هلموضوع هو الصدق في موضوع الغلا و العقار و كل شي يصير في هلبلاد

[مرحوم قطر]

والله حالتكم حاله

يالله اسمحولي على هلكلمه لاكن هذا الصج صارة حالتنه حاله و العالم قامت تضحك علينه

والسالفه كلها عبط في عبط و بوق في بوق

انا بقولكم شي

قبل اربع سنين تقريباً كانت قطر بلاد شعبها محبوب ناس على قد حالهم مافي غني ولا في فقير

كنه كلنا واحد بس شلي صار

قلنا نبي نتطور

وهذي الغلطه الي غلطناها

تطورنا بس على وشو على حساب الشعب و على حساب نفسنه و كرامتنه و اصلنه

تطورنا على حساب هلاجاني الي نشوفهم في شوارهنا لا اخلاق ولا دين

تطورنا على حساب رجولتنا قمنه نرى بالغلى و نسكت عنه

تطورنا على انقليزي في يده انقليزيه لابسه شورت ليت نص فخذها

تطورنه على هل عرب الي في بلادنه يتمشون و كل واحد في يده تايلنديه ولا صينيه

هذا هو التطور الي يدورونه ( ماعتقد بس للاسف )

بس قال الرسول صلى الله عليه و سلم ان كل بلاد يكثر فيها المعاصي و المفسدات

يتطيح و بتنذل بين الامم و حنى يا شعب و يا شباب ساكتين مانحرك ساكن

سالفة الغلاء :

يالربع ترى السالفه مب سالفة اراضي سالفة ثانيه

و العقار صدقوني بينزل و كل شي بينزل بس بعد شنو ؟.؟



ترى السالفه لاهي ابعرض ولاهي ابطلب صدقوني السالفه غير

السالفه هي ان هذا هو شعب ساكت مسالم مايتكلم و لا يقول شي غير الله كريم و يسكت



و في ناس وهم المسؤولين عن هلغلى وهلمصايب كلها

قاعدين شيسوون قاعدين يبوقون عشان يجمعون اكثر قدريقدرون عليه من فلوس و بعدين

لما يشوفون الشعب صفرخلاص بيقولون الحين خلاص اكتفينه هلناس ماعندهم شي

و كل واحد فيكم يدري ابهلشي بس يقص على عمره و قاعدين تتهاوشون مع بعض

صدقوني ترى اهني في قطر لاهو ابعرض ولاهو ابطلع

السالفه سالفة بووووووووووووووووووووووووووووووووووووق ماغير البوووووووووق


و للاسف من الي يبوق ناس من هل قطر وهم هوامير يبوقون من دون حساب

وتحتهم هلاجاني تبوقك وهي تضحك واذا اعترضت تقول انقلع دورلك محل ثاني

لان يعرف انك بترجعله ذليل لانهم كلهم ربع و سعرهم مظبطينه

يبوق كل الي يقدر عليه و بعدين يرجع بلاده


يالله تكفون الي مب مصدق كلامي يجرب

روحو الصناعيه

روحو صوب الهنود الي يبيعون اسمنت و اسالوهم ابكم الكيس

لا تشترون خلوه و روحو عنه

و طرشو الدريول يسال و شوفو اذا ماكان سعر الدريول اقل ولا لا

واذا مب اقل انا غلطان


روحو اي محل روحو نجار و شوفو اشلون السعر و اذا كاسرتوه عادي يزعق عليك و يطردك من المحل

