وحده جاب زوجها تمر وجلس يأكلها واستحت
من رجلها تطلع جدامه النواه (الحبه اللي داخل التمره.... .. قامت تبلع فيها وهو يعطيها تمر... وهي تبلع (خبله) وبعدين ودوها المستشفى
وحده جا خطيبها يشوفها وطبعا هي بتموت من الحيا .
المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها)
ومن يوم شافتهم كان بيغمى عليها . فكرت تطلع. راحت للباب ولقته مقفل ( مقفلته امها علشان ماتطلع)
طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)
المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب وتطيح
طبعا هذي اللحظه البنت كان بيغمى عليها من الحيا وبس وصلت للباب واخيرا طلعت وهي تسمع ضحكات الشباب في المجلس عليها
وحده جات بتخطب صديقتها لاخوها . عزمتها في بيتهم وقالت لاخوها طل عليها من النافذه وشوفها اذا عجبتك نخطبها لك .
وافق الولد ولما جات البنت قدمت الاخت لصديقتها شكولاته
. والبنت ما رضت تاخذ وذيك تلزم عليها. والبنت مصره ماتاخذ . ولما طلعت البنت علشان تسأل اخوها عن رايها في البنت .
الاخو شاف البنت وهي تاخذ من الشكولاته وتخش في شنطتها ولما سألته اخته عن رايه قال موافق على طول . وتم الزواج وفي ليلة العرس يسأل الزوج البنت :
وين الشكولاته اللي خذيتيها من بيتنا؟؟ ( مايرضى احد ياخذ من بيتهم شي بدون مايستاذن .. حمش)
هذا واحد ربعه ماينلعب معهم .. يوم عرسه مرو عليه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل )
وينقز واحد منهم ويتل راسه ويقول للحلاق يالله قص وأبو الشباب ما قصر قص شعر المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت
لازم يشيل الغتره .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه جنبها كنه بينطحها ويسوي حركات كنه مهبول ..
يوم طلعت الشمس قالت البنت : ودني لأهلي .. ( قالت في نفسها أبوي قطني على واحد مامنه رجا !! ) عاد المعرس دق على أبوها وقال
له تعال يوم جا فهمه أن أصدقائه سوو كذا وكذا وأنه شافها خايفه قال خلني أستهبل عليها .. والأب فهم البنت وعدى هذاك اليوم على خير .
ثنين توهم متزوجين .. أول ما رجعوا لبيتهم الا الزوج مجهز لها العشاء ومخليه في البيت من قبل.. أختنا في الله الدنيا مسودّة قدامها من الجوع ..
ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة
.. قالت له لا تسلم شكرا أنا شبعانة .. يقول لها يا بنت الحلال تعالي كلي لقمة ولا لقمتين .. والبنت تقول أبد..
ويحاول فيها من هنا من هناك وهي ميبسة راسها وما تبي مستحيه .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) . قالت لها خلاص انت روح نام أنا بشيل الأكل أول .. الرجل ابتسم ابتسامة صفرا وقال على راحتج.. ما صدقت المرة ان زوجها يدخل الحجرة الا.... طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا هذا الي يمد لها كاس الماي و يقول لها سمي عشان ينزل الاكل في بطنك
من مواقف الخطوبه
رد مع اقتباس
"
