اتبهو من الرد على اي رقم يبدأ بـ 00221

[هاجن داز]

مرة وأنا في السيارة كان معاي واحد من الشباب

وجاته مكالمة شكلها من لبنان المهم أنا قلت له لاترد

بس هو حب يشوف ايش السالفة ورد إلا ويكلمه واحد لبناني

قال : الو ابوعبدالله ؟ الولد من الأستغراب قال ايوه لأن أسمه ابوعبدالله ههههههههههه
فشلون عرف ؟ لو قلنا صدفة ايش هالصدفة اللي خلته يقول ابوعبدالله وماقال أسم غيره ؟؟

المهم قال : كيف الحال وبعدين قاله الولد من معي ماعرفتك
قال : معقولة ماعرفتني يا........ ( سبه بطريقة مزح يعني ماتعرفني )
الولد من الخوف صكر الخط على طووووووووووووووووووول هههههههههههههههههههه

الواعد

كذب المنجمون ولو صدقوا " صدفوا"

شاكر لك مرورك وتعليقك

[ذوق]

ياريال انا اتصل لي مره

وسولفت معاه .... والصراحه ونيس .... وعلى فكره الاتصال من جمهورية السنغال

يقول لي طرش لي الف دولار باشتري خروف وباذبحه لان هناك من يكيد لك كيدا .... ويقولي كم حديث وايات من القران ... وان هو كل يوم يقرا قران ... ولتقول حق احد ... لان انت معمول لك سحر ويبون يضرونك .

ومن الاشياء الي تضحك .... ان انا اصلا كنت عارف هالموضوع ووايد مكلميني عن هالاشخاص ... فالحبيب اتصل لي وقلت خل استعبط عليه .... وقالي انت من السعوديه صح ... قلت له اي ... والغبي متصل فتح خط قطر شلون السعوديه مادري .... فقلت له سبحان الله انت اتعرف امور كثيره ... وعقب سالني وقالي عندكم منطقه اسمها الدمام صح

قلت له اي ... شدراك ... ياخي انت اتعرف معلومات كثيره عني ... قالي اي لاني اعتمد على القران في معرفة هالامور .... ههههههههههه

شكله فاتح كتاب الجغرافيا ... مال مدارس السنغال

هههههههههههههههههههههههههههههههههههههههههههههههههه ههههههه صج ذبحتني من الضحك

بس قدني سمعت هالتنبيه من الكثيرين ... ومشكور على التنبيه مره أخرى

[قريب الدار]

فهم سحرة يستغلونك لو استمعت لهم
العام الماضي احدهم كلمني ويتكلم بالفصحى وواضح انه حافظ الكم كلمة اللي يقولها ويقوللي انه يحمل لي رسالة وعلي ان اعيد الاتصال بة بعد عشرة دقائق
والثاني امس الصباح الساعة 8 ويقوللي معك يحدثك الشيخ وذكر اسم غريب ويسلم علي وبعدين يقوللي لقد صليت الاستخارة وضهر لي رقمك فما كان مني الا ان قطعت الخط

المهم اريدكم ان تحذرو منهم ولا تردون عليهم وترى فتح الخط بالاعلى يخص دولة غينيا

م
شكور على التحذير===والله يكثر من امثالك-وهذا المفروض======== قريب اللدار

[امل الحب]

شكرا لك عالتنبيه..

المكالمات الخارجية مارد عليها

[وطن]

يالله بالستر
اليوم جاتني رنه
من رقم يبتدي بـ +2215......
الساعة 6 الا ربع الصبح
طبعا ما رديت ولا فكرت ارجع اتصل


لايكون هذا يدش المنتدى هو واتباعه ويقرون ردودناااا !!

[القطوة]

جاني اتصال من 002010...فكرت مارد بس بعدين قلت خل ارد واشوف لانه محد يغلط برقمي (خبركم سلطة خخخخ ولا رقم يشبه الثاني!!!!)...وطلعو هلي من مصر...خخخخ ...
زين اني رديت !!!!

[بوخالد2]

اى والله انك صادق اتصل فيني هذا وقالى انه من ساحل العااج

وقالى : اني رايتك في المنام وفجاه ظهر رقمك لى وقلت اتصل فيك واحذر هناك من يعمل السحر باسمك ---- قتله : لاالله لاالله مافي الا انا

قال: نعم وفلذلك يجب ان تخرج مبلغ من المال لي ابعد عنك السحر والشعوذه

قلت : ليكون انت الساحر الى يسولف عن بودعيج في مسلسل الاقدار

قال : لالالا انا الشيخ عبدالله من الساحل العاج

قلت : ياكذاب اغرب عن وجهي ثقلتك امك هههههههههههههه حلوه اللغه العربيه


جزاك الله خير على التنبيه

[هاجن داز]

ذوق - قريب الدار - امل الحب - وطن - القطوه - بوخالد

كل الشكر لكم على هذا المرور الرائع

وتقبلوا كل الاحترام

[مليونيره]

انا زين من ارد على التلفون
وانا رفيجتي صار لها نفس هالموقف بس خير من تلفون عمومي وداق عليها سوداني يقول لها انا شيخ من السودان وانتي معلمول لك سحر وناس تباغي للشر ومن هالخرابيط
وارقام من الجزائر والمغرب وتركيا ياكثرهم

[AL_MUTAEM]

يعطيك العافيه اخوووي على هالتحذير ..

وانا بدوري اقووول فيه رقم ثاني ؟؟؟ 21377456+
اتصلت بالاستعلامات وافادوا ان هالرقم من الجزائر مع اللي متصله وحده تقول انها من تونس بس هذي تحاول تطول المكالمه بأي طريقة كانت وبأسلوب سئ .