نروح الحين على دورة المياة للمقارنة مع الغرفة السابقة
من جزئين فقط
وهاذي مناظر عند الوصول لحديقة الفندق الخارجية
وش بقى يا نعنوش
وش بقى يا نعنوش
>>> لين الحين ما برد خاطره . .
ايه صح تذكرت :
هذا الصراحة البسكوت او الشابورة الايطالية
او البخصم الايطالي
يا إلهي .. تكفون اللي يروح يذوقه
عني لأنه ماجلس 10 دقايق ههههههه
شوفو التسويق بس تكفون
حاطين لك في الغرفة كتلوجات بولغاري
وفيها الشنط والمحافظ والمجوهرات
وكل شي محطوط سعره عنده
اعتقد ايضا هو عبارة عن بوتيك فندقي
تطلب وتدفع ويجيك لي عندك
الأن عاد نجي للجد . .
مزايا وعيوب الفندق :
الموقع :
يبعد عن الدومو حوالي 750 م يعني مو بعيد ولا قريب زين للمشي
لكنه قريب قريب قريب من شارع مونتي نابليوني الشهير للتسوق
ولا يبعد عنه سوى يمكن 400 م او اقل بعد ..
المنطقة : خاصة وامنه ،، ولا يدخل هالحي الخاص أي حد وفيه سيكيورتي وحراسة ..
الغرف :
4-5
يعني ممتازه من ناحية انها ( موديرن ) ونظيفة وجديدة لسا يعني مو زي باقي الفنادق
لكن تلاحظون ان دورة المياه ماخذه مساحة كبيرة من الغرفه تقريبا نص الغرفه
تنظيف الغرف :
جيد 4-5
المطعم : جيد 4-5
المعاملة : فيها ضحك على الذقون كثير ترا
يعني اعطيكم الحالة اللي صارت معي :
عطيتهم غسيل لي انه يعني غسيل + كوي
المهم قالو بكره قلت عادي أي وقت عندي كثير
جا بكره وانا راجع من برا
الا اشوف اللاندري معلق في المعلاق
قلت ممتاز . .
لكن لاحظت :
1- مافيه القراطيس اللي تنحط على الغسيل قلت يمكن ما يحطون هم
2- الملابس هي هي ما انغسلت ولا انكويت ! . . قلت لا يمكن خل ادقق
3- يا جماعه هي هي معفسه بس معلقه على المعلاق ومحطوط عليها ورقة 20 يورو يعني الفاتورة !!
اتصلت عليهم قلت عسى ما شر يا اهل بولغاري الكرام ؟
قالو جايين الحين . .
جا الموظف و وريته الملابس وهي كذا معلقه على المعلاق
شافها استغرب !! قال اسف مدري ايش يمكن الموظف السابق ما فهم عليك !!
لا ياشيخ !
بالله !!
وش اللي ما فهم يا تبن انت وياه
يعني فهم بس انو يخلي البنطلون زي ماهو اللهم علقه على المعلاق وحط عليه الفاتورة !
شي يقهر الصراحه
مدري هل عندهم طقوس معينة في الغسيل والكوي خاصة فيهم ؟
مثلا يجيبون اللبس المراد غسله ويرمونه على الارض
ويأتي بعدها ( بولغاري ) قدس الله سره !!
ويرقص قدام الملابس على طقوس ( دقني دقني ) الشهيرة !
فيقوم اللبس من جراء نفسه ويذوب من فرط عذوبة المقطوعة
وينصلح !!
انا مدري !!
العيب الثاني : من دخلنا عليهم في التشيك ان . .
إلى الساعه 3 الفجر تقريبا
3 مرات متقطعه تنقطع الكهرباء
تخيل بس !!
جالس كذا سوالف وضحك وتتقهوى
شوي والا
دشششششششش . . ظلاااااااااام
وش السالفه !!
قالو لا بس من الامطار في خلل عندنا في المولد
قلت الله يحلل عين خالد ويحلل العزيزيه ويحلل الدوحة عندكم !!
لكن بصفة عامة يعني عشان نكون واقعيين :
يعتبر معلم هام وحبيت ازوره واكتب تقرير عنه شامل للجميع . .
و اجربه . . يعني يعتبر شي هام كونه اول فندق من نتاج مصممي الازياء المشهورين
فتدخله مره عن النفس وتتسجل .. وبس ..
تحياتي . .
إلى التقرير الثاني
ادعو لكم بطيب المتابعة والقراءة
ملاحظه : شفتو ملقوف في الدنيا اكثر مني ؟ ماظن