السلام عليكم ورحمة الله وبركاته ،،
طبعا الكل عارف اني كنت مسافرة فتره اسبوعين خارج دولة قطر الحبيبه ومن ضمن رحلتي كانت لجزيره بوكيت التايلندية
بصراحه جزيره روعه وكنت ماخذه باكج سياحي من احدى المكاتب وتضمنت زيارة عروض الفانتازيا وزيارة لجزيره بي بي ايلند وزيارة لجزيره جيمس بوند وطبعا فيه امكان ثانيه للزياره بس انا حبيت اخذ ثلاثة ايام معاهم والباقي انا استكشف بروحي
واخليكم مع الصور
هذي صور للفانتازيا طبعا اول يوم كنا تونا واصلين الجزيره يادوب حطينا اغراضنا بالفندق الا متصلين علينا ان بعد ساعتين بياخذنا السائق الى عروض الفانتازيا قلنا امرنا لله اوكي
هذي صوره للمنظر الداخلي هني يقدمون عشا للزوار فيه قسم اسلامي وقسم غير اسلامي طبعا هم بيشوفونك لابس الزي الخليجي على طول يعطونك رقم كرسي وطاوله في القسم الاسلامي ونظام بوفيه عندهم
وهذي الصوره قلعه الفيل يسمونها وكله فيله لانهم يعبدون الفيله وهني بعد العشا تقريبا فيه مسرح رهيب بصراحه للاسف ماخلونا نصور داخل ياخذون الكاميرات تأثيرات غاية في الروعه والجمال وقصة المسرحيه عن الفيل وليش يعبدونه وشنو سوا كلها خرافات والحمدلله على نعمة الاسلام بس انا اللي عجبني في الموضوع بصراحه الفن الرهيب والعروض اللي قاموا فيه وصار موقف طريف هناك فيه لقطه للمزارعين ويهدون فيه الدجاج والغنم في ديك كان معاند مايبي يطلع وهم يمثلون والديك يطالعنا وقاموا يبون يتفادون الموضوع وحده طلعت يازعم من ضمن العرض تبي تصيده جان يشرد منها وينزل في حفره مسوينها في المسرح حق ماي المطر
ولما نزل ماي المطر جان يطلع الديك مره ثانيه الناس خلوا المشهد وقاموا يضحكون على الديك خخخخخخخخخ
وهذي منظر للشلال خارج منطقة العروض
وهذي الاسماك روعه انا استانست عليهم وايد
اليوم الثاني رحلة الى جزيرة بي بي ايلند
بصراحه فضيعه والبحر يجنن روعه
الصور هني تتكلم عن نفسها
طبعا جزيره جيمس بوند ماصورتها واعتذر على ذلك لاني كنت معتمده على ناس ياخذون الكاميرا ونسوها
في اليوم الرابع اخذت تكسي وتقاصصت معاه علشان ياخذنا حق منطقه يسمونها هم view point
ومن هالمنطقه تقدر تاخذ لقطه للجزيره بالكامل وبصراحه روعه المشاهد من هناك
هذي لقطة للمنظر يطلع فيه الكورال بيج وباتونج وكاتار بيج
طبعا انا اللي عجبني اكثر منظر الاشجار وطريقتها خليت المناظر كلها وقمت اصور الاشجار وهذي مثال عن الصور اللي اخذتها
وهذي المنطقة اللي صادها تسونامي
وقمت اسأل المرشد هناك هل فيه ناس وايد تضرروا مثل ماسمعنا قال لي بس الاجانب السياح لان ماعندهم مخ يقول اما المسلمين شافوا البحر تقلص وراح فخافوا وعرفوا ان فيه شي بيصير اكثرهم طلعوا من المنطقة
وبعدها قال لنا بوديكم حق منطقه يسمونها سانسيت اي غروب الشمس ويقول فيه ناس وايد تروح هناك علشان تاخذ صور حق منظر الغروب قلت له يلا ودنا
رحنا وطلع كلامه عدل شكثرررررررررررر عااااااااالم رايحيين بس يصورون المنظر قلت خلني انطر يمكن يستاهل كل هالحشد من الناس
شوفوا الصور وحكموا
رد مع اقتباس
المشاركة الأصلية كتبت بواسطة واحد في حاله
