إلى أحبتي في الله
السلام عليكم ورحمة الله وبركاته
اليوم جايه لكم بجديد الراقية
واتمنى انكم تستفيدون منه ولو بالقليل
واتمنى لو فيه اي استفسار تسئلوني ولا تترددون فيه قبل ان انقطع عنكم لظروف السفر
المهم اليوم راح تكون قصتي لكم هي قصة بسيطة عن الاندرقراوند في مدينة ميونخ الالمانية
يعتبر الاندرقراوند في ميونخ من ارقى المواصلات وارخصها واسهلها واسرعها
عموما راح اختصر الحكي واكمل لكم الشرح بالصور
المهم يالله معاي قولوا بسم الله الرحمن الرحيم
صورة ليلية للمحطة الرئيسية
هذي خارطة الاندرقراوند في ميونخ
واذا تلاحظون انها فيها عدة خطوط بالوان مختلفة وكل خط يأخذ حرف ورقم مثلا عندنا حرف
حرف ال ( s ) وهو من 1- 8 يعني تشوفون (s1) -(s2)-......الخ وياخذ الصورة التالية في المحطات او المداخل ...
وخطوط اخرى تاخذ الحرف (u) وايضا كل u يحمل رقم مثلا (u1)-(u2).....الخ
وياخذ الصورة التالية في المحطات او في مداخل المحطات
تعتبر ( الهابنهوف )هي المحطة الرئيسية ( hauptbahnhof)
وهي تلتقي فيها جميع الخطوط كما ترون ومنها ايضا يمكنك السفر الى اي جهة في اوروبا وتعتبر اكبر محطة في ميونخ ويعتبر الاندرقراوند في اسفلها بينما القطارات للسفرات البعيدة يكون فوق ( انظر للصورة )
وبناء على طلب الجميع لكيفية استخدام الخارطة والاندرقراوند سوف اقوم بشرح مبسط واتمنى الله يوفقني في الشرح
راح اقسم الخارطة الى نصفين ( النصف الايمن ...والنصف الايسر ) راح تلاحظون ان كل خط قسم الى قسمين مثال ( s1 ) راح تلقى جزء منه في الجهة اليمنى وجزء اخر في الجهة اليسرى وتلاحظون ان كل جزء يحمل عدة محطات منها على يمين الخط ومنها على يسار الخط
في هذه الصورة راح تلاحظون ان رقم (1) بالاحمر يمثل المحطة الرئيسية وعليها مربع احمر
بينما رقم (2) يوضح اماكن الاسواق على الخارطة يعني كل مربع ازرق هو موقع مجمع او سوق
بينما الرقم ( 3) بالاخضر يوضح مكان حديقة الحيوان والحديقة الانجليزية وحديقة الرقص
الحين لنفرض ان مكان السكن او الشقة اللي تسكنها مش قريبة من المحطة الرئيسية
ولنفرض ان اقرب محطة لشقتك او الفندق مثلا محطة (isartor)
وحبيت تذهب او تذهبين الى مجمع الريم او ما يطلق عليه (reehm) اعتقد يكتب هكذا والمجمع يقع في محطة (Messestadt West)ونلاحظ ان المحطة تقع على اللون العنابي رقم (u2) , (u7) ...انظر الشكل 1....المهم راح تاخذ قطار (s4)وتشوفونه ياللون الاحمر ولكنه ما يوصل لمحطة (u2) , (u7) لذلك سوف تضطر الى ان تقف في محطة يخرج منها
(u2) , (u7)
وتلاحظون انها (trudering) لذلك بتنزلون في هالمحطة وتاخذون (u2) , (u7)اللي راح يقطكم بمحطة المجمع
او فيه احتمال ثاني انكم تروحون للمحطة الرئيسية وتاخذون (u2) , (u7)وهكذا
اما بالنسبة لرقم 2 الموضح بالصورة فهو لو كنت ذاهب الى البحيرة وهي على الخط الاصفر ( اتبع الخط الاصفر على الجهة اليسرى ) تلاحظ ان ممكن تطلع من محطة بيتكم او شقتكم او الفندق وتجلس لين توصل المكان المطلوب بدون ما تغير ولا قطار .
هذي الصورة توضح موقع مدينة الملاهي( تحمل الرقم 4) المحطة اللي توصل للملاهي
( الاولمبياد وتفتح شهر 8 مثل ما قلت لكم قبل )
بينما رقم (5 ) يبين المحطات او المدن التي تقع على البحيرات يعني مناظر حلوة وطبيعة رائعة
ملاحظه مهمة ......
عندما تقرر المحطة اللي بتروحها راح تشوف ان القطار يكتب علية اخر منطقة يوصلها فلو حبيت تروح مثلا مجمع الريموهي على ال ( u2) راح تلقى مكتوب على القطار
( Messestadt Ost ) وهذا اللي مفروض تاخذه وهو في الاتجاه الايمن اذا تلاحظون
بينما لو اخذت اتجاه الخط نفسة مثلا ( u2) اللي باليسار راح يكون مكتوب عليه
( Feld-moching)راح تلقى نفسك في مكان غير المطلوب
وهذا يتبع في كل المحطات
اتمنى اني قدرت اوضح وافيدكم واتمنى اني كنت على قدر المسؤولية
واذا عجبكم الموضوع
ادعوا لي ولوالديني
كل التحية والحب والتقدير للجميع
اختكم الراقية