التيمــــا في فول الصين العظيم

[التيما]

شدخل الفوول


مرحباااااااااااااااااااااااا هالكبــــــــــــــــر انا جيييييت عشان اسندركم في رحلتي هاذي المره إلى .........

" بلاد الصين العظيمــــــــــــــــــــة "

قررنا السفر شهر ثمانيه لان اجازة الأخ " المحرم " في شهر ثمانيه وطبعا اشتغلت انا وخواتي عالنت عشان نعرف هالبلد وسمعنا ان لازم فيزة وقدمنا جوازاتنا للسفاره الصينية في قطر وقالو لنا ::

تبونها اليوم ولا بعد اسبوع ؟؟ من لقافتي قلت لهم شالفرق قالولي اذا بنفس اليوم تدفعين 140 ريال واذا بعد اسبوع 120 .. قلت له لا يبا اسبوع خمس نفر في 20 = 100 ريال بوفرها حق الكوفي في المطار ..

ابشركم لمن حجزنا ما لقيت روحه عالبيزنس والمسافه من هني لهونج كونج تسع ساعات ساعه تنطح ساعه .. يمين يسار مافي .. وتقترح علي في القطريه روحي بالاكنومي وارجعي بالبيزنيس في واقولها بس برستيجي وتضحك علي وتقولي سيبيه هنا ما تخديهوش معاكي .. جنها طيحت الميانه معاي

المهم توكلت على الله وحجزت مثل ما قالت .. بس اخوي وخواتي بيهاوشوني .. واشرب ديو شدخل ؟؟ عشان اقوي قلبي واقولهم وطاحو فيني طيحه طب وانا مااااااااااااالي روحو هاوشوها

المهم توكلنا على الله الخميس ليله الجمعه 3 اغسطس فجر الجمعه ونروح المطار .. وياحلاته فااااااااااااضي ..



وينادونا للطياره وحده الا ربع وربع ساعه بالباص عشان نوصل الطياره ماكنت ادري ان مطارنا هالكبر .. وقعدنا وجهزت قصتي اللي بقراها حق الملل 9 ساعات .. الناس ارقدو الا انا واختي خفافيش

واخيرا وصلنا وهاي الصور من الطياره شنو رووووووعه المناظر







وهاي مطار هونج كونج .. ترى القادمين صغير بس المغادرين كبييييييييييييييييييييير



نزلنا المطار .. حسيت اني في مطار دبي طوييييييييل وممرات متحركه وعقب درج نزلنا مع الكل ووراهم والحمد لله في لوحات بالانجليزي .. وشوي الا نشوف جدامنا قطار شسالفه ؟



وقلنا اكيد بيودينا للجوازات وفعلا وصلنا للجوازات وعالزحمه بس خلصنا بسرعه وخذنا الشناط ونبي نطلع بس قعدنا نفكر بالباص ولا بالقطار ؟؟ رحت حق مكتب حجز الفنادق في المطار وحجزنا حق هونج كونج عقب خمس ايام وسالتها عن الروحه " لغوانزو " بالقطار ولا بالباص احسن قالت لي بالباص .. ورحنا لمكتب الباص كان احذا مكتبها ..



اعتقد كانت تذكره الباص حوالي 150 دولار هونكونجي حوالي 75 ريال ودفعنا بالدولار الامريكي .. وحطو لنا ستكيرز على ابه الملابس وقالو لنا خلو بالكم منه لا تقطونه وعطونا ماي ببلاش الظاهر مع التذكره .. وركبنا باص صغير ووصلنا لحدود الصين وقالو لنا شيلو النظاره الشمسيه وعطونا الجوازات بيشيكون عالفيز وخلصنا ووصلنا عقب 20 دقيقه لين محطه الباصات الرئيسيه واللي ندخل منها الصين عبر محطه جوازات واختمو على جوازاتنا وطلعنا من المحطه محتاسين شسالفه ؟؟ ..



