للأسف قانون المرور الجديد خطأ في خطأ
والله من الخوووووف على الموطننننين ؟
اخواني وين خوف على المواطنين
اصبح المقصد مادي
يعني لما ماتدفع مخالفه مره عليها شهرين من تاريخ صدورها عن كل يوم ريال !!؟
شدعوووه هاي اكبر دليل انهم ماديين مش في مصلحت المواطن
بعدين بعض القراات وخاصه الاستيكرات الى على السياره موتري وحر
هاي القانون الى مافهمته تغير جوهري له الف معنى شنو يقصدون
بعدين ليش الهدرز حجز يعني الامبرجيني ليش ماتجي دبابها كاتمه من الوكاله
يعني راعيها له حق با الصوت وانا مالي حق لنهم يعرفون من الى يشتري هاي
السيارات .....
يعني هدرز الجي هو المزعج وهو الى مايخليكم تنامون والدراجه والموتر السبورت لا
ولما تسافرون ويزعجونكم العالم بهدرزاتهم قلتو عادي خلهم شعليكم منهم
وهني لا ازعااااااااااااج .....
افتحو نادي لشباب وخلهم يمارسون رياضاتهم في السباق ولاستعراض على راحتهم
وعقب نزلو قرارات على كيفكم
اما نظام النقاط هذا الى مسوى زحمه يعنى شدعوه رجال عود مثلا عمره 50 سنه يسحبون ليسنه بعد اكثر من30 سنه
مصخوها واجد
الضاهر المرور وانا ذكرت هالشي انهم يبون يمشون رواتب موظفيهم عن طريقنا
مشكلة اللي يبون يتطورن واهما مايدرون شسالفه ..
كل فتره رافعين المخالفات والحين نظام النقاط هذا .. يعني لو النظام يمشي على الناس كلهم بنقول أوكي مب مشكله اما القهر ان النظام بيمشي على الناس اللي على قد حالهم اما اللي عنده واسطه ولا فلوسه واجد ولا من عيال الشيوخ والله المدير نفسه مايقدر يسحب ليسنه ومخالفاتهم في الاخير ماتندقع تنشطب من المرور..
وانا اشوف الاسعار واجد مبالغ فيها اذا تمشي بدون ليسنك 1500 عسى ماشر اقعد معلق ليسني في رقبتي والحزام 500 والتلفون 500 اهما يبون فلوس وبس هذا اللي واضح للأسف ..
ولو صدق خايفين على الناس اهما يدرون لو يندبل سعر المخالفات الف مره اللي بيخالف بيخالف شوفو لكم حل ثاني غير زيادة سعر المخالفات هذا ..
ولا اهما مع الخيل ياشقرا الاسعار ارتفعت بيرفعون سعر المخالفة ترى مب في سوق أنتو ..
ماقول الا الله يعين بس ..
دامهم حطو قواعد ومخالفات بالاف الله لايهينهم يعلمون المدرسين مال السواقه السواقه العدله واكثر الحوادث الى حن نشوفهم من الاجانب والهنود