هذا كله ليه لانه هونه ابنفسنه و المصيبه ان الحين الوضع تغير


قبل كنه نفزع حق بعض

الحين كلمن قام يقول مالي خص

قبل اذا في كفيل شاف مكفوله يغلط على هل قطر امسكه و لعن قفده و سفره


الحين الهندي و غيره من العرب يزعق عليك و يحاججك ابكفيله لان يدري كفيله بيحميه


اذا رحت مركز شرطه تشتكي القانون مب نفس قبل عادي ينصرونه عليك

ولا قضيه توصل سنين قده بايق و شبع بوق و يبي يسافر

و يدورله تذكره يقول سفروني

يسوي اي مشكله عادي يغتصب و يقول كيفكم يا اغتصب او سفروني بلادي لانه خلاص اكتفا

روحو القراجات

روحو الجمعيات

و الحين فيالجمعيات طالعين طلعه جديده

حبر الطابعه مخلص

عشان ماتشيك من وراهم

ونت اشدراك اذا الكشير مايزيد

وهذاغير ارتفاع اسعار المواد في الجمعيه

لان يدري مالك الا الميره و كم جمعيه

يا كذا يا طق راسك في الطوفه

و كل مالهم و يرفعون ليش

لان يدرون ان هذا قطر غصب عنه بيدفع عشان ياكل و ماوراه ضهر يحميه

لا قوانين ولا شي

فلاعبين لعبتهم و يحاولون يبوقون اكثر مايقدرون يبوقونه قبل لا يحكرون لهم

و في الاخير من الي بياكلها هلمواطن


بقولكم سالفه يالربع

صارتلي انا شخصياً

رحت محل زينه اركب مخفي كامل 10% لان الشمس اذبحتي

و ماعندي فلوس اركب عازل حراري

كلمت الهندي قالي بركبه ابميتين ريال

هذا وانا اعرف الهندي مظبط معاه يبلفيت

قلت له يا فلان في السعوديه يركبونه اباقل من نص سعرك

والله ثم والله ثم والله يالربع ان قالي الكلام الي بقوله بالحرف الواحد

قالي بسالك سؤال

كم راتب العسكري في قطر

قلت له فوق العشره

قال و كم معاش مالعسكري في السعوديه

قلت له حروة الاربعه

قالي يعني معال مال عسكري داخل قطر كبير لازم انا بعدفي فايده

و عسكري داخل سعوديه معاش شويه كيف يطلع فايده


اقفلت الدنيه في ويهي خميته كف تحت اذنه خذت المخفي عفسته و طلعت من المحل

قالت له براويك يا الحرامي الحين بييبلك الشرطه قالي مايقدر يسوي شي

شرطه شنو يسوي انت معلوم هذا محل مال من بعدين سوي كلام




شرايكم

هذا صارت من شهرن تقريباً





يعني بمعنا اخر المواطن القطري صار غريب في بلاده ويحتاج كفيل


صال مسفل فيه كلمن يلطش فيه من صوب و يبوقه من صوب ومحد يفزعله



شتبونه انسوي تبون نبوق مثل بلادين غيرنه ولا تبونه نحذف حصه مثل البحرين




شاقول و شاخلي

قالوا بيزيدون الرواتب و هذا هو الحال على ماهو عليه

قالوا بيسددون السلفيات وهذا هو الحال على ماهو عليه

و هلشعب المسكين مطقوق بين هندي حرامي و عربي نصاب

وبين بنك يسحب قسطه و بين مرور حاكه موتره مخالفات

وبين مدارس قامت تطلب و بين مستشفيات فاشله و ماله الا الخاص

و بين راتب معاد يقظي ولا يوفي و بين بران الي كل يوم بر محوطينه ليش مايندرى





وبين حاجة عيال و الي مب متزوج ماله الا البحرين و الحرام لانه مايقدر يتزوج

و بس بلاد تصرف ملاييييييييييييييييييين المليارات على حفر في الشوارع

و على ناس اييبونهم من برع يبوقون و كل من يغطي على الثاني

الكبير يغطي على بوقة الصغير و الاجنبي يغطي على القطري الكبير

وفي الاخير انت يا المواطن العادي ملعون خيره ادفع وانت ساكت مالك فزعه



عندي كم سؤوال في الاخير اتمنا تجاوبوني عليهم

اول شي ليش تستخسرون على القطري يعيش عيشه كريمه ؟.؟
ليش تستخسرون عليه الماي و الكهربه ابلاش , ليش تستخسرون عليه
الراتب الحلو دام بلاده غنيه ليش تستخسرون الارض ليش القرض ليش دفس الديون .