الا جاو بنات لابسين نفس لبس البنات في المطار واعرفونا من الاستكيرز .. وقالو لنا وين رايحين ؟؟ قلنا لهم تشاينا هوتيل وركبونا الباص وخذو الاستكيرز الوردي وعطونا ابيض .. وماي ببلاش اقولكم مع التذكره

وخذ منا الطريق حوالي ساعتين الا ربع وقف في مكان واحد ونزلو ناس وكمل للمحطه الريئسيه اللي طلعت مقابل الفندق اللي نبيه وهو تشاينا هوتيل مباشره ..



وكنا بنقطع الشارع عشان نوصل للفندق بس اشوا انتبهنا ان في ممر ونفق ارضي يربط بين الرصيفين ونزلنا بشناطنا ووصلنا لين بوابه الفندق مباشره



وقلنا لهم نبي نحجز لمده خمس ايام وكان ارخص من الحجز من الدوحه .. لان لمن حاولت احجز من الدوحه طلع لي غرفتين لشخصين حوالي 9000 ريال وكنسلت الحجز وطلع لي من هناك الحجز حوالي 2600 ريال قطري = 5200 وان او ريمبي تقريبا .. فرق صح

ورحنا الغرف .. اللي كنت اسمع انهم ضيقين و و و وطلعو عاديين جدا يمكن لانه فندق خمس نجوم يمكن ..




الباقي في المره الجايه تعبت

اتمنى اكون فدتكم بشي .. والصور الباقيه على اجزاء ان شاء الله .. وبحاول اخلص الصين هالاسبوع لاني مسافره الجمعه ان شاء الله ...

[ريان]

بالتوفيق انشاءالله

ورحله سعيده .بس لا تطالعين في عيونهم واااجد

وبغيت منج خدمه . ابيج اتعدين سور الصين كم خطوه

لاني متعايي انا واحد من الشباب

[التيما]

بالتوفيق انشاءالله

ورحله سعيده .بس لا تطالعين في عيونهم واااجد

وبغيت منج خدمه . ابيج اتعدين سور الصين كم خطوه

لاني متعايي انا واحد من الشباب

تعايي بروحك يبا لا تحشرني بينكم " شرير "

[آخر العشاق]

تسلمين اختي التيما .. ننتظر باقي التقرير

[(احمد)]

الحمدلله على السلامة

رحلة وتقرير موفق

[الوضع ما يطمن]

شدخل الفوول


مرحباااااااااااااااااااااااا هالكبــــــــــــــــر انا جيييييت عشان اسندركم في رحلتي هاذي المره إلى .........

" بلاد الصين العظيمــــــــــــــــــــة "


ابشركم لمن حجزنا ما لقيت روحه عالبيزنس والمسافه من هني لهونج كونج تسع ساعات ساعه تنطح ساعه .. يمين يسار مافي .. وتقترح علي في القطريه روحي بالاكنومي وارجعي بالبيزنيس في واقولها بس برستيجي وتضحك علي وتقولي سيبيه هنا ما تخديهوش معاكي .. جنها طيحت الميانه معاي

شعندها اللي ما تسافر الا على البيزنس الله يرحم ايام قبل على السياحية وكله صوب الكرسي اللي صوب تواير الطيارة

الا صحيح شموديكم الصين ؟؟

اخاف تجار جملة

[كويتي فهمان]

بانتظار جديدج

والحمد لله على سلامتج وسلامت اختج وسلامت الاخ المحرم خخخخخخخخخخخخخ

[عزوز المضارب]

تقرير رائع وسرد اروع متالقه اختي التيما وننتظر باقي التقرير ...الصين في بالي كانت هالسنه لكن اجلتها للسنه الجايه ومن تقريرك بتشجع عليها ان شاء الله ..

والحمد الله على سلامتك

[التيما]

تسلمين اختي التيما .. ننتظر باقي التقرير

ربي يسلمك اخوي آخر العشاق

[التيما]

الحمدلله على السلامة

رحلة وتقرير موفق

الله يسلمك .. شاكره مرورك :d :d