص شغلك .

تحياتي لك

[بوحارب]

توني جاي من انصار ستي

بس اشرايك في جودة الأبواب الي عنده

[المخلب]

حليوه ! ..

[مرحوم قطر]

والله انا ماعتقد اقدر افيدكم وايد

بس ممكن اعطيكم معلومات عن السوق الصيني و كيفية الوصل له و الشحن منه

انا رحت اهناك و الله شي عجيب

سوق كبيييييييييييييييييييييير وايد و فيه كل شي

يعني هو اكثر من كيلوا وكل شي فيه و ارخييييييييييييييييص برخص التراب

انا قد كانلي موضوع عن ليازر كنت ابيع الواحد ابثلاث ميه و هذا سعر النص

بالنسبه لليازر الي يبتهم في قطر بس انا شاريهم من اهناك ابسبعين اريال

هذا بدون مكاسر واهناك تقدر تاكسر وتنزل وايد من السعر

يعني مثلاً انا كنت باخذ بانشي من اهناك طبعاً صناعه صينيه يعني المكينه مالت اسبوعين

و الشباب انصحوني اني ماخذ و سمعت النصيحه المراد اني سالت الرجال كم سعرها

قالي 4000 و تميت اكاسره لين وصلتها 2500 و المحل الي عقبه وصلتها لين 2000

و يوم سالته عن الشحن قالي مب مشكله نادا باكستاني و قالي بوديها لك لين قطر خلال

3 او 4 ايام و بيكون في ظمان انا ولا شي يخترب او يتشمخ ابثمانميه

و اهناك كل شي رخيص وفيه مفروشات و ارخيصه وايد

كنت اتمشى اهناك مع واحد من ربعنه ودخل محل مفروشات

كان في غرفة نوم السعر عليها 3000 قالي تدري هذي في قطر كم سعرها قلت لا قالي ماتقل عن 7000

انصعقت بس هذا الي حصل

يعني في اشياء وايد اهناك



هذا الي اقدر افيدكم فيه و عن تجربه اني رحته مرتين و الله كل مره كنت اترس الاستاندر

اغراض و ابسعر بسيط يعني لو شاري الاغراض الي شريتها من قطر كان كلفتني وايد وايد

كان ماقدرت اشتريها الا اقعد اجمع راتبي شهور



وفي سالفه صارت بعد اهناك دخلت محل سالت الصيني قلت له ابي تكرمون دلاغات

على اساس اني عسكري و دوم ابدلهم و اهني يعني سعر الدلاغات ونتو بكرامه مب غالي

بس يعني مثلاً الدلاغات الي اشتريهم الواحد ابخمس ريال هذا بعد الخصم

اهناك نفس الدلاغ الي اشتري في قطر يبيعونه بالدرزن يعني 12 حبه ابست ريال

و بعد كاسرته و صلتهم لين اربع ريال لان شريت 25 درزن خخخخخخخخخخخخخخخخخخخخ

لاني جد جد انقهرت نزلي لين اربع ريال او دراهم واهني الحبه ابخمس

من القهر قلت له خلهم بربع باخذ منك 25 درزن وافق وهو مستانس و خذت دلاغات

الله يكرمكم اتكفيني لين ماتقاعد


و واحد من الربع نفس الشي شراي شيل حق امه اخبر قالي اسعارهم في قطر على 70

شيل قطن مطرزه كنه سبعين مب متذكم كم قالي بس اخبر كان سعرهم اهناك الشيله الوحده بحدعش

و اخبر خذت نافوره من اهناك و دشت خاطر واحد من ربعي و خذاها في قطر الحين حاطه في

صالتهم و الله كبيره شفتها في في قطر سعرها 5000 تقريباً اهناك والله يالربع سعرها على

1000 و خرده و كبيره يعني مب صغيره على شكل شلال يعني تقريباً طولها متر و نص

و من تحت فيها مثل الحديقه مدوره قطرها يمكن متر و شي حلو حلو



وبخصوص الوصول للسوق من داخل دبي تلحق الافتات الي مكتوب عليها حتى

لين ماتشوف مجمع بلية البلايه على يدك اليمين بعد ماتطوف سوق الخضره


و طريقة الشحن راعي المحل نفسه بيبلك ناس يشحنون لك و كاسرهم بينزلون

واسمحولي طولت بس بعد باقولكم شي


واحد من الربع بناله فله عظم

شطبها كامل من الصبغ لين الرخام لين الجبس لين بلاط الحوش لين العفش و الاثاث

و حمامات الله يكرمكم و كل شي من الصين مع الشحن كلفون 80 الف ريال

و شي خيالي انا دخلت بيته يعني قبل مايسكنون فيه اهله بعد ماخلص تشطيب

كان شي خيالي خيالي خيالي

يعني صراحه اتوقع لو شطبه هلتشطيب في قطر مايقل عن 500 الف ريال

لان جد شي خيالي و بيته مب صغير كبير


واسحولي طولت عليكم

وانشالله قدرت افيدكم بالي عندي

[بوحارب]

جزاك الله خير مرحوم قطر

مشاركة ممتاااازة ومعلومات ما عليها كلااام