والسؤوال الثاني و الاهم :-

اذا لا قدر الله و صار في بلادنه الي صار

لو دارة الدايره علينه و شفنه عدو الله داخل هلبلاد بسلاحه

يسرق خيراته و يغتصب بناته و يهدم بيوته و يحرق ارضه

من الي بيفزع ؟.؟

الهندي , الفلبيني , ولا يمكن الخبير الالماني , ولا الدكتور البريطاني

ولا اخاف مع احترامي للعرب البناني ولا المصري ولا غيرهم ( تكفون تقبلوها بصدر رحب )

لان الاغلبيه الشينه تخرب على الاقليه الزينه و الخير يخص و الشر يعم


ابي اسال هذولا هم الي بيفزعون حق قطر الي مسلمينهم الخيط و المخيط في مؤسسة البترول

و مستشفى حمد و و و و و الخ الخ الخ

هذولا ولا



ولا حنى يا هل قطر

حنى يا شباب قطر من الي بيفزع الي فوق

ولا شباب الريان و شباب الجنوبيه وشباب الوكره و الخور

للاسف مابيشوفونه الا لما يحتاجون لنا

بس ترى في وايد مابيلاقونهم






والله ماقول الا كلمتين من بعد دعائي لله



الفزعه يا بومشعل

[haya99]

صح لسانك
كل كلامك صحيح
للاسف صارت حالة القطري يرثى لها
الفززعة يابومشعل

[سبع قطر]

والله صدقت يامرحوم

بالاول كانو اهل الخليج يحسدونه على الترابط الي بين اهل قطر وشعب قطر

ولكن للأسف دارت فينا الايام وصار حتى الاجنبي يقولك تعال خم وغسل ونظف << وهذي الكلام في مؤسسة البترول

تخيلو واحد اجنبي وشهادته مثل شهادتك وخبرته نفس خبرتك واهو معاشه 60 و 50 الف وانت معاشك 25 واذا كثر 30 الف ويقولون لا اهو احسن وخبير ومادري ايش مب قهر ياجماعه والمشكله انه يتأمر عليك ويسويك دريول عنده واذا تكلمت انطردت

وتعال عاد دور لك شغل حتى الشهاده الثنويه الحين ماتسوي شي لازم جامعي

والحين كل شي يمشي بالوسطات ولازم واسطه قويه قويه وهذي الايام الدوله مشدده وايد وايد واعتقد هذي السبب الي يخلي شعبنا يبخل حتى على نفسه

والسموحه منكم وماقول الا

الفزعه يابو مشغل

[وحيد-الشوق]

والله انك صادق اخوي وجبتها عالجرح

احييك على هالكلام الجريء والصادق

لكن ايش راح نقدر نسوي

[ام حمودي]

رسائل واضحة و صريحة
رغم طولها لكن شدتني اقراها للاخير بسبب لهجتها الواقعية
احيي فيك هذي الروح و هذا النطق
يا _ مرحوم قطر _
الله يرحمنا و اياك برحمته

[مضاربه]

طحت على العوق يامرحوم قطر لكن شنقول وشنخلي على سالفه الاجانب كنت في السيتي ودشيت المصلي في الدور الثالث ابي اصلي الا وحده اجنبيه لابسه عبايه يالسه وحاطه صحون اكل تاكل وتاكل ولدها قلت لها لو سمحتي في طاولات برا ليش ماتاكلين برا انخنقنا من الريحه تدري شنهو كان ردها الستي مب مال انتي مب عاجبج طلعي برا قلت لها صج ماتستحين بلادي وتطرديني قالت انتي ماتستحين هذي حاله من الحالات الي نشوفها يوميا ننذل في بلادنا والحق دايما مع الاجنبي

[OTBD]

والله العظيم اني ناقشت على هاي الموضوع من زماااااااااان بس بحدود التجارة

يعني اذا كنت انت المسؤول في منصب في الدولة وجاك شخصين ودخلوا عليك المكتب

واحد قطري واحد هندي والقطري على قد حاله والهندي عنده ملاييين الملايييين وانت عندك

مشرووووع استثماري بتعطيه حق من لاتقولي والله انا كافل الهندي ولي نسبه ترى

يوم الايااااااااام رايح يكون الهندي والاجنبي الطرف المباشر وله كامل

الحقوق في الاستثمارات القطرية بدون مايكفله القطري والدولة سياستها استثمارات

وتجارة يعني الي عنده فلوس يدخل والي ماعنده خلك بررررع ليش تخسرني

والايام تتصعب ياشباب سنوياً يطلع قانون جديد لو

نرجع بالوظائف قبل 10 سنوات كان المرشح ضابط تخلص اعدادية وتعلق وبعد صعبوها

صار لازم تخلص ثانوية اللحين جامعي مايعطونك وقبل كنا عايشين بدون اسهم

الكل يساعد رفيجه والخير كان يعم البلد بشكل عاااااام واذا الواحد صار فيه شي فوق نص

