التيمــــا في فول الصين العظيم

[التيما]

nice

وتروحين وترجعين بالسلامه

يسلمووووووووووو خيمو .. وربي يسلمك

[الخيميائي]

يسلمووووووووووو خيمو .. وربي يسلمك

الله يسلمج من الشر ياليمو

شسالفه ياكثر مايسافرون الاعضاء ويرجعون بسرعه

الحمدالله على السلامة مرة ثانية

[RE-Qatar]

تسلم التيما على هذا الطرح الجميل

[التيما]

الله يسلمج من الشر ياليمو

شسالفه ياكثر مايسافرون الاعضاء ويرجعون بسرعه

الحمدالله على السلامة مرة ثانية

صج تبي الفكه .. انا قلت باسافر اسبوع ويا ولدي وبارجع

[التيما]

تسلمي التيما على هذا الطرح الجميل

الله يسلمكم من كل شر يسلمووو عالمرور

[التيما]

اليوووووم راح اكمل رحلتي في الصين ... وصلنا " بكين " العاصمه ... بالطياره في الليل وتقريبا المسافه اربع ساعات الا شوي مو متذكره بالضبط ... وهاي صوره مطارهم ..





مع انه زحمه لكن قالو لنا ان المطار هادئ هادئ وجذي ؟




المهم .. اخوووووي فديته .. محرمنا عنده اشتراك في نظام للفنادق مادري شسمه ولا ابي اعرف المهم اقعد في فندق وخلاص وحجز لنا من قطر عن طريق النت في منتجع في بكين اسمه "منتجع واحه بكين " وهاي صوره من الانتر نت وهالمنتجع فايف ستار وحلو وراقي صراحه وطرشو لنا سياره عجييييييييييييييييييييييييييبه حبتييييييييييييييين انا لمن شفتها قلت له يبا تأكد اخاف اركبها بفلوووس شدراني انا انهم يدلعون النزلاء جذي









المهم ريحنا ورقدنااااااااااااا ومافي شاي .. واحنا رحلتنا في بكين يومين بس حجزنا مع مكتب في بكين لزياره منطقتين في بكين هم المدينه المحرمه .. وسور الصين العظيم وخذو عالشخص 65 دولار وهاي السعر معناته درجه اولى ... والاسعار في بكين اجمالا رخيصه وفنادقهم فايف ستار اسعارها ارخص ما يمكن وتبدا من 40 دولار ..

قعدنا الصبح لان رحلتنا تبدا الساعه عشر للمدينه المحرمه .. وبدينا رحلتنا بجوله في شوارع الصين .. وكان الجوووووووووووو مطرررررررررررررر وبما اني تسنعت من المطر في غوانزو طلعت ناصحه وخذت معاي مظلتي لبكين





ومرينا على سوووووووووق الله لا يوريكم لاعت جبدي بس حسي المنتدوي قالي الا اصور ..





وصلنا المدينه المحرمه .. وقعدنا في الباص لين خف المطر وطلعت الشمس وهاي خريطه للمدينه المحرمه جوالي بدا يشتكى من الصور وبدت الذاكره تمتلي ..



واحنا هناك جنا نفس الهند ساعه مطر ساعه شمس .. حالتهم حاله .. المهم هالمدينه المحرمه هي بيت للامبراطور وصارت متحف يفتح الان لملايين السياح











كرسي الامبراطوووور ..

[بوخالد2]

شي عجيب والله يالتيما

تصوير جميل ورحله سعيده

[التيما]

وثاني يووووووووم كانت رحلتنا لسور الصين العظيم .. ودفعنا لهالرحله حوالي 55 دولار من غير الاكل .. من زين اكلهم

وقالو لنا افطرو عدل لان الرحله طويله ومتعبه .. وخذنا معانا شيبس وسندويشات جبن مسوينهم من مونتنا وكم عصير وطلعنا من الفندق حوااالي 10 الصبح وتمينا في الطريق ساعتين ونص تقريبا .. اذا مو اكثر لان الباص كان يوقف عشان السياح يصورون في بعض الاماكن ,, والمناطق واحنا رايحين روووعه صرااحه ..






وللامانه في صور للسور استعنت فيها من النت لان جوالي اشتكى


" سور الصين العظـــــــــــــــــــيم "





يمتد السور أكثر من خمسة آلاف كيلو متر في الأراضي التي تعبر شمال الصين وبارتفاع لا يتجاوز عشرة أمتار، ويبلغ أوسع عرض له نحو خمسة وسبعين مترا وأضيق عرض لا يقل عن ثمانية أمتار، وقد أنجزه الامبراطور تشين شي هوانغ قبل أكثر من ألفي عام بزمن قياسي لم يتجاوز السنوات العشر عندما أمر بتشغيل نحو ثلاثمائة ألف عامل على مدار الساعة حتى نجح في خلق ترابط لأجزاء السور المقطع في الدويلات الست المتحاربة وقد وحدّها بالقوة تحت زعامته عام 221 قبل الميلاد

ووصلنا سور الصين ... شي عجيييييييب ومنظررررر رهيب صراحه وقفت بس اطالع اول ما وصلنا ما قدرت اسوي اي شي وعقب بديت اصور .. وفي ناس جات وهي ناويه تمشي السور كله .. مالهم امل اسويها لانهم عادي عندهم يرقدون اي مكان بس في مراكز استراحه وظل في السور .. احنا صراحه مشينا كم ساعه وتعبنا وريحنا وتغدينا وقلن نعود لان ورانا سفره لشنغهاي يومين بنروح لها بالقطار فقرر الجروب اللي معانا وكانو كلهم اجانب لنهم بيتمون حالهم حالنا لين الساعه ست ونص وقالو لنا ان منظر السور بالليل بيفوتنا بس لقيته لكم في النت ..










وللعلم المكاتب للرحلات موجوده في الانتر نت وبكثره .. ولو رحت وحجزت هناك ارخص بعد بواااايد وهاي من تجربه وفي مكاتب تسويلك رحلات ليوم او يومين ومه او بدون الاكل .. وانت عليك تختار .. في بكين ما تعبنا وااايد لان كل شي مرتب وناس تتكلم انجليزي شوي عبرنا هاليومين مع هالمكتب هبابنا نرد الفندق ثمان بالليل ونرقد عشان ثاني يوم ..

اتمنى افدتكم لو بشي بسيط .. والرحله الجايه لشنغهاي وهونج كونج مع بعض ..

سلملم

[التيما]

شي عجيب والله يالتيما

تصوير جميل ورحله سعيده

تسلم بو خالد2 اسعدني مرورك

[الخيميائي]

نايس يصير نخزن الموضوع علشان المستقبل والا في حقوق ملكية فكرية بعد

شكرا التيما على الموضوع وننتظر الرحلة القادمة