اعجبني هذا (((( الرجل ))) في فطرته وسجيته
وهذا لسان حال اهل قطر
لكن
اعجبني هذا (((( الرجل ))) في فطرته وسجيته
وهذا لسان حال اهل قطر
لكن
المشاكل هاذي كل ما لها تتراكم وتتراكم ..
وسمو الأمير وولي عهده وسعاده وزير الخارجيه حفظهم الله
واعدونا على برلمان منتخب من الشعب اقطري .
مالنا حل إلا ببرلمان يحل مشاكلنا إلي تتراكم ...وتتراكم والي ذكرتها أخوي .
بلا وطني الحبيب ولا شكوى في المنتديات ولا وجع راس !!!
شوفو البرلمان الكويتي يحلون مشاكل بشكل جيد وممتاز .
والشعب الكويتي يعيش في رغد وسواسيه بين المستثمرين والأجانب
ومطالبهم تتحقق ... وللي ينهب البلاد ينكشف أمرة عند البرلمان .
الله يجزاك خير أخوي مرحوم قطر
على هذا الكلام الطيب
والله يعين الجميع
اللهم لك الحمد كما ينبغي لجلال وجهك وعظيم سلطانك
اول شي اشكر كل من رد على هلموضوع و اسمحيلي اختي ارد عليد
وبين بنك يسحب قسطه و بين مرور حاكه موتره مخالفات .
هل يعقل اني ادفع مبالغ خياليه توصل الا 5000 ريال على غلطه بسيطه غلطتها
هل يعقل اني اشتري سياره بميه و بميتين الف و في الاخير تخترب من الشمس لان
ادارة المرور ماتسمح بالمخفي ولو 10% توقيني و توقي سيارتي هلعناء اليومي
هل يعقل ان ادارة المرور مالها الا انها تتلفت و تستعرض عضتلاتها على الشباب
و هلتريلات كل يوم و الثاني ذابحه واحد من عيالنا ولا حسيب ولا رقيب غير شعارات
مالها داعي الا اسبوع مروري و الا ثبوت و حمله
و يقولون اذا شفت تريلا تخالف بلغ عنها
ذاك اليوم بلغت قالولي وقفه و خذ ليسنه و ييبه مركز مكينس لانه كنه على خط بوسمره
الحين انا مسافر و معاي اهلي اوقف جلف 3 او 4 راكبين مدرعه شبيسوون فيني
هذا شي وشي ثاني بخصوص الفقير لا المخالفات علكل و هذا شي اشهدله.
وبين مدارس قامت تطلب و بين مستشفيات فاشله و ماله الا الخاص
تدرين ليش الخاص لان اذا ياج الليل و ظرب عليج الظرس مالج الا الخاص لان مستشفى
حمد على كلامهم كل يوم يطورونها لاكن مانشفون شي العن الم الم الظرس و مافي طواري
اسنان و خصوصتاً في الليل مع ان العن وقت
مره وديت اختي طواري حمد قيمتني الساعه 2 الفجر ماتقدر تتنفس ياتها حالت الربوا
وديتها الطواري والله مادخلوها الا لما ويها صار بنفسجي و بغيت اظرب الدكتور قهر
و يوم دخلوها بدل مايحطون لها البخاخ حطولها الوايل الي خنقها زود
يعني كان ممكن تموت فيها ولا الا انقليزيه يبلفيت انها خبيرت نيرسات
و بين راتب معاد يقظي ولا يوفي و بين بران الي كل يوم بر محوطينه ليش مايندرى
شبقنن وشبسوي و كل شي نار
وسالفة البران
انتي احسبيها
من محطة عنيزه ليييييييييييييييييييين سميسمه البر امبند و في فتحه حق الوسيل
و من سميسمه لييييييييييييييييييييييين الخور البر مبند لين المحطه
من بعد بونخله لييييييييييييييييييييين بوسمره البر مبند بستنثاء لفة سوده نثيل و لفة النقيان