الدوحة تفزعله واللحين الجار والاخوان مايفزعوووون لك

[قطري عصامي]

الله يعينا

[king fish]

ولا قضيه توصل سنين قده بايق و شبع بوق و يبي يسافر

[ضوى]

كلامك منطقي ويحمل غصة بالقلب ونحن نحملها معك

نعم يا اخي كلامك واقعي وصحيح مئة بالمئة ، ماذا نفعل ؟؟ ما نغير وكيف نغير هذا هو السؤال ؟؟

استوقفتني بعض النقاط في موضوعك المؤلم وهي كالتالي :


قالوا بيزيدون الرواتب و هذا هو الحال على ماهو عليه

ما في فايدة من زيادة الراتب ، كان الراتب ضعيف وكنا عايشين الحين الراتب قمة بس كل شئ غالي واللي داخل قد اللي طالع ويمكن اللي طالع اكثر ، حزمة البقدونس كانت بربع ونص من كم سنة الحين حزمة بقدونس ب3 ريال عاجبك زين مو عاجبك روح ازرعه بنفسك ببيتكم وقيس على هالمثل الكثير من الاشياء .

قالوا بيسددون السلفيات وهذا هو الحال على ماهو عليه .

وسددوا السلفيات وبعدين ؟؟ الغلا هو هو الا بتزيد الديون والسلفيات الحل اقتلاع جذري للغلا الفاحش اللي صاير هذا هو الحل ، ردع الجشعين ومقاطعتهم اللي للاسف هي الحل الوحيد لجشعهم وطمعهم

و هلشعب المسكين مطقوق بين هندي حرامي و عربي نصاب

الهندي الحرام احنا اللي كبرنا راسه باعتمادنا عليه والا كفو واحد منهم يكلم واحد من شيبان الاول مثل ما يكلمنا الحين؟؟ ما في احترام ولا توقير مو بسبب الجنسية على الاقل بسبب وجوده للقمة العيش . العربي النصاب احنا اللي بينا له اننا شعب مرفه وكل قطري قاعد على بير نفط تحت بيته وهذا كفيل انه يركب فوق روسنا ويدلدل ريوله بعد ومن ينصفك ؟؟ رب العباد اللي العدل عنده بس مهو في الارض وبقوانين وضعية وضعها انسان يشكلها ويغير فيها مثل ما يبي .

وبين بنك يسحب قسطه و بين مرور حاكه موتره مخالفات .

اسمح لي لما تخالف لازم تتجازى هذا قانون بس كنت اتمنى يتطبق عالكل مو عالفقير بس .

وبين مدارس قامت تطلب و بين مستشفيات فاشله و ماله الا الخاص

ليش خاص ؟ كا احنا تعلمنا بحكومي والحمد لله طلعت دكاترة واستاذة وعباقرة بس للاسف ما عطينا الحكومي فرصة وطلعنا فيه عيوب الدنيا .وكأنه الخاص ما فيه اي عيوب الا بالعكس العن من الحكومي .وشوف المشاكل في الخاص وانت تعرف هدفها ربحي فقط لا غير والا العلم لك عليه شوي


و بين راتب معاد يقظي ولا يوفي و بين بران الي كل يوم بر محوطينه ليش مايندرى

سالفة البر مدري عنها ، الراتب يكفي ويزيد لو تم تقنين كل شئ مب حاطين الخيط والمخيط في د التجار يزيدون متى ما بغوا وشعللوا الاسعار متى ما بغو امطلوب نقطة نظام حاسمة في وجه هالتجار


وبين حاجة عيال و الي مب متزوج ماله الا البحرين و الحرام لانه مايقدر يتزوج

لا اسمح لي الحاجة ما تدفع للحرام او للزواج من الخارج ، فيه شئ اسمه صوم يعف الشاب فيها نفسه عن الحرام ولا نبرر لنفسنا الحاجة تدعو للرذيلة

و بس بلاد تصرف ملاييييييييييييييييييين المليارات على حفر في الشوارع

معاك وبقوة ، تحفر اليوةم وبعد سنة يقولون المقاول غش وخذ الفلوس وشرد

و على ناس اييبونهم من برع يبوقون و كل من يغطي على الثاني

خليهم يبوقون بيتهنون في الدنيا بس في الاخرة بناخذ حقنا منهم والله لا يسامحهم في اللي باقوه


تحياتي لك