و من دوار البرشوتسابقاً لين الوكره و الحين قاموا يبندون صوب ام الحول ماتمةالا دخله وحده
ليش هذا كله وين بنروح
وازيدكم من الشعر بيت سامع كلام ان بيبندون العديد يعني خلاص مافي عديد
وين نروح ؟.؟
الستي ننصب خيمتنه اهناك ؟.؟
ولا نطلع في شوارع الدوحه تلوع جبدنه من الزحمه و من الجلف الي تارسين الشوارع
وبين حاجة عيال و الي مب متزوج ماله الا البحرين و الحرام لانه مايقدر يتزوج
انا ماقولج ان الحاجه تدفع للحرام
لاكن انتي شوفي حال ربعنا و بالاخص بخص بالذكر فأت الاعمار من 17 لين 25
الشباب الي توه طالع
اشحصل اهني وشلقا غير قانون منع التجمهر و غير زحمة البلاد و بران مبنده
و دورية المرور و دوام ملعون ينحك حك طول الاسبوع في الاخير يقولون له ماتشتغل
و كل هلمشاكل الي فوق يشوفها قدامه و مايقدر ينطق
شتبينه يسوي يصوم مايقدر تدرين ليش لانه بيطلع يتمشى غصب عنه بيفطر
بيروح الكرنيش بيلاقي تايلنديات و صينيات لابسين شوت تقولين ملابس داخليه
يتمشون ابها في الشوارع وهو اعزوبي شلون بيقدر يكمل صيامه
الحين حتى في رمضان تشوفون هلاشكال يتمشون في الشوارع بزقايرهم و بالبيبسي
كنهم الا مبشرين يايين ينشرون الفسق و الفساد
ربعنا وين قاموا يروحون قاموا يبردون حرتهم في البحرين و الامارات يعني برع قطر
لان في بلاده كل شي عليه ممنوع و على الاجنبي مسموح
والله يا اختي ان شبابنه تلاقينهم يسوون اشياء ماكنه نسويها في عمرها
وحنا صغار ماكنه نسكر و نعربد
العين ربعنا سكر و عربده و دوم في المراقص من شنو ذي هذا الشي مايعكس واقع
اظلم هو عايش فيه ؟.؟
الله كريم و انشالله بينصرنه
وارجع و اقول الفزعه يا بو مشعل
معذرة يا اخواني انا اختلف مع معظم هذا الحوار
و ان كان هذا الحوار عاطفي و يشد المشاعر
اذا ما سوينا شيء قلتوا شوفو دبي
و اذا سوينا قلتوا الاسعار غالية
و بعدين طريقة الحديث عن المكفول و كأنه عبد
و هل نقبل ان يكلمنا احد بنفس الطريقة اللي نكلم احنا فيها الهنود
متى استعبدتم الناس و قد ولدتهم امهاتهم احرارا
صاحب محل تركيب المخفي ارتفع ايجاره من 1500 ريال الى 15000 ريال
و تبيه ما يرفع سعره
عصير بو نص صار بريال يعني 100% زيادة
سعر البترول 70 دولار
المصنع اللي يصنع طاقات الثياب في اليابان ارتفعت فاتورة الكهرباء
عنده و لازم يرفع سعره
الغلاء يا اخوان عالمي و ليس محلي
و اسمحوا لي على الإطالة و الاختلاف في الرأي لا يفسد للود قضية
صح الله لسانك يا مرحوم قطر والله عورت قلوبنا
الفزعه يـــــــــــا بــــــــــــو مشــــــــــعل
امس رايح اشتري بطاريه حق السياره وسألت الهندي وقالي 390 واقل وحده
عنده على 320 والله سكت وبدون ماتكلم قالي ارتفعت اسعارهم وقام يتعذر
وقبل كانت اسعار البطاريات من 80 ريال لين 180 او 190 ريال يعني ارتفعت ضعف السعر
ورحت كم محل ولقيت الاسعار نفس الشي واغلى بعد .
ورضيت بالامر الواقع كالعاده وركبت البطاريه .